রামকিঙ্কর বেইজকী স্কালপচারশিং তুংকোয়না থম্নবগী থৌরাং তৌখ্রে।

সাঁওতাল ফেমিলি, ১৯৩৮, শান্তিনিকেতন

নভেম্বর ০৯, ২০১৭ :

কচ-দেবযানী, সুজাতা, সাঁওতাল ফেমিলি, বুদ্ধ, ফাউন্টেইন অসিনচিংবা মালেমদা মমিং লৈরবা স্কালপচার ঙাক্তনি। খৃঃকুমজা ১৯৩০দগী ১৯৫৬ ফাওবগী মনুংদা রামকিঙ্কর বেইজনা মশানা শেমলম্বা স্কালপচারশিং অসি তুংকোয়না তেকতা-কায়দনা থম্নবগী থৌরাং তৌখ্রে। কেন্দ্র সরকারনা রামকিঙ্করগী কলাবু ঙাকশেন্দুনা থম্ননবগী দমক লুপা কোতি নিপান পীরক্লগনি হায়বগী ৱাফম বিশ্বভারতীদা খঙহল্লকলে হায়রি। মহাক্কী স্কালপচারশিং অসিবু ব্রোঞ্জ কাস্টিং তৌদুনা চপ মান্নবা মুর্ত্তি অনি/অনি শাদুনা থমগদৌরি। অমনা বিশ্বভারতিদা অদুগা অতোপ্পা অমনা দিল্লিগী নেসনেল গেলারি অফ মোদার্ন আর্টতা থম্লগনি।থৌওং অসিনা মহাক্কী শারম্বা মুর্ত্তিশিং অসি করিগুম্বদা অকায়-অতোয় থোক্লবসু অমুক হন্না শাবগী খুদোংচাবা লৈরগনি। হৌজিক্কী ওইনদি মহাক্কী স্কালপচারশিং অসিগী খরমদি ময়ি চীংলে অদুগা খরনা মকু হুবগুম তৌরে। শেলথুমগী খুদোংচাখিদবনা মরম ওইরদুনা রাককিঙ্করনা মতমদুদা মহাক্কী স্কালপচারশিং অদু রেতারাইট অমসুং সিমেন্টনা শাখিবনি।