বরাক তম্পাক্তগী ফোঙবা পাউ-চে শিংদগী মরুওইবা পাউ খরা- ১২/০৬/২০১৮


১২/০৬/২০১৮ মরুওইবা পাউ খরা-

###  সোনাইগী এমএলএ আমিনুল হোক লস্করগী মফমদা চিঠিখাউ মনুংদা নোংমৈ মরু অনি হাপ্লগা হাৎকনি হায়না কিহল্লকখ্রে। সেভ সিকিওর এন্দ দেবেলপমেন্ট প্রোতেক্সন ফোর্স অব মুসলিম হায়রিবা লুপ অসিনা এলএলএ অসিগী সিলচর বেরেঙ্গাদা লৈবা মশাগী ময়ুমদা পোস্ত অফিসকী খুৎথাংদা  চিঠি অসি য়ৌরকপনি হায়রি।

###  জিরিবাম দিস্ট্রিক্টকী মনুং চনবদা লৈবা কুরান মাদ্রাসা আহমেদবাদতা অসাম রাইফলসকা খুৎ থোক্নবদা লালহৌলূপ উটলাগী মীওইনি হায়না চীংনবা মীওই অমা শিরে। অতোপ্পা অনিনা ফারে। অতৈ নাথোক্তুনা চেনখ্রে। থৌদোক অদু নহান নুমিদাং পুং ১১ রোম তাবদা থোকখিবনি।

###  সুমিত্রা দেব কাছার জিলাগী অনৌবা দিইইও ওইনা থবক পুরগনি। হান্না দিইইও ওইরম্বা হরেন্দ্রকুমার হাজারিকা কাছারদগী অতোপ্পা মফমদা ত্রান্সফার ওইরবা মতুংদগী ফম অসি হাংদুনা লাকখিবনি। রাজিব চুতিয়া কৌবা দিইইও অমা শিলচরদা থারকখ্রবসু মহাক থবকতা জোইন তৌখিদে।

###  নাকল অমদা ইলেক্ত্রিক হুক তৌরগা হুরান্দুনা মৈ কোৎপদগী সোর্ট সার্কিত ওইবদা অতোপ্পা নাকল অমগী য়ুম য়ুমদা টিভিনা চিংবা ইলেক্ত্রিককী পোৎলমশিং চাকপা হৌরকপদগী লোৱারপার চাবাগানগী মফমদা মীয়ামনা ইরাং হৌরকখ্রে। হিরমসিগী মতাং এপিদিসিএলগী মাইগৈদগী অকনবা খোংথাং লৌখৎনবা খঙহনখ্রে। পনবা য়াই লোৱারপারগী য়ুম লিশিং ১০ দা ইলেক্ত্রিক নিওম চুম্না লৌশিল্লি অদুগা য়ুম লিশিং ৩ রোমনা হুক তৌরগা হুরান্দুনা মৈ কোৎপনি হায়রি।

###  কার্বি আংলোংদা থোকখিবা তমথিরবা মীহাৎ অদুগা মরী লৈননা পুলিসনা ফাজিনখিবা মীগী মশিং ২২ শুখ্রে। সোসিয়েল মেদিয়াদা কাংলুপ মশেলগী মরক্তা নুঙাইতবা ইরাং থোকপা য়াবা মেসেজ পোস্ট তৌবশিং রাজ্যগী পুলিসনা মীকুপ নাহুম কুপ্না য়েংদুনা লৈখ্রে।

###  কেরেলাদা খা নোংচুপ্তগী হৌরকপা কুমগী নোং কাহেন্না চুবদগী শিবা মীগী মশিং ১৮ শুখ্রে। মেট দিপার্টমেন্তনা লাক্লিবা য়ুমশাকৈসাফাওবা অকনবা নোং চুখিগনি হায়রি। অসোমদা উরিষ্যাগী তোঙান তোঙানবা মফমদা বজ্র তাবগী থৌদোক য়ামদ্রবদা মীওই ৮ শিরে।

###  শিলোংদা লৈবা রিজনেল সিসমোলোজিকেল সেন্তরগী মতুং ইন্না ঙরাং আসামদা রিক্তর স্কেলদা ৫.১গী চাংদা য়ুহার হাখ্রে। এপিসেন্তরনা নগাঁও জিলাগী মফম অমদনি।


mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu >>> CLICK HERE

Post a Comment

0 Comments