Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # ভোটর আই দি ওনলাইনদা ভেরিফিকেসন তৌবগী মতম নভেম্বরগী তাং ১৮ ফাওবা শাংদোকহনখ্রে। # মণিপুরদা খুন্দারিবা চীংমী তম্মীশিংগী মরক্তা মচীন মনাও ওইবগী অপুনবগী শক্তম উৎপা মেরা হৌ-চোংবগী থৌরম পাঙথোকখ্রে। # রাশিয়াদা পাঙথোকপা মালেমগী নুপীগী বোক্সিং চেম্পীয়নসিপতা কেজি ৪৮গী কাংলুপতা রাশি্য়াগী নেভিনা পালসে না সনাগী তকমান ভারতকী মঞ্জু রাণী না লুপাগী অদুগা মেরী কোমনা শেঞ্জেংগী তকমান ফংলে। #

November 30, 2018

সিঙ্গেরবন্দ হাইস্কুলদা বিজ্ঞানদা য়ুম্ফম ওইবা হেন্দান্নবগী থৌরম পাঙথোকখ্রে।


আর্যভট্ট সাইন্স সেন্টর, বিন্নাকান্দি ব্লোকনা শিল্লাংদুনা নভেম্বরগী তাং ২৯ শগোলশেন নুমিৎতা সিঙ্গেরবন্দ হাইস্কুলদা বিজ্ঞানদা য়ুম্ফম ওইবা হেন্দান্নবগী থৌরম অমা পাঙথোকখ্রে। ব্লোক অসিগী মনুং চনবদা লৈবা তোঙান তোঙানবা মহৈলোইশঙশিংদগী লাকখিবা মহৈরোইশিংনা মোদেল শাবা, লাইয়েকপা অমসুং এক্সটেম্পোর স্পীচ নচিংবা থৌরমশিংদা শরুক য়াখি। থৌরমসিদা অথোইবা মীথুং ওইনা শরুক য়াখিবা পোত্থারবা হেদমাস্টর বি বিহারীলাল শর্মানা মৈরা চুখৎতুনা থৌরম হৌদোকখি।
সিঙ্গেরবন্দ হাইস্কুলগী ওইনা সোনালি সিংহনা লুচিংবা গ্রুপনা অহানবা অমসুং এম রোজি দেবীনা লুচিংবা গ্রুপনা অনিশুবা অদুগা শিরোইলিলি রাশমনি স্কুলদগী শরুক য়াখিবা টিঐইচ মঙালৈ দেবীনা লুচিংবা গ্রুপনা অহুমশুবা মনা লৌখি।
লাইয়েকপ হেন্দান্নবদা শিরোইলিলি রাশমনি স্কুলগী এম মৌসুমী দেবীনা অহানবা মনা, পি তম্ফালৈমা দেবীনা অনীশুবা অদুগা এম দেবসিং মেমোরিয়েল একাদেমীগী টিঐইচ মোনিকা চনুনা অহুমশুবা মনা লৌখি।
এক্সটেম্পোর স্পীচতা শিরোইলিলি রাশমনি স্কুলগী এম রোসনি দেবী, টিঐইচ মঙালৈ দেবী অমসুং ঊসাটি দেবীনা মথঙ শিৎনা অহানবা, অনিশুবা অমসুং অহুমশুবা মনা ফংখি।
মনামথুম য়েন্থোকপগী থৌরমদা পাত্থারবা হেদমাস্টর নদিয়াচাঁন্দ সিংহ অমসুং হেদমাস্টর চম্পালাল সিংহ নচিংবা মীওইশিংনা ৱা ঙাংখি।

Pao sing asi ga loinana atei e-pao gi damak
Lakhipuronline android app install toubiyu CLICK HERE

No comments:

Post a Comment

Comments ...