Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ইম্ফাল-জিরি হেলিকোপ্তর সার্ভিস সেপ্তেম্রগী তাং ১৯দগী হৌরগনি। |||| শিলচর মিউনিসিপালগী মনুং চনবদা লৈবা লম্বী অমা সুবেদার খেলেন্দ্র রোড হায়না মীংথোনখ্রে। |||| নাগালেন্দ পুলিসকী ইন্সপেক্টর হাৎপদা চেন্নবা মীওই অমা উখ্রুলদগী ফারে। |||| টেরোরিস্ট লূপ হিজবুল মুজাহিদ্দিনগা মরী লৈনৈ হায়বা মীওই মরি সেকিউরিটি ফোর্সনা আসামদগী ফারে |||| মনিপুরী সেদ্যুল ট্রাইব দিমান্দ কমিতি অসামনা শিল্লাংদুনা মীতৈবু সেদ্যুল ট্রাইব লীস্টা চনগদবনি হায়বগী হীরমদা সেপ্তেম্বরগী তাং ২৩ শিলচর গান্ধি ভবনদা খন্ননৈনবগী থৌরম অমা পাঙথোক্লগনি। |||| মণিপুরগী চাকহাও উত্তরপ্রদেসতা থারগনি, গুৱাহাটিতনা চাকহাওনা য়ু শুংলগনি। |||| মঙারক ৱার্লদ্ বোক্সিং চেম্পিয়ন ওইখ্রবী এমসি মেরি কোমনা পোলেন্দগী গ্লিয়ারাইসতা পাঙতোকপা নুপীগী ওপেন বোক্সিং তোর্নামেন্টা সনাগী তকমান লৌখ্রে। ||||

July 05, 2018

বরাক তম্পাক্কী খোমজিনবা পাউ খরা ০৪-০৭-২০১৮


বরাক তম্পাক্কী
খোমজিনবা পাউ খরা
০৪-০৭-২০১৮
শিলচর সদরঘাট থোং
শিলচরদা রাজ্য সরকারগী থৌরাং মখাদা দিস্ট্রিক্ট মিউজিয়াম অমা শারগনি।
⧭⧪ রাজ্য সরকারগী থৌরাং মখাদা বরাক তম্পাক্তা দিস্ট্রিক্ট মিউজিয়াম অমা শেমগৎনবগী থৌরাং তৌরি। মসিগা মরী লৈননা আসাম মিউজিয়াম বিভাগকী দিরেক্তর ৱাই.এস. ৱাংলেংটন হৌখিবা লৈবাকপোকপা নুমিৎতা শিলচর য়াওনা বরাক তম্পাক্কী মফম কয়ামরুম কোয়না চৎতুনা য়েংলুরে। লুপা কোতি অনিরোম চংনা শাগদবা মিউজিয়াম অসি তম্পাক অসিগী ওইনদি অহানবা ওইগদৌরি। শিলচরগী নোর্মাল স্কুলগা থংনবা মফমদা নত্রগা রোংপুর পার্ত তুদা শাবগী অপাম্বা লৈ হায়না শিলচর সার্কিত হাউসতা পাঙথোকখিবা পাউগী মীফমদা দিরেক্তরনা ফোঙদোকলমখি। লম হেক ফংবগা দিপিআর শেমলগনি হায়রি। থৌরাং অসিনা লমদম অসিগী তোঙান তোঙানবা কলা সংস্কৃতিগী ওইবা মচাক কয়া তাশিন খোমজিন্দুনা লিদুনা থম্বগী খুদোং চাবসু ফংলগনি। মিউজিয়াম অসিগী মিং লমদমসিগী পুৱারীগা মরী লৈননা থোনগনি হায়বগী ৱাফম ফোংদোক্লম্মী হায়রি। পনবা য়াই, গুৱাহাটিগী স্টেত মিউজিয়াম য়াওনা রাজ্য অসিদা অসিগুম্বা মিউজিয়াম ১০ লৈরি। (www.lakhipuronline.in)

নৌনা শারিবা সদরঘাট থোং অসি শহীদ বীর শম্ভুধন ফোংলো মীংথোন্নবা তকশিনখ্রে।
⧭⧪ শিলচরদা শাবা লোইগদৌরবা অনৌবা সদরঘাট থোং অসি “শহীদ বীর শম্ভুধন ফোংলো” হায়না মীংথোন্নবা আসামগী মুখ্যমন্ত্রী সর্বানন্দ সোনোৱাল অমসুং পিদব্লউদি মন্ত্রী হিমন্ত বিশ্ব শর্মাগী মফমদা ৱাকৎ চেরোল অমা পীশিনখ্রে। অল আসাম বেঙ্গলি হিন্দু এসোসিয়েসন (আভা), শিলচরনা পীবা ৱাকৎ চেরোল অদুদা ডিমাসা নিংথৌ অমসুং ভারতকী নীংতম লান্মী শম্ভুধন ফোংলোগী মীংদা থোং অসিগী মীং থোনবনা রাজ্য অসিগী পুৱারীগী শেংলবা শক্তমশিং তুংকোইনা লৈহৌরগনি হায়না পল্লি। (www.lakhipuronline.in)

বৃত্তি পরিক্ষানা ক্লাস নাইন অমসুং টেনগী থা তরুক্কী পরিক্ষাদা খরা হোংদোক হোংজিন তৌরে।
⧭⧪ মুখ্যমন্ত্রীগী থোইদোকপা বৃত্তি পরিক্ষা-২০১৭ কাছাড় জিলাগী ওইনা ৫শুবা অমসুং ৮শুবা ক্লাসকী বৃত্তি পরিক্ষা লাক্লিবা আগষ্টকী তাং ৪ অমসুং ৫ দা জিলা অসিগী খন্দোক্লবা স্কুল খরদা পাঙথোক্লগনি। মসিগা মরী লৈননা জিলা অসিগী দিএলআইইসি না লৌবা ৯শুবা অমসুং ১০শুবা ক্লাসকী থা তরুক্কী পরিক্ষাদা খরা হোংদোক হোংজিন তৌরে। মসিগী মতুং ইন্না আগষ্টকী তাং ৪ দা অয়ুকতা ক্লাস টেনগী অমসুং নুংথিলদা ক্লাস নাইনগী আরবীক পরিক্ষা ওইরগনি। অদুগা আগষ্টকী তাং ১০ গী অয়ুকতা ক্লাস টেনগী এমআইএল অমসুং নুংথিলদা ক্লাস নাইনগী ইংলিস পরিক্ষা ওইরগনি।  (www.lakhipuronline.in)

Pao sing asi ga loinana atei e-pao gi damak 



No comments:

Post a Comment

Comments ...