Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

July 22, 2018

বরাক তম্পাক্কী খোমজিনবা পাউ ২২-০৭-২০১৮

বরাক তম্পাক্কী
খোমজিনবা পাউ
২২-০৭-২০১৮


এশিয়ান গেমসতা থৌদাম কবিতা ফেন্সিং মশান্নদা শরুক য়াগদৌরি।
⧭⧪  ইন্দোনেসিয়ানা য়ুম্বু ওইদুনা  জাকার্তা অমসুং পালেম্বাংদা আগষ্টকী ১৮দগী সেপ্তেম্বরগী ২ ফাওবা পাঙথোক্কদবা ১৮শুবা এসিয়ান গেমসতা কাছার জিলাগী লখিপুর সাবদিভিজনগী মনুং চনবদা লৈবা তলেনখুনদগী থৌদাম কবিতা দেবী ভারতকী ফেন্সিং তীমদা শরুক য়াগদৌরি। কবিতাগা লোয়ননা ভারত্তগী মশান্নসিদা শরুক য়াগদবশিংদি আন্য অরোরা, জসিরত সিং, জোতিকা দত্তনি। ঔরাঙ্গবাদকী সাই সেন্টরদা হৌজিক প্রেকটিস চৎথরিবী থৌদাম কবিতাগী পাউ অসিদা আসাম ফেন্সিং এসোসিয়েসননা হরাওবা ফোঙদোকলি। হন্দক এসিয়ান গেমস্ তা ফেন্সিংগী মপুঙ ওইবা শান্নবা আগস্টকী তাং ১৯ দগী ২৪ ফাওবা জাকার্তা কনভেন্সন সেন্টরদা চৎথগনি। (www.lakhipuronline.in)

ফোতো কোন্নবা এনআরসিগী ফাইনেল লিস্ট জুলাই ৩০দা পুথোক্লগনি।
⧭⧪  লাক্লিবা জুলাইগী তাং ৩০দা এনআরসি গী ফোতো কোন্নবা ফাইনেল দ্রাফ্ট পুথোক্লগনি। এনআরসিগী স্টেত কোর্দিনেতর প্রতীক হাজেলাগী মতুং ইন্না জুলাই ৩০গী নুংথিলদা এনআরসি সেবা কেন্দ্র খুদিংমক্তা ফাইনেল দ্রাফ্টকী কোপী অমমম ফংহনগনি হায়রি। হন্দক্কী দ্রাফ্ট অসিদা মীংগী নাকন্দা ফোতো য়াওগনি হায়রি। সেবাকেন্দ্র খক্তদা নত্তনা ওনলাইন নত্রগা এসএমএসকী খুৎথাংদসু এনআরসিগী লিস্ট য়েংবা য়াগনি। অদুম ওইনমক ওনলাইনদা পুথোক্কদবা এনআরসিগী লিস্টতা ফোতো য়াওরোই হায়রি। অরানবা অমসুং শাশিন্নবা চে-চাং পীবা মীওইশিংগী মীং হায়রিবা লিস্ট অসিদা য়াওরোইদৌরি। অহানবা ফোঙদোকখিবা এনআরসিগী লিস্টতা মীওই কোতি ১গী লাখ ৯০গী মীং য়াওখি। অদুবু হায়রিবা মীওইশিং অদুগী মনুংদা অরানবা চে চাং য়াওরম্বদগী মখোয়গী মীং হন্দক্কী ফাইনেল দ্রাফ্ট অসিদগী খত্থদুনা থমহৌরে। 

