Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

August 16, 2018

ভারতকী হান্নগী প্রধান মন্ত্রী, বিজেপিগী শক্নাইরবা নেতা, ভারতরত্ন অটল বিহারী বাজপায়ী লৈখিদ্রে।

ভারতকী প্রধানমন্ত্রী অহুম্লক ওইরম্লবা, বিজেপিগী শক্নাইরবা নেতা, ভারতরত্ন অটল বিহারী বাজপায়ী আগস্টকী তাং ১৬, ২০১৮ ইং শগোলশেন নুমিৎকী সন্ধ্যা পুং ৫ মিঃ ৫ দা অরোইবা য়াহিপ তানখ্রে। নিউদিল্লিগী ওল ইন্দিয়া ইন্সটিটিউট্ অফ মেদিকেল সায়েন্সেসতা চহী অসিগী জুন থাদগী লায়েংলকখিবা শক্নাইরবা নেতা অসি জুনগী তাং ১১দা কিদনিগী নুঙাইতবা অমনা মরম ওইরদুনা ঐইমসতা মীং চনখিবনি। লৈখিদবা মতমদা মশাগী চহী ৯৩ শুখি। আগস্টকী তাং ১৫দা মহাক্কী হকচাংগী ফিভম খঙহৌদনা শোকচিল্লকপদগী লাইফ সাপোর্ত সিস্টেমদা থম্লখিবনি।

অটল বিহারী বাজপায়ীনা লৈবাক অসিগী প্রধান মন্ত্রী ওইরিঙৈ মতম অমসুং মতুং তারকপদা লৈবাক অসিগী শিংথানিঙাই ওইনা খুমাং চাওশিনখি। পোখ্রান টু নিউক্লিয়ার চাংয়েং তৌখিবা, শেলথুমগী থৌশিলদা খুমাং চাওশিনবা, নেসনেল হাইৱেজশিং শেমগৎতুনা ইনফ্রাস্ট্রাকচর প্রোজেক্টশিংদা খোংজেল য়াংশিনবচিংবা পনবা য়াই। নুপীশিংদা অহেনবা শক্তি পীবা অমসুং মান্নবা খুনাই অমা লিংনবগী মাংজিল থানা লুচিংলম্বা শক্নাইরবা নেতা অমনি।

মশাগী ওইজবা থাদোকপা সমাজগী থৌমী অমা ওইরম্বতা নত্তনা মহাক্কী ৱাঙাংশিংদা মীয়াম্বু শুহ্মৎপগী শক্তি চেনবা অমসুং অশেংবা রাজনিতিগী মীওই অমগী মগুণ চপ চানা চেনবা, কবি অমসুং পাউমী ওইবতা নত্তনা তোঙান তোঙানবা গুণ কয়ানা লৈতেংলম্বা মীশকনি।
অটল বিহারী বাজপায়ী অহানবা ওইনা ১৯৯৬ ইংগী মে থাদা নুমিৎ ১৩নি প্রধান মন্ত্রী ওইরম্মী। মতুংদা ১৯৯৮ ইংগী মার্চতগী থা ১৩ চুপ্না লৈবাক অসিগী প্রধান মন্ত্রী ওইরমখি। ১৯৯৯ইংগী ওক্টোবরগী লোকসভা মীখল মতুংদা প্রধান মন্ত্রী ওইনা ৱাশক লৌখিবগা লোয়ননা জৱাহরলাল নেহেরুগী মতুংদা থংন-থংননা অহুম্লক প্রধান মন্ত্রীগী অফিস পায়বা অহানবা মীশকনি।

অটল বিহারী বাজপায়ী মশাগী ওইজবা থাদোক্তুনা লৈবাক অসিগী মীয়ামগীদমক কৎথোকপা অমসুং সমাজকী য়াইফনবা চহি ৫০ হেন্না মীয়ামগী সেবা তৌরক্লবা মহাক্কী মগুণবু শকখঙবা ওইনা ২০১৫ ইংগী মার্চ ২৭তা লৈবাক অসিগী খ্বাইদগী ৱাংবা সিভিলিয়ান মনা ভারত রত্ন পীখি। ১৯৯৪দা ভারতকী খ্বাইদগী পার্লিয়ামেন্টরীয়ানগী মীংথোল পিখি। ১৯৯২দা পদ্ম ভূষণ মনাসু ফংখি।
অটল বিহারী বাজপায়ী ১৯২৪গী দিসেম্বরগী তাং ২৫দা মধ্যপ্রদেশকী গ্বালিওরদা পোকখি। অপোকপা মপাগী মমিং কৃষ্ণবিহারি বাজপায়ী অমসুং মমাগী মমিং কৃষ্ণা দেবী কৌই। লুচিংবা অসিনা লৈখিদবতা রাস্ট্রপতি, উপ-রাস্ট্রপতি, প্রধান মন্ত্রী অমসুং অতৈ লুচিংবা কয়ানা অৱাবা ফোঙদোক্নখি।

অটল বিহারী বাজপায়ীনা ইরম্বা শৈরেংশিংগী মনুংদা পনবা য়াবশিং –
টুয়েন্টিৱান পোৱেমস্ (২০০৩)
ক্যা খোয়া ক্যা পায়া (১৯৯৯)
মেরি ইক্যাবানা কবিতম (১৯৯৫)
মেরি ইক্যাবানা কবিতম (হিন্দি ইদিসন) (১৯৯৫)
স্রেস্থ কবিতা (১৯৯৭) ।।

Pao sing asi ga loinana atei e-pao gi damak 



No comments:

Post a Comment

Comments ...