Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### ###

August 27, 2018

এসিয়ান গেমসকী ৯নি চনবা নুমিৎ আগস্টকী তাং ২৭তা ভারতকী ফিভম

জেভলিন থ্রোদা  মিতর ৮৮.০৬ শান্ন লংদুনা সনাগী তকমান লৌখ্রবা নীরজ চোপ্রা
ইন্দোনেসিয়ানা য়ুম্বু ওইদুনা শান্নরিবা এসিয়ান গেমস ২০১৮গী আগস্টকী তাং ২৭ ঙসি ৯নি চনবা নুমিত্তা ভারতনা সনাগী তকমান ১,  লুপা তকমান ৩ অমসুং সেঞ্জেংগী তকমান ১ গা লোয়ননা  পুন্না তকমান ৪১ (সনাগী ৮, লুপাগী ১৩, সেঞ্জেংগী ২০) ফংদুনা মেদেল টেলিদা ৯শুবদা লৈরি। নুপাগী জেভলিন থ্রোদা হরিয়ানাগী নীরজ চোপ্রানা মিতর ৮৮.০৬ শান্ন লংদুনা সনাগী তকমান লৌখি। নুপীগী মিতর ৩০০০গী স্টিপলচেজ তা উত্তর প্রদেসকী সুধা সিং না অনিশুবা পোজিসন তাদুনা লুপাগী তকমান লৌখি। নুপাগী মিতর ৪০০ গী হর্দলস্ তা তামিলনাদুগী ধারুন আয়াসামি অনিশুবা পোজিসন তাদুনা লুপাগী তকমান অমা লৌখি অমসুং নুপীগী লোং জম্পতা কেরেলাগী নিনা ভারকিল সু লুপাগী তকমান অমা লৌখি। ভারকিলনা মিতর ৬.৫১ চোংখি অদুগা অহানবা পোজিসন তাখিবা ভিয়েতনামগী ভুইথি না মিতর ৬.৫৫ শান্ন চোংখি।


বেদমিন্তনদা সেঞ্জেংগী তকমান লৌখ্রবী সাইনা নেহৱাল
অসোমদা নুপীগী বেদমিন্তন সিঙ্গলস্ তা হরিয়ানাগী সাইনা নেহৱাল না সেঞ্জেংগী তকমান অমা লৌখি। সাইনা না ঙসি সেমিফাইনেলদা ৱার্লদ নম্বর ৱান ওইরিবী চাইনিজ তাইপৈগী টাই জু য়িং গী মখুত্তা ১৭-২১, ১৪-২১ দা মাইথিহৌখি। অদুম ওইনমক ভারতকী অতোপ্পা বেদমিন্তন শান্নরোই পিভি সিন্ধু ফাইনেলদা খোং থাংজিনখিবগা লোয়ননা ৱার্লদ নম্বর ৱান ওইরিবী চাইনিজ তাইপৈগী টাই জু য়িং গা ফাইনেলদা থেংনরগনি। অসোমদা উরিষ্যাগী চীফ মিনিস্টরনা ঙরাং নুপীগী মিতর ১০০ গী লমজেন্দা লুপাগী তকমান ফংখিবী দুতিচান্দ দা লুপা ক্রোর অমা মখায় পীরগনি হায়না লাউথোকখ্রে।


Pao sing asi ga loinana atei e-pao gi damak
Lakhipuronline android app install toubiyu CLICK HERE

No comments:

Post a Comment

Comments ...