জুলাইগী তাং ২৭তা চহী-চা অসিগী খ্বাইদগী শাংবা চন্দ্রগ্রহন ওইগদৌরি।
⧭⧪  লাক্লিবা জুলাইগী তাং ২৭ পূর্ণিমা নুমিত্তা চহী-চা (২০০১-২১০০) অসিগী খ্বাইদগী শাংনা পুং ১ গা মিনিট ৪৩ চুপ্না চন্দ্রগ্রহন ওইরগনি। ভারতকী মিনিস্ট্রি অফ আর্থ সাইন্সেসকী মতুং ইন্না গ্রহন অসি ভারতকী মফম পুম্নমক্তগী উবা ফংগনি হায়রি। ভারতকী মতমদা জুলাই ২৭গী নুমিদাং পুং ১১ মিঃ ৫৪ সেঃ ২৬ তগী পার্সিয়েল ইক্লিপস্ হৌগনি। তপ্না তপ্না থাবু পৃথিবীনা খুমজিনখিবগা লোয়ননা নোংয়াই মতুং পুং ১ হায়বদি জুলাই ২৮গী ১ এ.এম. দগী মপুং ফাবা চন্দ্রগ্রহন ওইগনি। অদুগা থাবু পৃথিবীনা লুমশিল্লম্বদগী তপ্না তপ্না থোরকপগা লোয়ননা নোংঙাল্লমদাই পুং ৩ মিঃ৪৯দা গ্রহন লোইগনি। অসিতা নত্তনা লৈঙাং মচুগী গ্রহ হায়না খঙনরিবা মার্স গ্রহসু নুমিৎ অসিদা পৃথিবীগা য়াম্না নক্না লৈদুনা হান্নগী চাংদগী গ্রহ অসি য়াম্না ঙান্না পৃথিবীদগী উবা ফংগনি।
হন্দক্কী অসিগী মমাংদা জনুৱারীগী তাং ৩১ দা মপুং ফাবা চন্দ্রগ্রহন উবা ফংখি। মথংগী মপুংফাবা চন্দ্রগ্রহন খৃঃকুমজা ২০১৯গী জনুৱারীগী ২১দা ওইগনি। বিরলা প্লানেটোরিয়াম কোলকাতাগী দিরেক্টর দেবিপ্রসাদ দাউরিগী মতুং ইন্না নুমিৎ অসিদা ঐখোয়না করিগুম্বা মখলগী ফিল্টর শিজিন্নদ্রবসু থাগী গ্রহন অসি চুমদ্রিং য়েংবা য়াগনি হায়রি। (www.lakhipuronline.in)

অৱাং নোংপোক্কী রাজ্য খুদিংমক নেসনেল গ্যাস গ্রীদনা শম্নহল্লগনি।
⧭⧪  আসামগী গোলাঘাট জিলাদা লৈরিবা নুমালিগর থাউশুংফম য়াওনা অৱাং নোংপোক্কী রাজ্য নিপালগী স্টেত কেপিতেলশিং নেসনেল গ্যাস গ্রীদনা শম্নহন্নবা পব্লিক সেক্তর অন্দরতেকিং মঙা – ইন্দিয়ান ওইল কোর্পরেসন লিমিতেদ, ওএনজিসি, ওইল ইন্দিয়া লিমিতেদ, এনআরএল অমসুং গেলনা য়ান্ন-চেরোল অমা সহি তৌনখ্রে। লুপা কোতি লিশিং তরুক চঙগদবা থৌরাং অসিগী মখাদা চহী মরীগী মনুংদা কিলোমিটর লিশিং অমা মখায় শাংবা পাইপ লাইন ফুমগদৌরি। হায়রিবা থৌরাং অসিনা অৱাং নোংপোক্কী রাজ্য নিপাল – অসম, মনিপুর, মীজোরাম, মেঘালয়, ত্রিপুরা, নাগালেন্দ, অরুনাচল প্রদেস অমসুং সিক্কিমগী কোনুংশিং গ্যাস পাইপ লাইন শম্নহনগদৌরিবনি। (www.lakhipuronline.in)


Pao sing asi ga loinana atei e-pao gi damak 
Lakhipuronline android app install toubiyu CLICK HERE

No comments:

Post a Comment

Comments ...