ঙসি

বরাক তম্পাক্কী মরুওইবা পাউ খরা- ১৫/০৬/২০১৮

বরাক তম্পাক্কী মরুওইবা পাউ খরা- - ১৫/০৬/২০১৮ 


### বরাক তম্পাক্কী জিলা অহুম কাছার, হাইলাকান্দি অমসুং করিমগঞ্জকা লোয়ননা রাজ্য অসিগী হোজাই গোলাঘাট কার্বি আংলোং জিলাগী খুঙ্গং ৩৭০ রোম ঈচাউ মায়োক্নরে। আসামদা ঈচাউনা মরম ওইরগা শিবা মীগী মশিং অহুম শুরে। হৌখিবা নিংথৌকাবা নুমিৎকী নুমিদাংদগী চুবা হৌরকখিবা নোংনা মরম ওইরদুনা কাছার জিলাগী মফম অয়াম্বা ঈশিংনা থুমজিনখ্রে। শিলচর শহরগী অম্বিকাপট্টি, শিলংপট্টি, সোনাই রোদ, হাইলাকান্দি রোদ নচিংবগী মফমশিং ঈশিং থুমজিল্লকখ্রে।

### উধারবন্দ, কাটিগোরা অমসুং লক্ষীপুরগী অপুনবা খুঙ্গং ৫৬ রোম ঈচাউ মায়োক্নরে। অসোমদা নুংফৌ (চিরি) তুরেলগী ঈমায় পাথোরকতুনা লক্ষীপুর সাবদিবিজনগী মনুং চনবদা লৈরিবা কোঞ্জেংলৈকায়গী মফম অয়াম্বা ঈশিংনা থুমজিনখ্রে। শিলচর লক্ষীপুর লম্বী নেসনেল হাইৱে নম্বর ৩৭ কী ফুলেরতল অমসুং পোইলাপুলগী মরক্তা ঘন্টাগ্রামদা নুংফৌ (চিরি) তুরেলগী ঈমাই পাথোরকতুনা লম্বী মথক্তা ঈশিং চেল্লে। গারী চৎথোক চৎশিন্দা থোইদোক্না অৱাবা মায়োক্নরে। ফুরেলতল স্বামী বিবেকানন্দ মুর্তীগী থংনবা শিলচর লম্বীগী শরুক খরসু ঈশিংগী মখাদা লৈখ্রে। শিলচর হাফলোং অমসুং শিলচর ইম্ফালগী লম্বীদা চীং কীন্থবা অমসুং লম্বী নমথবনা মরম ওইরদুনা চৎথোক চৎশিন য়াদ্রে।

### সেন্ট্রেল ৱাটর কমিসনগী পাউ মতুং ইন্না ঙরাং সন্ধ্যা পুং ৬ তা শিলচর অন্নপুর্না ঘাটতা বরাক তুরেলগী ঈশিং ঈমায়গী চাং মিটর ২০.৮৭ ওইখি। মফম অসিদা খুদোং থিবা লৈবা লৈইগী চাং মিটর ১৯.৮৩ নি। ঈশিং লেপ্তনা হেনগৎলকলি।

### হাইলাকান্দি জিলাদা ঈচাউনা খুঙ্গং ১০২ রোম ঈচাও মায়োক্নরে। অসোমদা জাতিঙ্গা তুরেল পাথোরকতুনা বরখোলাগী মফম অয়াম্বা ঈচাউ মায়োক্নরে। উধারবন্দা মধুরা তুরেলগী ঈশিং পাথোরকতুনা ভিআইপি লম্বীগী মথক্তা ঈশিং ঈচেল য়াম্না কন্না চেল্লে।

### ফুলেরতলগী বুংগাই কামাই লম্বীগী খুদোংথীবা থৌদোক অমদা লৈখিদ্রে। থৌদোক অদু হৌখিবা য়ুমশাকৈসাগী নুমিদাং পুং ৮রোম তাবদা ফুলেরতল বাইপাসতা থোকখিবনি। বুংগাইনা মহাক্কী মোতোরসাইকল লম্বীদা খামলগা মোবাইলদা ৱারী শান্নরিঙৈদা য়াম্না য়াংনা লাকখিবা অতোপ্পা মোটরসাইকল অমনা থোমগাইরম্বদগী মহাক অরুবা ফিভমদা শিলচর মেদিকেল কোলেজতা পুবগী লম্বীদা লৈখিদবনি হায়রি।

### শান্নবগী পাউ- রাসিয়াদা পাঙথোকলিবা ফিফা ৱার্ল্দ কাপ ২০১৮ ঙরাং শগোলশেন অহৌবা নুমিত্তা মোস্কোদা শান্নখিবা মেচ অমদা য়ুম্বু রাসিয়ানা সাউদি আরবিয়াবু পাঞ্জল ৫ – ০ দা থোইখ্রে। ঙসি গ্রুপ এ গী মেচতা ইজিপ্ত অমসুং উরুগুৱে নুমিদাং পুং ৫.৩০ দা, গ্রুপ বি গী মেচতা মোরোক্কো অমসুং ইরান নুমিদাং পুং ৮.৩০ অদুগা পুর্তুগাল অমসুং স্পেইন নুমিদাং পুং ১১.৩০ দা শান্নগনি।

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE