মেঘালয়া বিধানসভা মীখলগী মীরেপ ওইরীবী নুপী ক্রোরপতিশিং

লাক্লিবা ফেব্রুৱারী তাং ২৭তা পাঙথোক্কদৌরিবা মেঘালয়া বিধানসভা মীখলগী দমক মীরেপ ওইরিবী নুপী অয়াম্বা লোয়নমক শেলপায়বী ঙাক্তা ওইগদৌরি।

ঙাইত্লাং ধার (এনপিপি) উমরোই কন্সটিট্যুয়েন্সিদগী কারকখিবনি। ইনৌ নৌবা এফিদাভিটকী মতুং ইন্না ঙাইত্লাংগী অপুনবা এসেট লুপা ক্রোর ২৯০ নি। হন্দক মীখল থেংনরিবশিংগী মনুংদা মহাক্না খ্বাইদগী শেলপায়বী নুপী ক্রোরপতি নম্বর ৱান ওইরে। হায়রিবা এসেট অসিদা মশাগী চহী ৪৯শুরবা এমএলএ ঙাইত্লাংগী বিএমদব্লিউ অমসুং তোয়োতা এসইউভি য়াওনা পুন্না মশাগী গাড়ী ১৪৪ লৈরি। মচানুপা দশাখিয়াত লামারে (চহী ২৫) মাউহাতিদগী মীখল থেংনরি। মাগীসু বিএমদব্লিউ অমসুং তোয়োতা এসইউভি য়াওনা পুন্না গারী ১৩ লৈ হায়না পল্লি।

দিকানচি দি সিরা (আইএনসি) মহেন্দ্রগঞ্জ দগী কারকখিবা এমএলএ নি। চীফ মিনিস্টর মুকুল সাংমাগী লোয়নবীনি। শেল পায়বী মীখল থেংনরিবীশিংগী মনুংদা মহাক্না ২শুবা ক্রোরপতিনি। মাগী অপুনবা এসেট লুপা 10,20,27,481 নি। দিকানচিনা মহেন্দ্রগঞ্জদগী অদুগা মপুরোইবা মুকুল সাংমানা অম্পাতি অমসুং সোংসাক সিট অনিদা চোল্লপ মীখল থেংনগনি।

পেলসি স্নাইতাং (বিজেপী)রানিকোরদগীনি। হৌজিক এমএলএ ওইরিবা কংগ্রেসকী মার্টিন এম দেঙ্গোগী মায়োক্তা লেপকদৌরি। ৩শুবা নুপী ক্রোরপতি। ২০১৮গী এফিদেবিত মতুং ইন্না মাগী অপুন্বা এসেট লুপা 9,17,72,001 নি।

গ্রেস মেরী খারপী (পিদিএফ) পিনুর্সলাদগীনি। পিদিএফ কী তিকেট ফংদুনা এনপিপিগী হান্নগী এমএলএ প্রীস্টোন তিনসোংগী মায়োক্তা মীখল থেংনগনি। মরিশুবী নুপী ক্রোরপতি অসিগী অপুন্বা এসেট না লুপা 6,88,56,455 নি।

হাভেরগেইল এদৱৈইন বারে (এনপিপি) রার্সিয়াংদগীনি। মহাক্কী ওইনদি অহানবা মীখলদা থেংনবনি। নুপীলক্তা ৫শুবী ক্রোরপতি কেন্দিদেতনি। মাগী অপুনবা এসেত লুপা 5,31,41,149 নি।

ইভালিনি খারবানি (আইএনদি) মাৱাহাতিদগীনি। বারেগুম্না মাসু অহানবা মীখলদা থেংনবনি। ইন্দিপেন্দেন্ট কেন্দেদিদেত অসি নুপীলক্তা ৬ শুবী ক্রোরপতিনি। মাগী ৬ অপুনবা এসেত লুপা 3,83,85,808 নি।

মেরিয়ান মারিং (বিজেপী) নোংপো দগীনি। অহানবা ওইনা মীখলদা থেংনগদবনি। নুপীলক্তা ৭শুবী ক্রোরপতিনি। অপুনবা এসেত লুপা 3,63,85,000 নি।

আগাথা কে সাংমা (এনপিপি) খা তুরাদগীনি। হান্নগী এমপি আগাথা সাংমা এনপিপিগী নেসনেল প্রেসিদেন্তনি। লোকসভাগী স্পিকার ওইরম্বা পুর্নো এ সাংমাগী মচানুপীনি। নুপী ক্রোরপতিশিংগী মনুংদা মহাক্না ৮শুবা ক্রোরপতিনি। অপুনবা এসেতনা লুপা 2,86,61,306 নি।

মাজেল এম্পারিন লিংদো (আইএনসি) নোংপোক শিলোংদগীনি। লাখপতিদগী ক্রোরপতি ওইরকলবিনি। হন্দক মীখলদা থেংনরিবী নুপীলক্তা ৯শুবী ক্রোরপতিনি। মহাক্কী এসেত লুপা 1,75,47,349 নি।

জুন এলিয়ানা আর মারাক (আইএনদি) দাদেনগ্রেদগীনি। হান্নগী মন্ত্রী ওইরম্বা ক্লেমেন্ট মারাক্কী লোয়নবীনি। নুপীলক্তগী ১০শুবী ক্রোরপতিনি। মাগী অপুনবা এসেটনা লুপা 1,62,21,888 নি। 

লখিপুরওনলাইন গী ফেসবুক পেজ লাইক তৌবিউ।