Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   >>> জনুৱারীগী তাং ২০ দা পাঙথোক্কদবা পরিক্ষা পে চর্চাদা প্রধানমন্ত্রি নরেন্দ্র মোদিনা মহৈরোইশিংগা ৱারী শান্নগনি। >>> নুমিৎ ১০ নি চৎথগদবা ২৮শুবা ইম্ফাল বুক ফেয়ার হৌখ্রে। >>> বাংলাদেসতা বিসগাঁও মণিপুরী ফেস্তিভেল ২০২০ হৌখ্রে। >>>

May 01, 2011

অৱাং নোংপোক লমদমদা এসিয়া ট্রান্স ইন্টরনেসনেল সুপার হাইৱে

অৱাং নোংপোক লমদমদা এসিয়া ট্রান্স ইন্টরনেসনেল সুপার হাইৱে অথুবা মতমদা লোয়শিন্নবা হোৎনরি। মিনিস্ট্রি অফ্‌ সারফেস ট্রান্সপোর্ট এণ্ড হাইৱেজ্‌গী পাউ অসিগী মতুং ইন্না হায়রিবা লম্বী অসিগী ঠিকা বোর্ডর রোড ওর্গেনাইজেসনদা শিন্নগদৌরি। নৌনা প্রোপোজ তৌরিবা সুপার হাইৱে অসিগী শরুক অমগী মতুং ইন্না নেসনেল হাইৱে নম্বর ফিফটি থ্রী অসি নেসনেল হাইৱে নম্বর থার্টি সেবেন হায়না ওন্থোক্লগা লেন নীপাল লৈবা লম্বী শেম্নবা থৌরাং তৌরি। অদুম ওইনমক অৱাং নোংপোক লমদমগী চীংগী লম ওইবা খুদোং চাদবা খরনা লেন নীপালগী মহুত্তা লেন অনীখক্তা ওইনা শেম্নবসু হায়রি। মনিপুর রাজ্য অসি নেসনেল হাইৱে নম্বর ৫৩ অমসুং ৩৯ গী মতেংনা লৈবাক অসিগী অতোপ অতোপ্পা রাজ্যশিংগা লম্বী ফাওনরি। অদুবু হন্দক্তা য়ুনাইতেদ নাগা কাউন্সিল অমসুং নাগালেন্দগী মহৈরোয়শিংগী লূপ খরনা নেসনেল হাইৱে নম্বর ৩৯ অসি থিংজিনখিবনা নেসনেল হাইৱে নম্বর ৫৩ দা মপাল তাংবা হৌখি। য়ুনাইতেদ ক্লাব এন ঐইচ ফিফ্‌টি-থ্রী অমসুং ট্রান্সপোর্ট বোদিশিংনা লম্বী অসি চৎথোক চৎশিন য়াবা ফিভমদা শেমজিন্নবা হোৎনখি। কেন্দ্র সরকারনা লম্বী অসি শেমজিন্নবা লুপা কোটি অহুম বি আর দা শিন্নখিসু হায়রি।