সিটিজেনসিপ (এমেন্দমেন্ট) বিল, ২০১৬ চৎনগদবা ওইরবদি অসুক পুংজাও থীন্দুনা হৌরকখিবা এন আর সি করিগী দমক্তনো?

১৯৭৯ দগী ১৯৮৫ ফাওবা চৎথখিবা আসামগী অন্দোলন অদু নমথনবা হোৎনরকপনা কায়নথংদা কেন্দ্র সরকারগা আসাম চুক্তী সহী তৌনখি। চুক্তী অসিগী মতুং ইন্না মার্চকী তাং ২৪, ১৯৭১ গী মমাংদা লাকখিবা মীওইশিংতমক লৈবা য়াহনবা হায়বসিনি। অদুবু সিটিজেনসিপ (এমেন্দমেন্ট) বিল, ২০১৬ কী মতুং ইন্নদি আসাম চুক্তীগী সর্ত অসি কায়রকপগী ৱাফম লাকলি।

ধর্মদা য়ুম্ফম ওইরগা সিটিজেনসিপ (এমেন্দমেন্ট) বিল, ২০১৬ চৎনগদবা ওইরবদি অসুক পুংজাও থীন্দুনা হৌরকখিবা নেসনেল রেজিস্টার অফ্ সিটিজেন্স (এন আর সি) করিগী দমক্তনো হায়বসিনি।

সিটিজেনসিপ (এমেন্দমেন্ট) বিল, ২০১৬ বিল অসিনা পাকিস্তান, বাংলাদেশ, আফগানিস্থান অমসুং ম্যানমারদগী ধর্মগী ওইবা অকি অখঙনা মরম ওইরদুনা মপান লৈবাকশিংদগী  ভারত্তা চেল্লকখিবা নত্রগা ভারত্তা লৈরকখিবা  হিন্দু, শিখ, বুদ্ধিস্ট, জৈন, পার্সি অমসুং খ্রিস্টিয়ানশিংনা ভারত্তা চহী ৬ তগী তাদনা লৈরবদি মখোয়বু ভারতকী নাগরিক অমনি হায়না শকখঙগনি হায়বসিনি।

সিটিজেনসিপ এক্ট, ১৯৫৫ শেমদোকতুনা আইন কায়না চঙশিল্লকপা হায়বা ৱাহৈগী মায়খুম অদু লৌথোক্লগা ট্রেভেল দোকুমেন্ট য়াওদবা নত্রগা মতম হেন্না লৈথখিবা ওইরগসু মীওই অদুবু ভারতকী নাগরিক অমনি হায়না শকতাক্কদৌরিবনি।

১৯৫১ গী এন আর সি দাটা অমসুং মার্চ ২৪, ১৯৭৪ ফাওবগী আসামগী ভোতর লিস্ট য়েংলগা সিটিজেনসিপ এক্ট কী মখা পোন্না নেসনেল রেজিস্টার অফ্ সিটিজেন্স (এন আর সি) অসি আপদেট তৌবগী থবক কন্ন হৌজিকসু চৎথরি লোইশিনদ্রি। সিটিজেনসিপ (এমেন্দমেন্ট) বিল, ২০১৬ বিল অসিনা জনুৱারী ১, ১৯৬৬ তগী মার্চ ২৪, ১৯৭৪গী মনুংদা বাংলাদেশতকী চঙলকখিবা নন্-মুসলিম মাইনোরিটি শিংবু সিটিজেনসিপ ওইহন্নবগী লম্বী য়াৎপনি লোয়ননা থৌওং অসি এন আর সিগী থবক থৌরমগী মায়োক্তনি হায়বসি মীওই কাংলুপ খরনা মোত পীরি।
জনুৱারীগী তাং ৮, ২০১৯ লৈবাকপোকপা নুমিত্তা লোকসভানা পাস তৌখ্রবা সিটিজেনসিপ (এমেন্দমেন্ট) বিল, ২০১৬ বিল অসি রাজ্য সভানা তৌরগা বিল অসি এক্ট ওনখিদুনা চৎনরক্কদৌরিবনি। বিল অসিনা হকথেংননা চৈথেং ফংগদৌরিবসি মরুওইনা অৱাং নোংপোক্কী রাজ্য শিংদনি হায়বসি অয়াম্বনা য়ানরবা ৱাফম ওইরি। হৌজিক বিল অসিনা এক্ট ওল্‌লকপা ওল্লকতবা হায়বসিগী মতাংদা কংগ্রেসগী চাউরবা থৌদাং লৈতবা নত্তে। অসোমদা বিল অসি সুকসোই সোইদনা পাস তৌরগনি হায়বসি বিজেপীগী মকোক থোংবা লুচিংবশিংগী অচেৎপা থাজবনি।  লুরিবদি বিল অসি ৱুইদ্রো তৌহন্নবা লৈরিবা চৈরকসিদা করিগুম্বা রাজ্যসভাদা পাস তৌদ্রবসু বিজেপীনা পার্লিয়ামেন্টকী মীফমদা পাস তৌহন্নবগী খুদোংচাবসু লৈ হায়রি।

Pao sing asi ga loinana atei e-pao gi damak
Lakhipuronline android app install toubiyu >>> CLICK HERE
লখিপুরওনলাইনগী ফেসবুক পেজ LIKE তৌবিউ >>> অসিদা নম্বিউ
লখিপুরওনলাইনগী YouTube Channel SUBSCRIBE তৌবিউ >>> অসিদা নম্বিউ