Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   >>> জনুৱারীগী তাং ২০ দা পাঙথোক্কদবা পরিক্ষা পে চর্চাদা প্রধানমন্ত্রি নরেন্দ্র মোদিনা মহৈরোইশিংগা ৱারী শান্নগনি। >>> নুমিৎ ১০ নি চৎথগদবা ২৮শুবা ইম্ফাল বুক ফেয়ার হৌখ্রে। >>> বাংলাদেসতা বিসগাঁও মণিপুরী ফেস্তিভেল ২০২০ হৌখ্রে। >>>

February 13, 2018

মহাশিবরাত্রি মপুঙ ফানা পাঙথোক্নবা ভেলেন্টাইন-দে নুমিত্তা ছুতি পিরিবনি : লখনৌ ইউনিভার্সিতি

ভেলেন্টাইন-দে নুমিত্তা লক্ষনৌ ইউনিভার্সিতি ছুতি পিখ্রে অদুবু নুংশি-নুংওলগা মরী লৈনবা ছুতি নত্তে পিরিবসি। নোংচুপলোমগী চৎনবী অসিদগী লাপথোকতুনা মহাশিবরাত্রিগী নুমিৎ অসি মপুঙ ফানা পাঙথোকচবা ঙম্নবগী পান্দমদা পিবা ছুতিনি। যোগী অদিত্যনাথকী রাজ্যদা ইউনিভার্সিতি অসিগী মাইগৈদগী য়াথং অসি থোকপনি। ফেব্রুৱারী তাং ১৪ অসি মহৈরোইশিংনা নুংশি-নুংওলগা মরী লৈননা নুমিৎ অসি পালন তৌবা পামদে, মসিগী মহুত্তা মহৈরোইশিংনা হিন্দুগী উৎসব “মহাশিবরাত্রি” পালন তৌসনু হায়বসিনি ইউনিভার্সিতিগী মাইগৈদগী পামলিবসি। ফেব্রুৱারী তাং ১৪ অসি মহাশিবরাত্রিগী তিথিনি। নুমিৎ অসি ছুতি লাওথোকখিবগা লোয়ননা মহৈরোইশিংবু কেম্পাসতা চঙবফাওবদা অথিঙবা থমখ্রে। ভেলেন্টাইন-দে গা মরী লৈননা মহৈরোইশিংনা গুলাপ লৈ পীথোক পীশিন তৌনবা নোংচুপকী চৎনবী অসিবু মরূ ফংনা মুত্থৎপগী ৱাখলনি। হৌখিবা চহি কয়ামরোম অসি ফেব্রুৱারীগী তাং ১৪ দা মহৈরোইশিংনা ভেলেন্টাইন-দে পালন তৌদুনা লাকপসি হন্দকতি লক্ষনৌ ইউনিভার্সিতিনা ফেব্রুৱারী তাং ১৪ অসিবু মহাশিবরাত্রিগী দমক ছুতি লাউথোকখিবনি। অসোমদা ইউনিভার্সিগী মহৈরোইশিংনা মখোয়বু কেম্পাসতা চঙবা য়াহন্দবা অসিদা খোইশাওনবা ফোঙদোক্নরি।  

লখিপুরওনলাইন গী ফেসবুক পেজ লাইক তৌবিউ।