ঙসি

আসামদা ইন্টারসিটি এক্সপ্রেস পোখাইবগী থৌদোক অমদা মীওই ১৪ অশোক অপন নংলে।


থাংজা নুমিৎ দিসেম্বরগী তাং ১গী সন্ধ্যাদা আসামগী উদারগুরীগী মনাক্তা ইন্টারসিটি এক্সপ্রেস চেল্লিঙৈদা থোকখিবা পোখাইবগী থৌদোক অমদা য়ামদ্রবদা মীওই ১৪ অশোক অপন নংখ্রে। সন্ধ্যাগী পুং ৭রোম তাবা মতমদা থোকখিবা থৌদোক অদু ট্রেন অদুগী কা অমদা থোকখিবনি অদুবু করি করম্বা মরমনা পোখাইখিবনো হায়বগী মতাংদা তাংদাংবা লংলা লংজিন খঙবা ঙমদ্রি। অদুম ওইনমক অহানবগী ওইনা থিজিনবদদি আইদি না ওইরমগদ্রা হায়না চীংনরি। থৌদোকফমদা পোখায়বগী মরম থিজিন্নবা এক্সপার্টশিং চঙশিনখ্রে।
রেলগী পাউ মতুং ইন্না থাংজা নুমিৎকী সন্ধ্যা পুং ৭ রোম তাবা অদুৱাইদা কামাখ্যা-দেকারগাঁও ইন্টারসিটি এক্সপ্রেসকী নম্বর ৪ শুবা কাদা পোখাইবগী থৌদোক অদু থোকখিবনি হায়রি। মতমদুদা ট্রেন অদু উদালগুরীগী হরিসিঙ্গাদা লৈবা মতমদনি হায়রি। ট্রেন অদু রাঙ্গিয়াদগী দেকারগাঁওদা চৎপনি।
ট্রেন অদুগী কা মনুং অদুদা কনাগুম্বাশিংনা লোন্না পোখায়বা য়াবা পোৎশকশিং পুদুনা চৎপা ওইরমগনি হায়না চীংনরি। অশোকপা মীওই ১৪ অদু মনাক নকপা লায়েংশঙদা পুখ্রে হায়না পাউ অসিনা মখা তারি।

Pao sing asi ga loinana atei e-pao gi damak
Lakhipuronline android app install toubiyu CLICK HERE

Post a Comment

0 Comments