Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

February 04, 2018

কেন্সরনা নারবা মীওইশিংগী খ্বাইদগী নৌবা নুঙাইরবা পাউ

কেন্সরগী সেল
কেন্সরগী সেলশিংবু মাংহনবা ঙম্বতা নত্তনা টিউমর তপ্না তপ্না পীকথহনখিবা ঙম্বা হিদাক মখল অমা পুথোরকলে। চাংয়েং অসি উচিদা চাংয়েং তৌবদা মায়পাকলে। স্টেনফোর্দ ইউনিভার্সিটিগী চাংয়েং অসিনা কেন্সরনা নারবা মীওইশিংদা অনৌবা আসা অমা লাকলগনি। উচিদা তৌবা চাংয়েংদা মায় পাক্লবনিনা মীওইবদসু শোয়দনা মায়পাক্কনি হায়বসি স্টেনফোর্দকী থিজিল্লোইগী অচেৎপা থাজবনি। আমেরিকাগী স্টেনফোর্দ ইউনিভার্সিগী স্কুল অফ মেদিসিনকী কাংবুনা হৌজিক মীওইবদা চাংয়েং অসি চৎথনবা শেমশারি। চহি অসিগী জনুৱারী ৩১ তা ফোংখিবা সাইন্স ট্রান্সলেসনেল মেদিসিন চেফোংদা নুঙাইরবা পাউ অসি ফোংখিবনি। চাংয়েংদা মখোয়না উচিগী মশাদা লৈবা টিউমর অমদা হিদাক মখল অসি কাপশিন্দুনা য়েংবদা মতম খরগী মতুংদা উচিগী মশাদা লৈরম্বা টিউমর অদু অসুম অসুম পিকশিনখিবা থেংনখি। অদুম ওইনমক টিউমর খুদিংগী তোঙান তোঙান্না ইঞ্জেকসন কাপ্পগী দরকার ওইদে হায়না স্টেনফোর্দকী অঙ্কোলোজিস্ট রোনাল্দ লেভিনা ফোঙদোকলি। পুল্লপ্না কেন্সরনা নাহল্লবা উচি ৯০দা চাংয়েং অসি চৎথখিবদা উচি ৮৭ মায়পাক্না কেন্সরগী খায়াত্তগী কনবা ঙনখি। অদুবু উচিদা চাংয়েং তৌবদা মায় পাক্লে হায়দুনা মীওইবদা চামদা চামা মায় পাক্কদ্রা হায়বসি খুদিংমক্না হংলিবা ৱাহংনি। মসিগী দমক কেন্সরনা নারবা মীওই ১৫দা চাংয়েং চৎথবগী শেম শাখ্রে। থিজিল্লোইশিংগী মতুং ইন্না দিএনএ অমসুং এন্তিবোদি ইঞ্জেকসন অসি উনশা, ব্রেস্ট অমসুং কোলোন কেন্সরদা হেন্না পক্নগনি হায়না থাজরি। লায়েংবগী মওং অসিনা মায়পাক্লবদি মসিগীদমক শেল অমসুং মতম কয়াম চংগদবা হায়বদুগী পাউখুমদি ঙায়খিবা তারি।


লখিপুরওনলাইন গী ফেসবুক পেজ লাইক তৌবিউ।