ঙসি

বরাক তম্পাক্তগী ফোঙবা পাউ-চে শিংদগী মরুওইবা পাউ খরা- ১৪/০৬/২০১৮

মরুওইবা পাউ খরা-১৪/০৬/২০১৮


### হৌখিবা নিংথৌকাবা নুমিৎকী নুমিদাংদগী চুবা হৌরকখিবা নোংনা মরম ওইরদুনা বরাক তম্পাক্কী অকুৎপা মফম অয়াম্বা ঈশিংনা থুমজিল্লে। বরাক তুরেলগী ঈশিং ঈমায় লেপ্তনা হেনগৎলকলি। উধারবন্দগী দোলু তুরেলদা চহী ৪০ রোম শুরবী রীনা মোরা কৌবী নুপী অমা ঈশিংদা তাউথখিবদগী থীবা ফংদনা লৈরি। কাটাখাল তুরেলগী পাথোরকপা ঈশিংনা হাইলাকান্দি অমসুং করিমগঞ্জকী অকুৎপা মফমশিং ঈশিং থুমজিল্লে।

### কার্বী আংলোং জিলাদা কাছারিগাঁওদা হন্দক্তা অঙাং ফাবনি হায়জিন্দুনা মীওই ২ মীয়াম চঙদুনা হাৎখিবগী মতুংদা ইনৌ নৌনা অমুক হৌখিবা লৈবাকপোকপা নুমিত্তা দিমা হাসাও জিলাগী উমরাংশুদা ৱাখল চোয়রবী নুপী অমবু অঙাং ফাবীনি হায়জিনবীদুনা মীয়াম চঙদুনা হাৎতোকপিখ্রে। মশাগী চহী ৪৫ রোম শুরবী ৱাখল চোয়রবী ওমকুমারী শর্মা হৌখিবা জুন তাং ৮দগী ময়ুমদগী থোকখিবদগী থীবা ফংদনা লৈরকখিবনি হায়রি। অসোমদা কার্বী আংলোংগী মীহাৎ থৌদোকতা চেন্নবা মরুওইবা মীশক আলফা জুজে টিমাং পুলিসনা ফাজিনখ্রে।

### হন্দক্কী ঐইচএসএলসি পরিক্ষাদা মায়পাকলকখ্রবা কাছার জিলাগী মনুং চনবদা লৈবা সিঙ্গেরবন্দ হায়স্কুলগী মহৈরোইশিংদা মখোয়বু পুক্নিং থৌগৎপা ওইনা রিতায়ার্দ এদিসনেল সেক্রেটরী গোভ অফ আসাম শ্রী আরাম্বম নন্দবাবু সিংহনা শেলগী তেংবাং ওইনা লুপা লিশিং ৫/৫ তৌদুনা য়েন্থোকখ্রে। পনবা য়াই শ্রী নন্দবাবু সিংহসু স্কুল অসিদগী হৌখিবা মহৈরোয়নি।

###  শান্নবগী পাউ- রাসিয়াদা পাঙথোক্কদৌরিবা ফিফা ৱার্ল্দ কাপ ২০১৮ ঙসি শগোলশেন নুমিত্তগী হৌরগনি। অহৌবা নুমিত্তা ঙসি ভারতকী মতমদা নুমিদাংগী পুং ৮-৩০ দগী মোস্কোদা য়ুম্বু রাসিয়াগা সাউদি আরবিয়াগা শান্নগনি। হয়েং ইরাই নুমিৎ ইজিপ্ত অমসুং ঊরুগুৱে সন্ধ্যা পুং ৫-৩০দা, মোরোক্কো অমসুং ইরান নুমিদাং পুং ৮-৩০ অদুগা পোর্তুগাল অমসুং স্পেইন নুমিদাং পুং ১১-৩০ দা শান্নগনি। 

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu >>> CLICK HERE