মন্ত্রীমন্দলনা ভতিন্দাদা অনৌবা এ আই আই এম এস লিংখৎনবগী অয়াবা পীখ্রে

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম্না প্রধানমন্ত্রী স্বস্থ্য সুরক্সা য়োজনা ( পি এম এস এস ৱাই ) গী মখাদা পঞ্জাবকী ভতিন্দাদা অনৌবা এ আই আই এম এস অমা লিংখৎনগীদমক অয়াবা পীখ্রে ।
ইন্সতিত্যুৎ অসিদা ফমুং ৭৫০ চনবা হোস্পিতাল অমা লৈগনি মসিদা ইমর্জেন্সী/ত্রাউমাগী ফমুংশিং, আয়ুশকী ফমুংশিং, লনাইগী ফমুংশিং অমসুং আই সি য়ু স্পিসিএলিতী অমসুং সুপর স্পিসিএলিতী ফমুংশিং লৈগনি । মসিগা লোইননা , মদুদা এদমিনিস্ত্রেশনগী ব্লোক অমা, আয়ুসকী ব্লোক, ওদিতোরিয়ম, নাইৎ শেল্তর, হোস্তেলশিং অমসুং লৈফমগী খুদোংচাবশিং ফংগনি ।
ভতিন্দাদা শাগদৌরিবা অনৌবা এ আই আই এম এস অসিগী প্রোজেক্তকী অচংবা শেনফম অসি লুপা কোতি ৯২৫ ওইগনি । মথক্কী শেনফম অসিদা রিকর্রিং শেনফম ( ৱেজেস অমসুং সেলরী অমসুং ওপরেসন অমসুং মেন্তিনেন্সকী চাদিংশিং ) য়াওদে । রিকর্রিং চাদিংশিং অসি অনৌবা এ আই আই এম এস অসিনা হকশেল অমসুং য়াইফা য়ুম্বাল মন্ত্রালয়গী পি এম এস এস ৱাইগী প্লান বজেৎকী হেদতগী গ্রান্ত ইন এদ ওইনা ফংলকপা মখোয়গী চহিগী ওইবা বজেৎতগী শেমগনি ।
ভতিন্দাগী অনৌবা এ আই আই এম এস অসিনা নেস্নেল হেল্থ মিসন ( এন ঐহ এম ) গী মখাদা ফংবা প্রাইমরি অমসুং সেকন্দরী থাক্কী ইন্সতিত্যুশনশিং/খুদোংচাবশিং অদু লমদম অসোমদা দোক্তর অমসুং হেল্থ ৱাকরশিংগী অচৌবা পুল অমা শেম্লগা মীয়ামদা সুপর স্পিসিএলিতী হেল্থ কিয়র ফংহনগনি । ইন্সতিত্যুশন্নসু লমদমদুগী লাইনা অমসুং অতৈ হকশেলগা মরি লৈনবা ৱাফমশিংদা রিসর্স পাংথোক্কনি অমসুং অদুগুম্বা লাইনাসিং অদু নিংথিজনা ঙাকথোকপা অমসুং লায়েংগনি ।
প্রোজেক্ত অসি ভারত সরকারনা অয়াবা পীখিবা তারিক্তগী থা ৪৮ গী মনুংদা লোইশিনগনি । মসিদা থা ১৫ গী প্রি-কন্সত্রক্সন ফেজ, থা ৩০ গী কন্সত্রক্সন ফেজ অমসুং স্তেবিলাইজেসন/কমিস্নিং ফেজগী থা ৩ য়াওরি । পঞ্জাবকী অমসুং মসিগী অকোইবা লমদমদা এ আই আই এম এস অসিগী কান্নবা ফংগনি । (পিআইবি-27-July, 2016)