Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

December 29, 2017

তলাক অহুম্লক হায়দুনা নুপী খায়নবগী মতাংদা লোকসভানা বিল অমা পাস তৌখ্রে।

লখিপুরওনলাইন দিজিতেল দেক্সঃ  বিজেডি , আরজেডি , সিপিএম , মুসলিম লিগ নচিংবা রাজনিতি দোলশিংনা অপনবা পিরবসু কংগ্রেস অমসুং মখোয়গা চৎমিন্নরিবা কাংবুশিংগা য়ানবা পুরকতুনা তলাক্কী বিল অসি পাস তৌবদা থোইদোক্না অৱাবা ওইখিদ্রে। পুং অহুম চুপ্না ঙরাং লোকসভাদা য়েৎনখিবা অদুদা তৃণমুলদি য়াওখিদে। ভোত তৌনবদসু নাকল অমত্তদা লেপ্তবমখৈ মমতা বন্দোপাধ্যায় চোংথোক্তুনা লৈখি। কংগ্রেসতি  মমাং থাবদা পামদবা খরমখৈ উৎলম্লবসু মমৈথংদদি বিল অসিবু শৌগৎতুনা ভোত পিখি। রাহুল গান্ধীনা করিগুম্বা শৌগৎলগদি তলাক অহুম্লক হায়দুনা নুপী খায়নবগী বিল অসি রাজ্যসভানসু পাস তৌবদা মোদিগী অপনবা ওইরোইদৌরি। বিল অসি শরিয়তকী মায়োক্তা লৈবা নত্তে, তৌবতবু বিল অসিনা মুসলিম নুপীশিংগী অধিকার ঙাকতুনা থম্নবগী দমক্তনি হায়না সরকারগী মাইগৈদগী বিল অসিগী মতাংদা ফোঙদোকলি। লোকসভানা ঙরাং পাস তৌখ্রবা বিল অসি রাজ্য সভানসু পাস তৌবিনবা পার্লিয়ামেন্তরি এফেয়ার্স মন্ত্রী অনন্ত কুমারনা ঙসি রাজনীতি দোল পু্ম্নমক্তা আপিল তৌখি। পনবা য়াই, অনৌবা আইন অসিগী মতুং ইন্না কনাগুম্বা নুপা অমনা মাগী নুপীদা তলাক হায়বা ৱাহৈ অসি অইবা ওইনা, চিন্না নত্রগা অতৈ করিগুম্বা ইলেক্ট্রোনিক মেদিয়াগী খুৎথাংদা হায়বা থোক্লবদি আইনগী ওইবা চৈরাক ফংনিঙাই ওইরগনি।

লখিপুরওনলাইন গী ফেসবুক পেজ লাইক তৌবিউ।