Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

November 02, 2018

তিনসুকিয়াগী মীহাৎ থৌদোকতা সহদেব শিনিংচিৎতা হিংহৌখিবনি, থাংজা নুমিৎ আসাম বন্দ কৌখ্রে।

সহদেব নমশুদ্র (ফোতোঃ দি হিন্দু)
"মখোয়না ঐখোয় তরুক্তা নোংমৈ কাপশিল্লকখিবগা লোয়ননা মনাক্তা লৈবা কোম অদুদা ঐহাক তাশিনখিবনি", ৱাফম অসি শগোলশেন নুমিত্তা থোকখিবা তিনসুকিয়াগী মীহাৎতা শিনিংচিৎতা হিংহৌরবা সহদেব নমশুদ্রনা ফোঙদোকখিবনি।
মফম অদু লৈবাক অসিগী খ্বাইদগী শাংলবা ভারতকী প্রধান মন্ত্রী নরেন্দ্র মোদিনা হন্দক্তা ইনাগুরেট তৌখিবা আসামগী ধোলাই-সদিয়া থোং (ভূপেন হাজারিকা সেতু) গী মনাক্তা লৈবা তিনসুকিয়া জিলাগী সদিয়া খুঙ্গংদনি। 
মশাগী চহি কুনরোম শুরবা নোংমগী থবক শুজরগা শেন তাঞ্জবা সহদেব মহৌশাগুম হৌখিবা শগোলশেন নুমিৎ (নভেম্বর ১, ২০১৮) মহাক্কী মমান্নবাশিংগা ময়ুম চংনদ্রিঙৈদা নুমিদাং ৱাইরম দুকান অমদা ফমদুনা মোবাইলদা ভিদিও গেম শান্নরম্মী।
মাগী মাগী থবক শুরুরবা মতুং মখোয় নুমিদাং পুং তরেৎমখায়রোম তাবা অদুৱাইদা সহদেব নমশুদ্র, অনন্ত নমশুদ্র, অভিনাস নমশুদ্র, ধনঞ্জয় নমশুদ্র, শুবল দাস, শ্যাম বিশ্বাস মখোয় তরুক দুকান অদুদা ফমলিঙৈদা দুকান অদুগী মমাং মক্তদা মোতোরসাইকল অহুম খামলখি।
মোতোরসাইকলদা তোংলিবা মীওইশিং অদু পারামিলিটারিগী ফিজেৎতা নোংমৈ য়াল্লি অদুগা মমায়দু অমুবা ফিনা কুপশিল্লি। মখোয়গী মনাক্তা চঙশিল্লক্লগা হিন্দি লোলদা মখোয়গী তুং ইল্লকউ লাউ হায়না হায়রকখি।
মখোয় তরুকপু দুকান অদুদগী মিতর ৩০০ রোম লাপ্না থোং মখা তম্না পুদুনা লাকখি হায়না সহদেবনা ফোঙদোকখি। মহাক্না অমম্বদুদা মাগী মোবাইলনা টোর্চ থান্ননবা হোৎনরুবদা মাঙোন্দগী মোবাইল অদু মুনখি। নোংমৈ পায়বা মীওইশিং অদু মখোয়দদি হিন্দি ঙাংলগা মখোয় মশেল ঙাংনবদি আসামিজ লোনদা ঙাংনবা তায় হায়না সহদেবনা ফোঙদোকলি।
মীকুপ অদুমক্তদা খঙহৌদনা নোংমৈ মখোল তাবগা লোয়ননা সহদেব মনাক্তা লৈরম্বা কোম অমদা জ্ঞান মাংদুনা তাশিনখি, "মখোয়না ঐ শিরে খনখিবনি" । জ্ঞান তারকপদা মহাক্কা লোয়নবা অতৈশিং অদু শিদুনা লৈরম্বনি হায়রি।
অসোমদা আসাম পুলিসনা ইরাই নুমিৎ কাঙলুপ মশেলদা উংখৎনবা য়াবা ৱা ঙাংলুবগী দমক আলফাগী প্রো-তোক্স ফেক্সনগী সিনিওর লিদর অনি মৃণাল হাজারিকা অমসুং জিতেন দত্ত মখোয় অনি দিতেন তৌখ্রে।
আসাম সরকারনা থৌদোক অদুদা লৈখিদ্রবা মখোয় মঙাদা লুপা লাখ মঙা/মঙা তৌদুনা ক্ষতিপূরণ পীনবা ইরাই নুমিৎতা লাউথোকখ্রে।
কেন্দরগী স্বরাস্ট্র মন্ত্রী রাজনাথ সিং না শগোলশেনগী থৌদোক অসিবু নিন্দা তৌখিবগা লোয়ননা মীহাৎ অসিদা চেন্নবা মীওইশিং লেম্না থারোই হায়খ্রে। অসমগী মুখ্যমন্ত্রী সর্বানন্দ সোনোৱালনা  মীহাৎ থৌদোক অসিগী মতাংদা থিন্থবা তৌদনা থিজিন্নবা য়াথং পীখ্রে।
পুলিসনা আলফাগী খুৎ য়াওই হায়রবসু সংগঠন অসিগী মাইগৈদগী থৌদোক অসিদা মখোয়না থোকহনখিবা নত্তে হায়না শেংদোরকপা লৈখ্রে।
মীহাৎ অসিগী মায়োক্তা অল অসম বেঙ্গলি য়ুথ্ ফেডারেসননা নভেম্বরগী তাং ৩ থাংজা নুমিত্তা অয়ুক্কী পুং ৫দগী পুং ২৪গী আসাম বন্দ কৌখ্রে।
সোর্সঃ দি হিন্দু

Pao sing asi ga loinana atei e-pao gi damak
Lakhipuronline android app install toubiyu CLICK HERE

No comments:

Post a Comment

Comments ...