ঙসি

ভোটর ১,২৬,৮৪৮ লৈবা লক্ষীপুর বিধান সভা কেন্দ্রদসু অয়ুক্কী পুং ৭ তগী নুংথিলগী পুং ৩ ফাওবা ভোট থাদনগনি।

লক্ষীপুর, এপ্রিল 3 - আসাম বিধান সভাগী অহানবা তাঙ্কক্কী হয়েং পাঙথোক্কদৌরিবা মীখল অসিদা বরাক তম্পাক, অপর আসাম য়াওনা জিলা ১৩গী বিধান সভা কেন্দ্র ৬২ দা ভোট থাদনগনি। রাজ্য অসিগী অহানবা তাঙ্কক্কী মীখলগা মরী লৈননা হয়েং অপুনবা ভোটার ১,২৬,৮৪৮ লৈবা লক্ষীপুর বিধান সভা কেন্দ্রগী মফম মফমশিংদসু অয়ুক্কী পুং ৭ তগী নুংথিলগী পুং ৩ ফাওবা ভোট থাদনগনি। সরকারগী মাইগৈদগী য়ুম য়ুমদা য়েন্থোকখিবা ভোটর স্লীপ অদুগা লোয়ননা ভোটরশিংনা অয়ুক্কী পুং ৭ তগী নুংথিলগী পুং ৩ গী মনুংদা মাগী মাগী ভোট থাদফম কেন্দ্রদা লাকতুনা ভোট থাদনবা হায়রি।
মীখলগী মতমদা শান্তি ওইনা ইং-তপ্না মীয়াম্না ভোট থাদনবা কাছার হিউমেন রাইটস্ ওরগেনাইজেসন অমসুং লক্ষীপুর সিটিজেন্স রাইটস্ না আপিল তৌরকলি। মীখলগা মরী লৈননা কাছার জিলাগী মেজিস্ট্রেটগী য়াথং মতুং ইন্না হয়েং নিংথৌকাবা নুমিৎ অসি জিলা অসিগী ভোট কেন্দ্র খুদিংমক্তা আই পি সি গী ধারা ১৪৪ থমখ্রে। ভোট কেন্দ্রদগী মিটার ২০০ গী মনুংদা মীরেপশিংগী লোইশঙ শাবদা অথিংবা পীরি। হায়রিবা লোয়শঙশিংদা থেৎকদবা মরাকতা ফুট ৩ অদুগা ময়ুংনা ফুট ৪ ওইবা বেনার অমখক্তদগী হেন্না অতৈ বেনারশিং থেৎপদসু অথিংবা পীরি। অসিতা নত্তনা ভোট কেন্দ্রগী মিটার ১০০গী মনুংদা মোবাইল ফোন শিজিন্নবদসু অথিংবা থমলি। (lakhipuronline)