লখিপুরগী মীয়াম্না মতম
কুইনদগী খৌরাংনা ঙাইরক্লবা সাবদিভিজনেল জুদিসিয়েল মেজিস্ট্রিট অমসুং মুনসেফ কোর্ট, থাংজা নুমিৎ নভেম্বরগী তাং ১৯দা গৌহাটি হাইকোর্টকী চীফ জস্টিস অজিত সিংনা হাংদোকখ্রে। হৌদৌকপগী
থৌরমদা গৌহাটি হাইকোর্টকী জজ্ অনী জস্টিস্ রিশিকেস রোই অমসুং জস্টিস্ সুমন শ্যাম,
দিস্ট্রিক সেসন্ জজ্ কাছার কমলেন্দু চৌধুরী, কাছার জিলা বার এসোসিয়েসনগী
প্রেসিদেন্ট চুনিলাল ভট্টচার্য, দেপুটি কমিসনার এস ভিশ্বনাথন, সুপারিন্টেন্দেন্ট
অফ পুলিস রাকেস রৌসন, শিলচর মিউনিসিপাল বোর্দকী চেয়ারমেন নিহারেন্দ্র নরায়ন ঠাকুর,
লখিপুর মিউনিসিপাল বোর্দকী চেয়ারপার্সন রিমি পাল নচিংবা মীওইশিংনা শরুক য়াখি। নৌনা
শাবা লখিপুর কমর্সিয়েল কমপ্লেক্সতা কোর্ট অসিগী শংলেন হাংদোকপগী থৌরমসিদা লখিপুরগী
এমএলএ শ্রী রাজদীপ গোৱালা মশাগী অচিনবা থবকনা দিল্লিদা লৈখিদুনা শরুক য়াবা
ঙমখিদ্রবসু টেলিফোনদা পাউমীশিংদা মহাক্কী হরাও তয়াম্বা ফোঙদোরকখি। নৌনা হাংদোক্লবা
কোর্ট অসিগীদমক সাবদিবিজনেল জুদিসিয়েল মেজিস্ট্রেট ওইনা মৃণাল নিউপেন অমসুং জহ্নবী
দেবীগী মীং গৌহাটি হাইকোর্টকী চীফ জস্টিস অজিত সিংনা লাউথোক্লমখি।
0 Comments
Comments ...