হেস্ তেগ্ মী-টু (#MeToo) গী ৱাফম ভারত্তা য়াম্না কন্না ঈহৌরকপা।


হেস্ তেগ্ মী-টু (#MeToo) গী ৱাফম অসি ভারত্তা হৌজিক য়াম্না কন্না ঈহৌরকলি। আলিয়া ভট্ কী মমা সোনি রাজদানসু হন্দকতা #MeToo গী খুৎথাংদা মাগী লোন্না থুপ্না থমজরম্বা থম্মোয়গী পেন্দবা অৱাবা কয়া ফোঙদোরকখ্রে। মতম অমদা মহাক্না ফিল্ম অমগী সুটিং চৎথরিঙৈদা মাগী ইজ্জততা খুৎ থানবগী থৌরাং তৌরমখি হায়বা ৱাফম সোসিয়েল মেদিয়াদা ভাইরেল ওইরি। অসুক কুইবা মতম অসি মহাক্না লোৎশিন্দুনা থম্বগী মতাংদা মহাক্না ৱাফম অসি হায়দোক্লবদি মীওই অদুগী ইমুং মনুং অমসুং মচা-মশুশিং অৱাবা তাগনি হায়না খন্দুনা তুমিন্না লৈশিনখিবনি হায়না ইরি।
#MeToo খুৎথাংদা নুপী ওইবিশিংগী ইকায় খুম্নবা মাঙহনবিরে হায়বগী মতাংদা অমুক লৈরবা মীওই কয়াগী মমিং সোসিয়েল মেদিয়াদা ফোঙদোক্নরকলি। মীং ওইনা পল্লবদা বিকাস বাহল, নানা পাতেকর, অলোক নাথ, সাজিদ খান, রঘু দিক্ষীত, অনু মাল্লিক অমসুং অতৈ অতৈ মমিং লৈরবা মীওই কয়াগী মিং য়াওরি।
হন্দকতা ভারতকী নুপী জার্নলিস্টশিংগী  #MeToo গী ঈহৌদা লৈবাক অসিগী মপাল থৌরম পুবা মন্ত্রী এমজে আকবর থবকতগী রিজাইন তৌবা তাখি। মহাক্না পাউ-চে অমগী ইদিতর ওইনা পুরিঙৈদা নাতৈ চাদবা মওংদা নুপী খরদা ইন্টরভিউ লৌখিবা অমসুং ইজৎ শোকপা থবক কয়া তৌখি হায়বগী ৱাফম টুইটরদা ঈশিং ইচাউগুম ফোঙদোক্নরকখি। মালেমগী ওইনা #MeToo গী ইহৌ অসি ২০১৭কী ওক্তোবরদগী হৌখ্রবসু ভারত্তদি হন্দক্কী অসিনা অহানবনি।
হোলিৱুদ মমি তাইবঙগী শক্নাইরবী হার্ভে ৱিনস্তিনবু নমজা নমথেকপিখিবগী মতুংদা #MeToo গী ইহৌ অসি ঈশিং ইচাউ গুম্না টুইটর অমসুং ফেসবুকতা নুপীওইবীশিংনা মাগী মাগী মফমদা থোকখিবা অৱাবা চৈথেং কয়াবু ফোঙনা সোসিয়েল মেদিয়াদা #MeToo শিজিন্নরগা ফোঙদোক্নবা হৌখি।

Pao sing asi ga loinana atei e-pao gi damak
Lakhipuronline android app install toubiyu CLICK HERE

Post a Comment

0 Comments