Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   #### লাক্লিবা জনুৱারী তাং ১৯ দা অৱাং কাছার চীঙ জিলা ওতোনোমাস কাউন্সিলগী মীখল পাঙথোক্লগনি। #### ত্রিপল তলাক ওর্দিনান্স অমুক হন্না চৎনহনবা রাষ্ট্রপতিনা য়ারে। #### শেল থুমগী ফিভম শোত্থরবা মীওইশিংদা চাদা ১০ রিজার্বেসন পীনবা বিল রাষ্ট্রপতিনা অয়াবা পীরে। #### সিক্কিমগী মুখ্যমন্ত্রিনা ইমুং অমদা থবক অমা হায়বা স্কীম অমা হৌদোকখ্রে।। ####

July 26, 2018

চহী-চা অসিগী খ্বাইদগী শাংবা চন্দ্রগ্রহন ঙসি (জুলাইগী তাং ২৭) উবা ফংলগনি।


ঙসি জুলাইগী তাং ২৭ পূর্ণিমা নুমিত্তা চহী-চা (২০০১-২১০০) অসিগী খ্বাইদগী শাংনা পুং ১ গা মিনিট ৪৩ (পুন্না মিনিত ১০৩) চুপ্না চন্দ্রগ্রহন ওইরগনি। ভারতকী মিনিস্ট্রি অফ আর্থ সাইন্সেসকী মতুং ইন্না গ্রহন অসি ভারতকী মফম পুম্নমক্তগী উবা ফংগনি হায়রি। ভারতকী মতমদা জুলাই ২৭গী নুমিদাং পুং ১১ মিঃ ৫৪ সেঃ ২৬ তগী পার্সিয়েল ইক্লিপস্ হৌগনি। তপ্না তপ্না থাবু পৃথিবীনা খুমজিনখিবগা লোয়ননা নোংয়াই মতুং পুং ১ হায়বদি জুলাই ২৮গী ১ এ.এম. দগী মপুং ফাবা চন্দ্রগ্রহন ওইগনি। অদুগা থাবু পৃথিবীনা লুমশিল্লম্বদগী তপ্না তপ্না থোরকপগা লোয়ননা নোংঙাল্লমদাই পুং ৩ মিঃ৪৯দা গ্রহন লোইগনি। মতম অসিদা লূপা মচুগী থা অসি তপ্না তপ্না ঈ-মচু হায়রপ চঙবা শক্তম মীয়ামনা উবা ফংখি। মসিবু ইংরাজিদা ব্লাদ মুন হায়রগসু খঙনরি। থাগী খোংচৎকী লম্বীদগী পৃথিবীদগী খ্বাইদগী লাপ্না লৈবা থৌদোক ওইগদৌরি।
অসিতা নত্তনা লৈঙাং মচুগী গ্রহ হায়না খঙনরিবা মার্স গ্রহসু নুমিৎ অসিদা পৃথিবীগা য়াম্না নক্না লৈদুনা হান্নগী চাংদগী গ্রহ অসি য়াম্না ঙান্না পৃথিবীদগী উবা ফংগনি। গ্রহ অসি অরোইবা ওইনা খৃঃকুমজা ২০০৩দা উবা ফংখি। অসিতা নত্তনা খা-নোংচুপ থংবা মাইগৈদা শগোলশেন গ্রহসু উবা ফংগনি। অসিনসু লোইদ্রি, হায়রিবা গ্রহনগী মতমসিদা শুন্দ্রংদা হৌজিক লৈরিবা ইন্টরনেসনেল স্পেস স্টেসনসু মীৎনা উবা ফংবগী ওইথোকপা লৈ হায়রি। 
মসিগী মমাংদা চহীসিগী জনুৱারীগী তাং ৩১ দা মপুং ফাবা চন্দ্রগ্রহন উবা ফংখি। মথংগী মপুংফাবা চন্দ্রগ্রহননা খৃঃকুমজা ২০১৯গী জনুৱারীগী ২১দা ওইগনি। বিরলা প্লানেটোরিয়াম কোলকাতাগী দিরেক্টর দেবিপ্রসাদ দাউরিগী মতুং ইন্না নুমিৎ অসিদা ঐখোয়না করিগুম্বা মখলগী ফিল্টর শিজিন্নদ্রবসু থাগী গ্রহন অসি চুমদ্রিং য়েংবা য়াগনি হায়রি।

পনবা য়াই, জনুৱারী ৩১, খৃঃকুমজা ২০১৮গী য়ুমশাকৈশা নুমিৎতা অতিয়াদা য়াম্না তাঙনা থোকপা মওংগী মপুঙ ফাবা থাগী গ্রহন লৈবাক শিনবা থুংনা উবা ফংখি। 

মপুঙ ফাবা চন্দ্রগ্রহন অসি থোকপা মতমদা নুমিৎকী মঙালগী মচু তরেৎকী মনুংদা খামেন মচু অমসুং হিগোক মচুনা খ্বাইদগী হেন্না অদুগা অঙাংবা অমসুং কমলা মচুনা খ্বাইদগী লিক্না চাইথোকপা থেংনৈ। হায়রিবা অঙাংবা অমসুং কমলা মচু অসি পৃথিবীগী নুংশিৎকী কুয়োমদগী থক্তোরক্লগা থাগী লৈমায়দা তাবা উবা ফংগনি। থৌওং মসিনা থাবু পৃথিবীদগী য়েংবদা ঈ মচু হায়রপ চঙনা উহল্লি। 


Pao asi ga loinana atei e-pao gi damak 

Lakhipuronline android app install toubiyu CLICK HERE

1 comment:

Comments ...