মথং চহীগী জুলাই থাদগী মখল অমখক্তগী দ্রাইভিং লাইসেন্স অমসুং গারীগী রেজিস্ট্রেসন সার্টিফিকেট চৎনরগনি।

মথং চহীগী জুলাই থাদগী লৈবাক অসিগী মফম পুম্বদা মখল অমখক্তগী দ্রাইভিং লাইসেন্স অমসুং গারীগী রেজিস্ট্রেসন সার্টিফিকেট চৎনরগনি। রাজ্য অমসুং কেন্দ্রনা সাসন তৌবা রাজ্যশিংদা ৱাফমসিগী মতাংদা খঙহনখ্রে। দ্রাইভিং লাইসেন্স তা নত্তনা গারীগী রেজিস্ট্রেসন সার্টিফিকেটসু স্মার্ট কার্দ ওইরগনি।
মেট্রোগী স্মার্ট কার্দ অমসুং এটিএম কার্দকী মতৌগুমনা হন্দকতগী দ্রাইভিং লাইসেন্স অমসুং গারীগী রেজিস্ট্রেসন সার্টিফিকেটতা কিউ আর কোদ্ য়াওরবা মাইক্রোচিপ য়াওগনি। অসিতা নত্তনা মসিদা নায়ার ফিল্দ কমিউনিকেসন ফিচার সু য়াওগনি। মসিগী মতেংনা ট্রাফিক পুলিস অমনা মখোয়দা য়াওবা দিভাইসকী মতেংনা কার্দ অদু স্বাইপ তৌদুনা ইনফোরমেসন খুদিংমক খঙবা ঙমলগনি। অসিতা নত্তনা কনাগুম্বা মীওই অমনা খুদোং থিবা থোকপা মতমদা মীওই অদুনা মাঙজৌননা মহাক্কী হকচাংগী ওর্গানশিং দোনেত তৌরম্বরা তৌরমদব্রা হায়বগী ৱাফমশিংসু মহাক্কী কার্দ অদুদা ইদুনা য়াওগনি।
দ্রাইভিং লাইসেন্স রিনিউ তৌবা মতমদা অনৌবা স্মার্ট কার্দ ইসু তৌগনি। মসিগীদমক অহেনবা লুপা ১৫দগী ২০ খকতং চংগনি হায়রি।

Pao sing asi ga loinana atei e-pao gi damak
Lakhipuronline android app install toubiyu CLICK HERE