Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # ভোটর আই দি ওনলাইনদা ভেরিফিকেসন তৌবগী মতম নভেম্বরগী তাং ১৮ ফাওবা শাংদোকহনখ্রে। # মণিপুরদা খুন্দারিবা চীংমী তম্মীশিংগী মরক্তা মচীন মনাও ওইবগী অপুনবগী শক্তম উৎপা মেরা হৌ-চোংবগী থৌরম পাঙথোকখ্রে। # রাশিয়াদা পাঙথোকপা মালেমগী নুপীগী বোক্সিং চেম্পীয়নসিপতা কেজি ৪৮গী কাংলুপতা রাশি্য়াগী নেভিনা পালসে না সনাগী তকমান ভারতকী মঞ্জু রাণী না লুপাগী অদুগা মেরী কোমনা শেঞ্জেংগী তকমান ফংলে। #

July 29, 2016

মন্ত্রীমন্দলনা দিফেন্স পি এস য়ুগী পাম্বৈনা অপুনবা ভেঞ্চর কম্পেনী লিংখৎনবগী তোঙানবা গাইদলাইনশিং মুখৎনবা অয়াবা পীখ্রে

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম্না ‘ দিফেন্স পাব্লিক সেক্তর অন্দর্তেকিংস ( দি পি এস য়ু )গী পাম্বৈনা অপুনবা ভেঞ্চর কম্পেনী লিংখৎনবগীদমক হৌজিক্কী গাইদলাইনশিং ’ মুথৎনবগী অয়াবা পীখ্রে । দি পি এস য়ুনা তঙানবা অপুনবা ভেঞ্চর লিংখৎনবগীদমক হৌজিক ফেব্রুৱারী ২০১২ দা থোকখিবা গাইদলাইনশিং অদুগী মথৌ তাররোই । দিপার্ৎমেন্ত ওফ পাব্লিক ইন্তর্প্রাইজেস ( দি পি ই ) অমসুং শেল থুমগী মন্ত্রালয় ( এম ও এফ ) না মতম মতমগী ওইনা থাদোরকপা অমসুং সেন্ত্রেল পাব্লিক সেক্তর ইন্তর্প্রাইজেস ( সি পি এস ই ) শিংদা মান্ননা চৎনগদবা গাইদলাইনশিং অসি হৌজিক দি পি এস য়ুগী থোংদা অপুনবা ভেঞ্চর কম্পেনী লিংখৎনবগীদমকসু চৎনরগনি । মসিনা লম অসোমদা ইন্দিজিনাইজেসন/সেল্ফ-রিলাইন্সগী পান্দম অসি মপুং ফাহল্লগনি ।
হৌজিক্কী লৈরিবা জে ভি গাইদলাইনশিং মুথৎপনা দি পি এস য়ু অমসুং প্রাইবেৎ সেক্তরগী মরক্তা মান্নবা থাক অমা পুরক্লগনি । মসিনা দি পি এস য়ুবু অনৌবা মওংদা শরুক য়ামিন্নবগী থোংদা ঙাকশেলগী লমদা সেল্ফ-রিলায়েন্স অমসুং দি পি এস য়ুগী একাউন্তেব্লিতী/ওতোনোমী হেনগৎহনবদা মতেং ওইরগনি । লোইননা অপুনবা ভেঞ্চর শেমবগী থৌওংদা দি পি এস য়ুগী থোংদা মতিং লৈবা মওংদা পাংথোক্নি মসিনা জাতিগী ঙাকশেলগী লমদা হেন্না ফবা পুরকপা ঙমলগনি ।
ৱারেপ অসিনা দি পি এস য়ু মাপন মক মদুদি, মঝগোন দোক লিমিতেদ, গোৱা শিপয়ার্দ লিমিতেদ, গার্দেন রীচ শিপবিল্দর্স এন্দ ইঞ্জিনিয়র্স লিমিতেদ, হিন্দুস্তান শিপয়ার্দ লিমিতেদ, ভারত ইলেক্ত্রোনিক্স লিমিতেদ, হিন্দুস্তান এরোনোতিক্স লিমিতেদ, ভারত আর্থ মুভর্স লিমিতেদ, ভারত দাইনামিক্স লিমিতেদ অমসুং মিশ্র ধাতু নিগম লিমিতেদ অসিদা কান্নবা ফংলগনি ।
দি পি এস য়ুগী জে ভি গাইদলাইনশিং থবক্তা ওন্থোকপা মতমদা মায়োক্নগদৌরিবা অৱাবশিং অদুগী মতাংদা ৱারেপ অসি লৌখিবনি । দিপার্ৎমেন্ত ওফ দিফেন্স প্রদক্সন্না ৱারোইশিন অসিদা লাকখি মদুদি ঙাকশেলগী লমদা প্রাইবেৎ ইন্দস্ত্রীগী শরুক য়াবা হেনগৎলক্লিবা অমসুং ঙাকশেলগী এক্যুইসিসন ইকো সিস্তেমদা ওইরক্লিবা অহোংবা অসিবু য়েংলদুনা দি পি এস য়ুগীদমক্তা তোঙানবা জে ভি গাইদলাইনশিং লৈহনবগী মথৌ ওইদ্রে । ইন্দিজিনস মেনুফেকচরিং/মেক ইন ইন্দিয়াবু অহানবা পান্দম থম্নবগী ওইরক্লিবা শক্তম অসিদা মসি ফাওরক্লি মদুদি গাইদলাইনগী সেৎ কয়ামরুম লৈবনা মরম ওইদুনা ময়েক শেংদবা অমসুং মতিক চাদবা ফিভম অমা ওইহল্লে ।

