Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### ####

January 16, 2019

থাগী লৈমায়দা অহানবা ওইনা লশিং মরুদগী মতোন চোংহনবা ঙমখ্রে।

চাইনাগী "চেং-ই-৪" লুনার লেন্দারদগী থারকখিবা ফোতো
তশেংনদি থাগী অতোপ্পা মমায় নাকল অদুগী মরমদা থীজিন্নবা চতখিবনি। অদুবু চাইনাগী হন্দক্কী খোঙথাং অসিনা মালেমদা অঙকপা অনৌবা মঙাল অমমুক পিররে। বিজ্ঞানগী পুৱারীদা ইহান হানবা ওইনা থাগী লৈমায়দা মরুদগী মতোন চোংহনবা ঙমখ্রে। চাইনাগী চোংকিং ইউনিভার্সিতিগী এদভান্স টেক্নোলোজিকেল রিসার্স ইন্সটিটিউট্ না জনুৱারীগী তাং ১৪, ২০১৯ দা পুথোরকখিবা ফোটো অমদা থাগী লৈমায়দা লশিং মরুগী মতোন চোংবগী শক্তম অদুনা মালেমগী মীয়ামদা অঙকপা অমা ওইহনখি। 
থাগী পৃথিবগীদগী উদবা অতোপ্পা নাকল অদুদা করি লৈবগে হায়বগী মতাংদা থীজিন্নবা চাইনানা অহানবদা সেটিলাইট অমা থাগত্খি। মসিগী থা খরগী মতুংদা চেং-ই ৪ কৌবা সেটিলাইট অমগমুক থাগত্তুনা থাগী অতোপ্পা নাকল অদুদা থুংলুখি। চোংকিং ইউনিভার্সিটিগী বিজ্ঞানিকশিংনা থাগী খোঙচত্তা সেটিলাইট অদুদা সেন্টিমিটর ১৮ রোম চাউবা বালটি মওং মানবা পোত্শক অমদা পৃথিবীদগী ঈশিং, নুংশিত্ অমসুং লৈবাক পুদুনা চত্খি। হায়রিবা পোত্শক অদুগী মনুংদা চাংয়েংগীদমক হঙ্গামথাও মরু, লশিং মরু, আলু, য়িস্ট অমসুং হয়িং মরুম হাপতুনা থাখি। মখোয়শিং অদুগী মনুংদা শুপ্নতগী লশিং মরু অদুখক্তমক মতোন চোংলকপা থেংনখি। তৌবগীদি থাগী লৈমায়দা নত্তবদা মমাং থাবদা ইন্টরনেসনেল স্পেস স্টেসনদা হন্গাম থাও মরু মতোন চোংহনবগী চাংয়েংদি পাঙথোকখ্রবনি। 
রোভার য়ুটু-২ না কাপতুনা থারকখিবা "চেং-ই-৪" লুনার প্রোব্ কী ফোতো
খোঙচত্ অসিদা মরুওইবা থৌদাং য়াখিবা প্রোফেসার জেংজিননা হায় চীংশিনবগী শক্তী ৱাতপা মফমদা মরুদগী মতোন চোংহনবা ঙম্লকপসিনা বিজ্ঞানগী লমদা থীজিল্লিবশিংদা থোইদোকনা কান্নরবা মচাক অমা ওইরগনি। চাইনাগী পাউগী সংস্থা জিন হুৱাগী মতুং ইন্না মরুশিং অসি শুন্দ্রংগী খোঙচত্তা চতত্রিঙৈগী মমাং নুমিত্ ২০নি তুমহনদুনা থমখি। মতুংদা থাগী লৈমায়দা থুংলুবগী মতুংদা পৃথিবীগী গ্রাউন্দ কন্ট্রোলদগী হায়রিবা মরু মরাংশিং অদুদা ঈশিং চাইহনখিবনি হায়রি।

১৯৫৯ - "লুনা-৩" অহানবা ওইনা থাগী লৈমায়দা খোঙদাখি।
১৯৬৬ - "লুনা-৯" থাগী লৈমায়দা সোফ্ট লেন্দিং তৌখিবগা লোয়ননা থাগী লৈমায়গী ফোটো থারকখি।
১৯৬৯ - "এপোলো-১১" নীল আর্মস্ট্রোং অমসুং এদউইন আলদ্রিন পুদুনা থাগী লৈমায়দা মীওইবনা ইহান হানবা ওইনা খোঙদাখি।
২০১৮ - "চেং-ই-৪" না থাগী অতোপ্পা নাকল অদুদা সোফ্ট লেন্দিং তৌখি।
------------------------------------------------------
☑️☑️☑️ Pao sing asi ga loinana atei e-pao gi damak Google Play Store dagi
Lakhipuronline android app install toubiyu
------------------------------------------------------
☑️☑️☑️ Eshei nongmaigi damak Google Play Store dagi
Radio paojel install toubiyu
------------------------------------------------------
☑️☑️☑️ Lakhipuronline gi Facebook Page LIKE & SHARE toubiyu
------------------------------------------------------
☑️☑️☑️ Lakhipuronline gi YouTube Channel Subscribe toubiyu
------------------------------------------------------☺



No comments:

Post a Comment

Comments ...