Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

August 09, 2018

এন.আর.সি. গী ফাইনেল দ্রাফ্টতা মীং য়াওরক্তবগী মরম আগষ্টকী তাং ১০দগী য়েংবা য়ারগনি।



এন.আর.সি. গী ফাইনেল দ্রাফ্টতা মীং য়াওরক্তবা মীওইশিংনা মখোয়গী মীং করিগীদমক্তা দ্রাফ্ট অসিদা য়াওরক্তবনো হায়বদু খঙনবগী দমক মরী লৈনবা এন.আর.সি. কেন্দ্রশিংদা চৎতুনা আগষ্টকী তাং ১০দগী হৌনা য়েংবা য়ারগনি। মসি মমাং থাবদা আগস্টকী তাং ৭ তগী হৌগনি হায়রম্বনি। হৌখিবা জুলাইগী তাং ৩০ দা ফোংখিবা দ্রাফ্ট অদুদা মীং য়াওরক্তবা মীওইশিং অমসুং মীং য়াওরক্লবসু মদুদা অশোয়বা থেংনরবদি মদু চুমথোক্নবগী দমক এন.আর.সি. কেন্দ্রদগী হায়রিবা ফোর্মশিং অসি লৌবা য়াগনি হায়রি। 
পাউগী মতুং  ইন্না হায়রিবা ফোর্মশিং অসি এন.আর.সি. গী ওফিসিয়েল ৱেবসাইট www.nrcassam.nic.in দগীসু দাউনলোদ তৌরগা শিজিন্নবা য়াগনি হায়রবসু হৌজিক্কী ওইনদি ৱেবসাইট অসিদগী স্পেসিমেন ফোর্মশিং অদু লৌথোকখ্রে। ক্লেইম, ওবজেকসন অমসুং কারেক্সনগী ফোর্মশিং অসি আগস্টকী তাং ৩০ দগী সেপ্তেম্বরগী তাং ২৮ ফাওবা এন.আর.সি. কেন্দ্রশিংনা লৌশিনগনি হায়না এন.আর.সি. না পুথোকপা চেজাই অমদা পল্লি অদুবু, টাইমস্ অফ ইন্দিয়াগী পাউ অমদা হায়রিবা ক্লেইম, ওবজেকসন অমসুং কারেক্সনগী ফোর্মশিং অসি লৌশিনবগী মতম লেপ্পা ঙমদনা লৈরি হায়না ইরি।  
পনবা য়াই, হন্দক পুথোকখিবা এন.আর.সি. গী দ্রাফ্ট অদুদা মীওই কোতি ২ লাখ ৮৯ লিশিং ৮৩, ৬৭৭ কী মীং য়াওরক্লগা মীওই লাখ ৪০ লিশিং ৭, ৭০৮ গী মীং খত্থদুনা থমহৌখি। কাছার জিলাদগী মীং পিশিনখিবা মীওই লাখ ১৮ লিশিং ১৯, ৭০২ গী মনুংদা মীওই লাখ ২ লিশিং ২৮, ৭৬২ গী মীং খত্থহৌখি। করিমগঞ্জ জিলাদা অপুনবা মীওই লাখ ১৩ লিশিং ২৪, ০৯৬ কী মনুংদা মীওই লাখ ১ লিশিং ১২, ১০৯ গী মীং খত্থহৌখি। অদুগা হাইলাকান্দি জিলাদা মীওই লাখ ৭ লিশিং ৭, ৮৫৭ কী মনুংদা খ্বাইদগী লিক্না মীওই লিশিং ৩৯,৮৫৭ কী মীং য়াওরকখিদে।
মীং য়াওরক্তবশিংগী মতাংদা য়াম্না কুপ্না খন্ননবগীদমক স্টেন্দার্দ ওপারেটিং প্রোসিদ্যরগী মতাংদা নিউদিল্লিদা মরুওইবা মীফম অমা পাঙথোকখ্রে। মীফম অদুদা অৱাং-নোংপোক লমদমগী ওইনা লৈরিবা জোইন্ট কমিসনার সত্যেন্দ্র গার্গ, আসামগী চীফ সেক্রেটরী টি.ৱাই. দাস অমসুং এন.আর.সি. গী স্টেত কোর্দিনেতর প্রতীক হাজেলা শরুক য়াখি। 
থেংনা ফংবা পাউ অমগী মতুং ইন্না ক্লেইম অমসুং ওবজেক্সনগী দমক মসিগা মরী লৈনবা ফোর্মদা মেনশিল্লগা আগষ্টকী তাং ৩০ হৌদুনা পীশিনবা য়াগনি অদুবু মীং লানবা শেমদোক-শেমজিনগী দমক ওনলাইনদা ওইগনি হায়না পাউগী লিখুন অসিনা ফোঙদোকলি।

No comments:

Post a Comment

Comments ...