Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   >>> জনুৱারীগী তাং ২০ দা পাঙথোক্কদবা পরিক্ষা পে চর্চাদা প্রধানমন্ত্রি নরেন্দ্র মোদিনা মহৈরোইশিংগা ৱারী শান্নগনি। >>> নুমিৎ ১০ নি চৎথগদবা ২৮শুবা ইম্ফাল বুক ফেয়ার হৌখ্রে। >>> বাংলাদেসতা বিসগাঁও মণিপুরী ফেস্তিভেল ২০২০ হৌখ্রে। >>>

July 19, 2011

বাঁশকান্দিদা থোকখিবা লম্বীগী এক্সিদেন্ট অমদা মীওই ৩ শিরে, ২ শোকলে।

১৯ জুলাই ২০১১, লক্ষীপুর (কাছার, অসাম) - ঙরাং নুমিদাং বাঁশকান্দিদা থোকখিবা লম্বীগী এক্সিদেন্ট অমদা মীওই ৩ শিরে, ২ শোকলে। জিরিঘাট তগী শিলচর তম্না লাকখিবা মারুতি ভান গারী অমা বাঁশকান্দি কাজিরগ্রাম য়ৌরকপদা লেপতুনা লৈরম্বা ট্রাক অমদা থোমজিনবদগী মারুতি ভান অদুদা তোংলকপা মীওই ৩ থৌদোকফমদা শিখি। পাউগী লীখুন মতুং ইন্না জিরিঘাটকী কারবারৱালা রবি পালগী মচানুপা রাজিব পাল খরনি মমাংদগী মশা কন্না ঙম্লকতবনা লায়েংনবগী দমক খুদক্তা শিলচর মেদিকেল কোলেজদা লাকখিবনি। মারুতি ভান অদুদা মপাবুং রবি পালগা লোয়ননা মচানুপা রাজিব পাল, ময়াম্বা বিশু পাল, দুকানগী কর্মচারী কমল দাস অমসুং দ্রাইভর গৌরঙ্গ দেব য়াওরকখি। ঙরাং নুমিদাং পুং ৯-৩০ রোম তাবদা তাবদা থোকখিবা থৌদোকতুদা মখোয়না তোংলকখিবা মারুটি ভান অদু ট্রাক অদুগী মনিংথংবা শরুকতা চুমদ্রিং ফুজিনখিবগা লোয়ননা মারুটি অদু লৌফম খঙদনা শোকখি। থৌদোকতুদা রবি পাল, কমল দাস অমসুং গৌরঙ্গ দেব থৌদোকফমদা শিখি। অদুবু থৌদোক অদুদা রবি পালগী মচানুপা অনিমক অশোক অপন নংখি। অনা-লায়েংগী দমক লাকখিবা রাজিব পাল ময়াম্বা বিশু পালগা লোয়ননা মখোয় অনী শিনিংচিৎতা হিংহৌবগা লোয়ননা ৱান-জিরো-এইট মৃতুঞ্জয় এম্বুলেন্স তোংদুনা শিলচর মেদিকেল কোলেজ য়ৌনা চৎখি।