জকার্তা এসিয়ান গেমস্ কী ফেন্সিংদা ভারতকী নুপী ঈপী তীম মাইথিহৌরে।

জকার্তা এসিয়ান গেমস্ কী ৬নি চনবা নুমিৎ আগস্ট ২৪ ফেন্সিংদা ভারতকী নুপীগী ঈপী তীম মাইথিহৌরে। অয়ুক পুং ৯-৩০ দা শান্নখিবা ক্বাতর ফাইনেলগী মেচ অমদা চাইনা না ইন্দিয়াবু পাঞ্জল ৪৫ – ২৫ দা মাইথিবা পীখি। 

মসিগী মমাংদা  নুমিৎসিগী অয়ুক পুং ৭-৩০ দা শান্নখিবা প্রি-ক্বাতর ফাইনেলগী মেচ অমদা ভারতনা ইন্দোনেসিয়াবু পাঞ্জল ৪৫ – ২৪ য়াম্না লায়না মাইথিবা পীরমখি। অদুবু ক্বাতর ফাইনেলদা ফেন্সিংদা মপাঙ্গল কল্লবা ৱার্লদ চেম্পীয়ন ওইরিবা  চাইনাগা ক্বাতর ফাইনেলদা থেঙ্গাইনবা তাখি। 

ক্বাতর ফাইনেলদা কোরিয়ানা ভিয়েতনামবু ৪২ – ২৮ দা, জাপান না সিঙ্গাপুরবু ৪৫ – ৩৮ দা , চাইনা না ইন্দিয়াবু ৪৫ – ২৫ অমসুং হোংকোং না কাজাকিস্তানবু ৪৫ – ২৬ দা মাইথিবা পীখি। সেমিফাইনেলদা কোরিয়ানা জাপানবু পাঞ্জল ৪৫ – ৩৩ অদুগা অতোপ্পা সেমিফাইনেলগী মেচ অমদা চাইনা না হোংকোংবু পাঞ্জল ৪৫ – ৩৪ দা থোইখি। ফাইনেল দা চাইনা না কোরিয়াবু ২৯ – ২৮ দা মাইথিবা পীখি।
ভারতকী তীম অমা আগষ্ট কী তাং ২৫ তা হল্লক্কদবা গ্রুপ অদুদা থৌদাম কবিতা দেবীসু ভারত্তা হল্লক্লগনি হায়রি।

Pao sing asi ga loinana atei e-pao gi damak

Lakhipuronline android app install toubiyu CLICK HERE