ঙসি

মৈস্নাম হোরেন্দ্র সিংহনা লৈখিদবদা অৱাবা ফোঙদোকখ্রে|

লখিপুর, ১৩ ফেব্রুৱারী ২০১১ : লখিপুর কোনজেংলৈকায়দা লৈবা পোত্থারবা দেপুতি সুপারিন্টেন্দেন্ট অব একসাইজ অমসুং সিনিয়র সিতিজেন মৈস্নাম হোরেন্দ্র সিংহনা লৈখিদবদা লখিপুর সিতিজেন্ ফোরামগী প্রেসিদেন্ট ঙারিয়াম্বম গৌরচন্দ্র সিংহ অমসুং জেনেরেল সেক্রেটরী থোকচোম কৃষ্ণমোহন সিংহনা অৱাবা ফোঙদোকখ্রে| মাগী থৱাইনা লাইরমলেন্দা ঈংনা চীকনা থম্বীনবা তাইবঙ মপুদা নিজখি| মৈস্নাম হোরেন্দ্রনা লৈখিদবদা বরাক ভেলী মৈতৈ কনভেন্সন, সিঙ্গেরবন্দ দেবেলপমেন্ট এসোসিয়েসন অমসুং সিতিজেন রাইটস্ ফোরাম লখিপুরনসু অৱাবা ফোঙদোকখ্রে|
শ্রী মৈস্নাম হোরেন্দ্র সিংহ ঙরাং মশাগী ময়ুম কোনজেংলৈকায়দা লৈখিদবনি| লৈখিদবা মতমদা মশাগী চহি ৭৫ শুখ্রে|
বিজেপীগী কর্মি ওইরম্বা একসাইজ দিপার্টমেন্টা ওফিসার ওইনা থবক্তগী পোত্থারবা শ্রী হোরেন্দ্র সিংহনা লৈখিদবদা সংসদ কবিন্দ্র পুরকায়াস্থ, বিজেপী কাছার জিলা কমিতিগী ভাইস প্রেসিদেন্ট বিমলেন্দু রায়, জেনরেল সেক্রেটরী শ্রী কৌসিক রায় লোয়ননা অধেস কুমার সিং নচিংবা মীওইশিংনা অৱাবা ফোঙদোকখ্রে| পনবা য়াই, শ্রী হোরেন্দ্র সিংহ বিজেপী কাছার জিলাগী ভাইস প্রেসিদেন্ট শ্রীমতি রীনা সিংহগী অপোকপনি|