Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

July 11, 2018

অরানবা পাউ শন্দোকপা থিংনবা ৱাট্সএপকী অনৌবা ফিচার


অরানবা পাউ শন্দোকপা থিংনবগী পান্দমদা মীয়ামনা খ্বাইদগী পাম্না শিজিন্নরিবা ৱাট্সএপতা অনৌবা ফিচার অমা হাপলে। অরানবা পাউদা য়ুম্ফম ওইরগা হন্দক ভারততা থোকখিবা মীহাৎ থৌদোকশিং অদুগী মতুংদা ৱাট্সএপ কম্পনিদা ভারত সরকারনা পীখিবা ৱাকৎ মতুং ইন্না অনৌবা ফিচার অসি চাংয়েং ওইনা হাপ্পনি হায়না মখোয়গী ব্লোগদা ইরি।(www.lakhipuronline.in)
হৌজিকতগীদি ৱাট্সএপতা কনাগুম্বা মীওই অমনা অতোপ্পগী করিগুম্বা মেসেজ অমা সেয়ার তৌরকপা মতমদা মহাক্না থারক্লিবা মেসেজ অদুগী হেক মথক্তা ৱাওথাওনবা মচুগী অপৈবা ময়েকনা “ফোরৱার্দেদ” হায়না ইদুনা য়াওরক্কনি। অদুবু মেসেজ অদু মশানা শেমজবা/ইজবা ওইরবদি হায়রিবা অসি য়াওরকলোই। 
ফিচার অসি আপদেট তৌরবা ৱাট্সএপশিংদা হৌজিক য়াওরে। “ফোরৱার্দেদ” মেসেজ অদু কদায়দগী কনানা থারকপনো হায়বা খঙদবনা মখা তানা সেয়ার তৌদ্রিঙৈদা ঙাইহাকতং ওইরবসু খন্থনবগী তাঞ্জা অমা পিরি। তশেংনা চীংননিঙাই ওইরবদি পাউ অদু অতৈ মখা তানা শন্দোকতুনা ফত্তবা ওইরক্তনবা ৱাট্সএপতা রিপোর্ট তৌবা য়াই। 
রিপোর্ত তৌবগী মওংদি এন্দ্রোইদ ফোন অমসুং আই-ফোনগী দমক সেটিং > হেল্প > কন্টেক্ট আস অসুম্না চংবিগনি। অদুগা ৱিন্দোজফোন ওইরগনা সেটিং > এবাউট > সাপ্পোর্ট তা চংদুনা রিপোর্ট তৌবা য়াই।  
অদুম ওইনমক, অরানবা পাউ শন্দোকপা থিংনবা ৱাট্সএপকী মাইগৈদগী হোৎনবা য়াবমখৈ হোৎনরবসু এপ্ অসি এন্দ-টু-এন্দ ইনক্রিপসন্ ওইবনা হায়বদি ৱাট্সএপ কম্পনিনা মীওই অমগা অমগা থাদোক থাজিন তৌনরিবা মেসেজশিং অসি য়েংবা য়াদবনা অরানবা পাউ শন্দোকপা পুমথিং থিংবা হায়বদুদি মতমনা তাক্লবা হায়বদুনি।(www.lakhipuronline.in)


Atei e-pao gi damak 

No comments:

Post a Comment

Comments ...