য়ুমফমঃ 

দিফেন্স প্রদক্সন পোলিসী অসি ২০১১ দা দিফেন্স প্রদক্সন্দা মরু ওইবা সেল্ফ রিলায়েন্স ফংননবগী পান্দমগা লোইননা লাওথোকখিবনি । মসিদা জে ভি য়াওনা মতিক চাবা পাম্বৈ পুম্নমক্কী থোংদা দিজাইন অমসুং দিব্লপমেন্ত কেপাব্লিতী য়াওনা দিফেন্স প্রদক্সন্দা মরু ওইবা সেল্ফ-রিলায়েন্স ফংননবা পান্দম থমখিবনি । মসিগীদমক্তা দি পি ই গাইদলাইনশিংগী মতুং ইনবা ওইনা দি পি এস য়ুগীদমক্তা জে ভি প্রোতোকোল/গাইদলাইন শেম শাবগী মথৌ তাখি মদুনা ঙাকশেলগী লমগী অখন্নবা তঙাইফদবশিং অদু মপুং ফাহনবা ঙমগনি অমসুং দি পি এস য়ুগী কান্ননবশিং অদুগী ঙাক শেল পীবসু ঙমলগনি । মতৌ অসুম্না দি পি এস য়ুগী মতুং ইন্না অপুনবা ভে়ঞ্চর কম্পেনী লিংখৎনবগীদমক হৌজিক্কী লৈরিবা গাইদলাইনশিং অসিবু মন্ত্রীমন্দলনা ফেব্রুৱারী ৯, ২০১২ দা পাংথোকখিবা মখোয়গী মীফমদা অয়াবা পীখিবনি অমসুং ফেব্রুৱারী ১৭, ২০১২ দা খহহনখিবনি । হৌজিক ঙাকশেলগী লমদা প্রাইবেৎ ইন্দস্ত্রীগী শরুক য়াবা হেনগৎলকপা অমসুং ঙাকশেলগী এক্যুইসিসন ইকো সিস্তেমদা ওইরক্লিবা অহোংবা অসিগা মরি লৈননা দি পি এস য়ুগীদমক্তা তোঙানবা জে ভি গাইদলাইনশিংগী মতৌ তাবশিংগী মতাংদা থিজিনখি । (পিআইবি-27-July, 2016)

No comments:

Post a Comment

Comments ...