ফারুখ মীহাৎসি মীরমচৎ য়াওদবগী খুদমনি, মোবলিঞ্চিংনা নাশিল্লক্লবা খুন্নাই অমা কনবদা লৈঙাক অমসুং খুন্নাই অনিগী চাউরবা থৌদাং লৈঃ এএমএমএফ, পিওএফ


বাশকান্দি, সেপ্তেম্বর ১৭, ২০১৮ - ইম্ফাল ৱেস্ট দিস্ট্রিক্টকী মনুং চনবদা লৈবা থরোইজমদা তমথীবা মওংদা হাৎপীখ্রবা লিলোং হাওরৈবি ময়ায় লৈকায়দগী ফরুখ অহমদকী মীহাৎ অসিগী মতাংদা সেপ্তেম্বরগী তাং ১৬ বিভিএস স্কুল, কোরোইকান্দিদা আসাম মণিপুরী মুসলিম য়ুথ্ ফ্রন্ট (এএমএমৱাইএফ) অমসুং পাঙল ওনলাইন ফোরাম (পিওএফ) গী অপুনবা মীফম অমা পাঙথোকখ্রে। আসাম মণিপুরী মুসলিম য়ুথ্ ফ্রন্ট (এএমএমৱাইএফ)কী  প্রেসিদেন্ট অহমদ চৌধুরিনা প্রেসাইদ তৌখিবা মীফম অদুদা সেপ্তেম্বর তাং ১৩, ২০১৮ গী ফারুখ মীহাৎতা চেন্নবশিং মতিক চাবা চৈরাক পীগদবনি হায়বা ৱাফম থম্নখি। মীফমদা পাঙল ওনলাইন ফোরাম (পিওএফ)গী সিনিওর এদমিন, আব্দুল হামিদনা মোবলিঞ্চিংনা নাশিল্লক্লবা খুন্নাই অমবু কনবদা লৈঙাক অমসুং খুন্নাই অনিগী চাউরবা থৌদাং লৈ হায়না ফোঙদোকখি। লমদম অসিগী শক্নাইরবা মীওই কয়া য়াওনা ফমখিবা মীফম অদুদা ঐখোয়গী পুৱারীবু অসুক লাইনা কাউথোকখিবা হায়বসি লাইবক থিবনি হায়বা ৱাফম ফোঙদোক্নখিবতা নত্তনা অমত্তা ওইবগী ফজবা শকফম অদু হঞ্জিন্নবা হোৎনবদা লৈঙাক্কী চাউরবা থৌদাং লৈ হায়বগী ৱাফমসু থম্নখি। ফারুখ মীহাৎসি মীরমচৎ য়াওদবগী খুদমনি। মী হায়বসি শক-চু / মওং মতৌ মান্নরগতসু য়াদে। থম্মোয়দা মীওইবগী ৱাখল চেনগদবনি, মীনুংশি য়াওগদবনি হায়নসু আসাম মণিপুরী মুসলিম য়ুথ্ ফ্রন্ট (এএমএমৱাইএফ)কী  প্রেসিদেন্ট অহমদ চৌধুরিনা ফোঙদোকখি। মীফমনা ফারুখ মীহাৎপু কন্দেম তৌখিবগা লোয়ননা অথুবা মতমদা মীহাৎপদা চেন্নরিবশিংবু ফাদুনা চৈরাক পীনবা তকশিনবা হায়না ৱারেপ্নখি।

Pao sing asi ga loinana atei e-pao gi damak
Lakhipuronline android app install toubiyu CLICK HERE

Post a Comment

0 Comments