মহৈ মশিংগী লমদা রাজ্য অসিদা নুমিৎ খুদিংগী অনৌ অনৌবা আইন

(লক্ষীপুর-ওনলাইন)
মহৈ মশিংগী লমদা রাজ্য অসিদা নুমিৎ খুদিংগী অনৌ অনৌবা আইন শেমলিবা মহৈ-মশিংগী মন্ত্রী শ্রী হিমন্ত বিশ্ব শর্মানা খরনী মমাংদা মেত্রীক পরিক্ষাগী ফল লাউথোকপদা টোপ – টুয়েন্তিগী মহুত্তা টোপ – টেন তমক হায়বদি মকোক থোংবা মহৈরোয় ১০ তমক মমীং লাউথোক্নবা হায়খ্রে। অসিতা নত্তনা চৎলিবা চহীসিদগী হৌরগা হায়স্কুলশিংদা পরিক্ষাগী মার্ক পীবদা সি বি এস ই গী নীওম মতুং ইনবগী ৱাফমসু ফোংদোকখি। সি বি এস ই গীদি চামদা চামা মার্ক পী অদুগী সেবাগীনা মার্ক ৯০ দগী হেন্দে হায়বা ৱাফম ফোংদোক্লদুনা রাজ্য অসিগী মহৈরোই শিংনা মার্ক লিক্না লিক্না ফংনবনা অতোপ্পা লৈবাকসিগী মহৈরোইশিংগা চায়নরকপদা নীংহন্নবগী মতাংদা পনখি।
মহৈমশিংগী মন্ত্রীনা ইনৌ নৌনা লাউথোকখিবদা রাজ্য অসিগী কিলোমিটর অমমম খুদিংগী এল পী স্কুল, কিলোমিটর ২ খুদিংগী এম ই স্কুল অদুগা কিলোমিটর ৫ খুদিংগী হায়স্কুল অমমম লিংখৎপগী ৱাফমসু ফোংদোকখি। থৌরাং অসিগী দমক কেন্দ্র সরকারনা লুপা কোটি লিশিং ১২ রাজ্য অসিদা পীগদৌরি। থৌরাং অসিগী মখাদা সরকারনা মহৈশঙ শাবা, মহৈশঙগী তঙাইফদবা পোৎলমশিং লৈশিনবা, মহৈরোইশিংগী অফবা ঈশিং ফংহনবা, মহৈরোইশিং খুদিংমক্না শেৎননবা ইউনিফোর্ম লেম্না য়েন্থোকপা অমসুং তমলিবা মহৈশঙদগী খরা থাপ্না লৈবা মহৈরোইশিংনা মখোয়গী চৎথোক চৎশিনগী ভারা পীবগী ৱাফমনচীংবসু য়াওরি।