সেরিদোন য়াওনা অতৈ হিদাক মখল ৩২৮ শাবা অমসুং য়োনবদা অথীংবা থমখ্রে।

মীয়াম্না তোয়না শিজিন্নবা পেইনকিলর হিদাক সেরিদোন য়াওনা অতৈ ফিক্সদ দোজ কম্বিনেসন (এফদিসি)গী হিদাক মখল ৩২৮ শাবা অমসুং য়োনবদা অথীংবা থমখ্রে। অথীংবা অসিনা হিদাক্কী ব্রান্দ ৬০০০ রোমদা অৱাবা মায়োক্নগদৌরি। অথীংবা অসিগী মনুংদা পনবা য়াবশিংদি হকচাং চীক নাবদা পীবা সেরিদোন, ঊনশাগী ক্রিম পেনদার্ম, দায়েবেতিসকী কম্বিনেসন হিদাক গ্লুকোনর্ম পিজি, এন্টিবায়োটিক লিউপিদিক্লক্স অমসুং এন্টিবেক্টরিয়েল টেক্সিম এজেদ অসিন চিংবা পনবা য়াই।

খৃঃকুমজা ২০১৬ কী মার্চ থাদা কেন্দ্র হকশেল লোয়শঙনা ফিক্সদ দোজ কম্বিনেসন (এফদিসি) হিদাক মখল ৩৪৪ অথিংবা থমখিবনি। মতুংদা লিস্ট অসিদা অমুক হিদাক মঙা অমগমুক হাপচিনখি। অথিংবা অসিগী মায়োক্তা তোঙান তোঙানবা হিদাক শুংবা কাংবুনা হাইকোর্ট অমসুং সুপ্রিম কোর্টতা চেলেঞ্জ তৌখি। ২০১৭কী দিসেম্বর ১৫ দা সুপ্রিম কোর্টনা হীরম অসিগী মতাংদা পরিক্ষা তৌনবা দ্রাগস্ টেকনিকেল এদভাইজারি বোর্দ তা য়াথং তৌখি। বোর্দ অসিনা মখোয়গী রিপোর্টতা হিদাক মখল ৩২৮ গী মথক্তা অথিংবা পীনবা খঙহল্লকখি। 

Pao sing asi ga loinana atei e-pao gi damak
Lakhipuronline android app install toubiyu CLICK HERE