বরাক তম্পাক্কী খোমজিনবা পাউ ০৯-০৭-২০১৮


বরাক তম্পাক্কী
খোমজিনবা পাউ
-০৭-২০১৮
Representative Image
মচা অনিদগী হেনবা সরকারগী কর্মচারিশিং থবক্তগী লৌথোক্কদৌরি।
⧭⧪ আসাম সরকারগী কর্মচারীশিং মচা অনিদগী অহুম হেক শুবদা থবক্তগী লৌথোক্কদৌরি। রাজ্যদা মীশিং হেনগৎলকপা থিংনবগী পান্দমদা লাক্লিবা থা অমা অনিসিগী মনুংদা আইন অসি চৎনবগী শেমশারে হায়না হকশেল মন্ত্রী হিমন্তবিশ্ব শর্মানা ফোঙদোকখ্রে। হৌখিবা জুনগী তাং ৭ গুৱাহাতিগী শঙ্করদেব কলাক্ষেত্রদা পাঙথোকখিবা নৌনা খল্লবা নর্স অমসুং গ্রেদ ফোরশিংদা এপোইন্টমেন্ট লেটর পীবগী থৌরমদা মন্ত্রীনা ৱাফম অসি ফোঙদোকখিবনি।
অসোমদা প্রণাম আইন হায়না খঙনগদৌরবা আইন অমসু শেমশারে। আইন অসিগী মতুং ইন্না কনাগুম্বা রাজ্য সরকার অসিগী কর্মচারীশিংনা মখোয়গী মমা-মপাবু তাথি তাওইনা তৌই হায়বগী ৱাকৎ কমিসনদা লাক্লবদি মহাক্কী থাগী বেতনদগী চাদা ১০ দগী ১৫গী চাংদা ককথৎলগা মমা-মপাগী বেঙ্ক একান্টটা চঙহনগদবনি। “প্রণাম কমিসন”না মসিগী মতাংদা য়েংশিনগনি হায়রি। আইন অসি লাক্লিবা ওক্টোবরদগী চৎনবগী ৱাফম মন্ত্রীনা পনখি। (www.lakhipuronline.in)

ইম্ফাল জিরিবাম লম্বীদা নৌনা শাবা বরাক থোং তেকখ্রে।
⧭⧪  ইম্ফাল জিরিবাম লম্বীগী কম্পিরোন অমসুং সিবিলোং খুন অনিগী মরক্তা বরাক তুরেলদা নৌনা শাবা বরাক থোং ঙরাং জুলাই ৮গী অয়ুক পুং ১১গী অদুৱাইদা তেকখ্রে। থোং অদুদা নুং পুবা কম্পানিগী ট্রক অমা লাল্লিঙৈদা তেক্লকখিবনি হায়না এআইআর ইম্ফালগী পাউদা হায়রি। পোৎ চৈ থন্না য়াওরবা গাড়ি কয়ামরুম অমদি অহাংবা গাড়ি কয়া থোংগী নাকল অনিমক্তা পন্দুনা লৈরে। অদুম ওইনমক, গাড়ি মচিশিংদি হান্নগী অরিবা থোংদা লানথোক লানশিন তৌরি(www.lakhipuronline.in)

ফুলেরতল তম্না লাকপা বর্মাগী ক্বা সুপারী পুবা ট্রাক অমা পুলিসনা ফারে।⧭⧪  বর্মাগী ক্বা সুপারী বোরা চনিরোম য়াওবা ট্রাক অমা জিরিঘাত পুলিসনা ফারে। মমল লুপা লাখ ২৪ রোম ওইগদবা ক্বা সুপারী বোরাশিং অদু পুদুনা হৌখিবা জুলাইগী তাং ৭ থাংজা নুমিত ইম্ফালদগী লাকপগী লম্বীদা ট্রাক্কী দ্রাইভর শাহিদুর রহমান অমসুং মপু মুহিব উদ্দিন ফাবনি। দ্রাইভর অমসুং মপুগী য়ুম মনিপুরগী থৌবাল জিলাদগীনি। মখোয় অনি লখিপুর কোর্ততা পুথোক্লবা মতুংদা শিলচর জেলদা থাখ্রে হায়না যুগশঙ্খ পাউ-চেদা হায়রি। ট্রাক অদু ইম্ফালদগী লখিপুরগী ফুলেরতল তম্না পুরকপনি। (www.lakhipuronline.in

Pao sing asi ga loinana atei e-pao gi damak 


Post a Comment

0 Comments