মনিপুরী দেভেলপমেন্ট কাউন্সিলগী চেয়ারমেন অমসুং ভাইস চেয়ারমেন খনখিবগা লোয়ননা ৱাসক লৌবগী থৌরম পাঙথোকখ্রে।

লক্ষীপুর, ৩ মার্চ ২০১১ - মনিপুরী দেভেলপমেন্ট কাউন্সিলগী চেয়ারমেন অমসুং ভাইস চেয়ারমেন খনখিবগা লোয়ননা মেম্বর ২৩গী মনুংদা মেম্বর ১৮ ঙরাং নুংথিল গুৱাহাটিদা লৈবা ৱেলফেয়ার অব প্লেইন ট্রাইবস্ দিরেক্তরেটকী কনফারেন্স হোলদা ৱাসক লৌবগী থৌরম পাঙথোকখ্রে।
অহানবা ওইনা মনিপুরী দেভেলপমেন্ট কাউন্সিল শেম্বা অসিদা ঙরাং য়ুনাইটেদ মনিপুরী এসোসিয়েসন, আসাম (উমা) গী চীফ এদভাইজর শ্রী জীতেন সিংহ বু চেয়ারমেন অমসুং ওল মনিপুরী উইমেন মৈরা পায়বী কোওর্দিনেসন কমিটি (সেন্ট্রেল)গী প্রেসিদেন্ট থেঙ্গুজম ওংবী সাবিত্রি বু ভাইস চেয়ারমেন ওইনা খনখি। নৌনা খল্লবা কাউন্সিল অসিগী মপুন্সি চহি ৫ ওইগনি। মনিপুরী দেভেলপমেন্ট কাউন্সিল অসি থারগা আসামদা পুন্না কাউন্সিল ১৮ শুরে। আসামগী শেনবা চহীগী শেনফমদা কাউন্সিলশিংসিগী ওইনা লুপা কোটি ৩০ য়াওরে হায়রি।

Post a Comment

0 Comments