Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # ট্রাইবেল নুপীমচা অমবু ফম্লানবীরগা হাত্তোকপনি হায়বগী মতাংদা মীওই ৩ ফারে। ### লোৱার হাফলোংদা দুকান ১২ মৈনা তুম্না চাকখ্রে। ### নহারোল খোরিরোল সিল্লুপনা মনিপুরী শৈরেংগী নুমিৎ পাঙথোকখ্রে। ### কামরাঙ্গাদা ইমোইনু চা মনা পুথোকপা হৌখ্রে। ### শকখঙদবা নুপীগী অশিবা হকচাং অনি ফংলে। ### রাজ্যগী বিধানসভা সিট মরিগী হয়েং পাঙথোক্কদবা মীখলগী শেমশাবা লোইরে।ভোটর আই দি ওনলাইনদা ভেরিফিকেসন তৌবগী মতম নভেম্বরগী তাং ১৮ ফাওবা শাংদোকহনখ্রে। #

June 30, 2011

Bharat ki oina kanglup ki matung inna mikok thaiba Tripura da houkhre

ভারততা লৈরিবা মীওই কোটি ১২১গী জাতি ধর্ম্ম কাংলুপ খায়দোকতুনা মীশিং থীবগী থবক ত্রিপুরাদা হৌদোকখ্রে।
ঙরাং য়ুমশাকৈশা নুমিৎতগী হৌখিবা কাঙলুপকী মতুং ইন্না মীশিং থীবগী থবক অসি ভারতনা নীংতম্বা ফংলবা মতুংদা পাঙথোকপা হন্দক্কীসিনা অহানবনি। কাঙলূপকী মতুং ইন্না মীশিং থীবা কাস্ট সেন্সস্ অসি ভারতনা নীংতম্ব ফংদ্রিঙৈ ইংশোক ১৯৩১ দা পাঙথোকখি।
ঙরাং আগরতলাদগী কিলোমিটর ৪৫ চৎলগা লৈবা ট্রাইবেলশিংনা খুন্দাবা য়াম্না মনুং হনজিনবা মফমদগী হৌনা হায়রিবা মীশিং থীবগী থবক অসি পাঙথোকপা হৌখি। ভারত পুম্বগী ওইনা পাঙথোক্কদৌরিবা অসি চহীসিগী দিসেম্বর থা ফাওবগী মনুংদা লোইশিনগনি হায়না রেজিস্টর জেনরেল এন্দ সেন্সস কমিসনার অব ইন্দিয়া---- সি চন্দ্রমুলিনা পাউমীশিংদা ফোঙদোকখি।
কাঙলুপকী মীশিং থিবা অসিগা ইরোইননা লৈবাক অসিগী লাইরবা লৈইগী মখাদা লৈবা বিপিএল গী মশিং থীবগী থবকসু পাঙথোক্কদৌরিবনি।
পাউগী মতুং ইন্না হন্দক্কী বিপিএল মশীং থীবা অসিদা য়ুমকৈ লৈজদবা মীওই, বিক্ষা নীরগা চাবশিং, নোংমগী চারা তাল্লগা হীংলিবা মীওইশিংবু বিপিএল গী কাংলুপতা মরুওইনা চনশিনগনী হায়রি।
নুপীনা য়ুম্বুরেন ওইবা অদুগা চহী ১৬ তগীনা চহী ৫৯ ফাওবগী মনুংগী নুপা মেম্বর অমত্তা লৈতবা ইমুং শিং, চহী ২৫গী মথক্তা লৈবা লাইরিক লাইশু তমহৌদ্রবশিং অসিন চিংবসু বিপিএলগী মনুং চনবগী ৱা য়াওরি।
অসোমদা পাকাগী য়ুম লৈবা ইমুং , কা ৩ নত্রগা মসিদগী হেন্না লৈবা চুম্নগী য়ুমশিং, চাকা অনী অমসুং মসিদগী হেনবা গারী লোয়বা ইমুং, টেলিফোন লৈবা ইমুং,
মশাগী ঙা ফানবা হি লৈবা অমসুং লৌউবগী মেছিনারী পোৎ চৈ লৈবা ইমুং, ইনকম টেক্স থীরিবশিং, সরকারগী থবক তৌরিবশিং, সরকারগী থবক তৌদ্রবসু থাদা লুপা লিশিং ১০ ইনকম লৈবশিং, লুপা লিশিং ৫০ অমসুং মসিদগী হেনবা কীসান ক্রেদিত কার্দ লৈবা ইমুং মনুংশিং হায়রিবা বিপিএল গী লিস্ট অসিদা য়াওবা য়াররোই হায়রি।
কাস্ট সারভে হায়বদি কাংলুপকী মতুং ইন্না মীকোক থীবসি য়ুনিওন রুরেল এন্দ আরবান দেবেলপমেন্ট মিনিস্ট্রিনা রাজ্য সরকারগা মরী থমদুনা পাঙথোক্কনি।
হায়রিবা মীকোক থীবগী থবক রাজ্যশিংনা নুমিৎ নিফুনিগী মনুংদা লোইশিনগদবনি হায়বগী ৱাফম পীরি।
রাজ্যগী সেন্সস দিরেক্টরেটনা ইনুমরেটরশিংবু মীৎকুপ নাহুম শিংনা য়েংশিনবগা লোয়ননা মখোয়দা বিপিএলগী মতাংদা ট্রেনিং পীগনি।
টেব্লেট কম্পুটর হায়না খঙনবা অপিকপা কম্পুটরগী মতেংনা ইনুমরেটরশিংনা ইপাউশিং অদু খোমজিল্লগা চুমদ্রিং কেন্দ্রগী সেন্সস ওথোরিটিদা থাগনি। কাংলূপকী মতুং ইন্না মীকোক থীবগী থবক পুমলোই লোইশিনদুনা পুথোরকপদা চহী অমা মখায়রোম চংলবা য়ানা লৈরি।
কাস্ট সেন্সসকী থবক অসি লৈবাক অসিগী রাজনিতি দল শিংনা চহী কয়াগী মমাংদগী পাঙথোকহন্নবা দাবী তৌদুনা লাকখিবনি।
মসিগী মতেংনা রাজ্য অমসুং কেন্দ্র সরকারনা তাংদাংবা শোত্থহৌরবা কাংলুপ অমবু মশক খঙদোক্লগা মতেং পীবদা থোইদোক্না অৱাবা ওইররোই।

No comments:

Post a Comment

Comments ...