Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   ####অৱাং নোংপোক লমদম চাউখৎনবগী দমক দোনর মন্ট্রানালোয়না লুপা কোতি ৩০০০ চংগদবা প্রোজেক্ট ২০০ পায়খৎপগী অয়াবা পীখ্রে। #### কাজিরঙ্গা নেসনেল পার্কতা লোন্না গণ্ডার হাৎপগী মরালদা মীওই ৫ ফাখ্রে। #### রাশিয়াদা চৎথরিবা ৱার্লদ মেন্স বোক্সিং চেম্পিয়নসিপকী ফাইনেলগী কেজি ৫২গী ফাইনেলদা ভারতকী অমীত পংঘালগা উজবেকিস্টানগী ওলিম্পিক চেম্পিয়ন সাখোবেদিন জোইরোভকা থিঙ্গাইনরগনি। #### ####

February 23, 2019

ফেক নিউজ শন্দোকপদা মালেমগী ওইনা ভারতনা খ্বাইদগী মকোকতা লৈরে।

লখিপুরওনলাইন দিজিটেল দেস্কঃ
ফেব্রুৱারী থাগী অহানবা চয়োলদা মাইক্রোসোফ্টনা পুথোকখিবা মখোয়গী সর্ভে রিপোর্ত অমদা মালেমগী মনুংদা ফেক নিউজ শন্দোকপদা ভারতনা খ্বাইদগী মকোকতা লৈরে হায়রি। মাইক্রোসোফ্টনা মালেমগী লৈবাক ২২দা পাঙথোকখিবা সর্ভে অদুগী মনুংদা ফেক নিউজ য়াওনা হিরম অহুমদা ভারতনা মাঙজিল থাখিবনি।
ৱাট্সএপ, ফেসবুক নচিংবা সোসিয়েল মেদিয়াদা অরানবা পাউ কয়া শন্দোকপগী মহৈনা ভারতকী মফম কয়াদা ঈ নাই তানখিবগী পাউ লৈরি। অঙাং ফাবা লাকলে, কিদনি লৌথোকখ্রে হায়বনচিংবা চীংনবদগী মীওই কয়াগী পুন্সি মাংখ্রে। মাইক্রোসোফ্টকী রিপোর্ত অদুদা ভারতকী মীওই চাদা ৫৪দি ফেক নিউজকী লাংদা মওং অমদা নত্রগা অমদা অদুম্মক অৱাবা মায়োক্নরি হায়রি। অরানবা পাউদা য়ুম্ফম ওইরগা ফোতো অমসুং ভিদিও শেমদুনা সোসিয়েল মেদিয়াদা শন্দোকপগী চৎনবী অমা য়াম্না কন্না চৎথরকলি। মীখল নকশিল্লকপগা লোয়ননা অরানবা পাউ কয়া শন্দোকপগী চাংসু অসুম অসুম হেনগৎলকলি। মালেমগী ওইনা মীওই চাদা ৫৭ অরানবা পাউ শন্দোকপদগী অৱা চৈথেং ফংবগী মনুংদা ভারত খক্তদা চাদা ৬৪দি মসিগী চৈথেং ফংলি হায়না মাইক্রোসোফ্টকী সর্ভে রিপোর্ত অদুদা পল্লি।
------------------------------------------------
পাউশিং অসিগা লোয়ননা অতৈ পাউগী দমক গুগল্ প্লে স্টোরদগী ইন্সটোল তৌবিউ Lakhipuronline android app
------------------------------------------------Our Social Links : 
YouTube https://www.youtube.com/c/Lakhipuronline
Facebook https://www.facebook.com/c/Lakhipuronline
Twitter https://www.twitter.com/c/Lakhipuronline

No comments:

Post a Comment

Comments ...