Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

April 03, 2011

হৌখিবা চহী ১০ অসিদা আসামগী মীশীং ৪৫,১৩,৭৭৪ হেনগত্খ্রে ।

লক্ষীপুর, এপ্রিল 3 - রেজিস্ট্রার জেনরেল অব ইন্দিয়ানা লাউথোকখিবা সেন্সস ২০১১ গী প্রোবিজনেল ফিগরগী মতুং ইন্না ঐখোয়গী রাজ্য আসামগী অপুনবা মীশীং অসি নুপা ১,৫৯,৫৪,৯২৭ অমসুং নুপী ১,৫২,১৪,৩৪৫ য়াওরগা পুন্না আসামগী মীশীং অসি ৩,১১,৬৯,২৭২ ওইরে। হৌখিবা চহী ১০ অসিদা রাজ্য অসিগী মীশীং ৪৫,১৩,৭৭৪ হেনগত্খ্রে । লৈবাক অসিগী ওইনা মীশীং হেনগৎপগী চাং ১৭.৬৪ ওইবদা রাজ্য অসিগী মীশীং হেনগৎপগী চাং অসি ১৬.৯৩ তমক ওইরি। আসাম রাজ্যগী অপুনবা মীশীং ৩,১১,৬৯,২৭২ গী মনুংদা চহী ৬ কী মখাদা লৈবা অঙাংগী মশিংনা ৪৫,১১,৩০৭ নি। ভারত পুম্বগী ওইনা য়েংনবদা মীশীং হেৎনগৎপগী চাং অসি আসাম রাজ্যনা হন্থনা লৈরি। লাইরিক ময়েক চত্পগী চাংনা চাদা ৭৩.১৮ ওইরি। নুপানা চাদা ৭৮.৮১ অদুগা নুপীনা ৬৭.২৭ ওইরি। মিজোরামগী সারচীপ জিলানা চাদা ৯৮.৭৬ গী চাংদা লৈদুনা লাইরিক ময়েক চৎপগী মশীং খ্বাইদগী হেল্লী অদুগা মধ্যপ্রদেশকী আলিরাজপুর জিলানা চাদা ৩৭.২২ দা লৈদুনা লাইরিক ময়েক চৎপদা খৱাইদগী হন্থবা চাংদা লৈরি। মী কুংনা তাবগী চাংনা আসাম রাজ্য অসিগী বর্গ কিলোমিটার অমমমদা মীওই ৩৯৭ খুন্দারি। হন্দক্কী মীশীং থীবসিগী মতুং ইন্না কাছার জিলাগী মীশীং ১৭,৩৬,৩১৯ ওইরি। অদুগা করিমগঞ্জকীনা ১২,১৭,০০২ অমসুং হাইলাকান্দিনা ৬,৫৯,২৬০ ওইরি। পনবা য়াই, কাছার জিলাদা হৌখিবা চহী ১০ অসিদা মীশীং ২,৯১,৩৯৮ হেনগত্খ্রে । (Source: Lakhipuronline)