Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

July 16, 2018

বরাক তম্পাক্কী খোমজিনবা পাউ ১৬-০৭-২০১৮


বরাক তম্পাক্কী
খোমজিনবা পাউ
১৬-০৭-২০১৮

ফার্স্ট দিবিজনদা মায়পাক্লবা  মনিপুরী মহৈরোইশিংবু আমসুনা তরাম্না ওকখ্রে।
⧭⧪  অল আসাম স্টুদেন্টস্ ইউনিওন (আমসু) না শিল্লাংদুনা জুলাইগী তাং ১৫দা  সেবা, এ.ঐইচ.এস.ই.সি অমসুং সি.বি.এস.ই না লৌবা হায়স্কুল অমসুং হায়ার সেকেন্দরী পরিক্ষাদা ফার্স্ট দিভিজনদা মায়পাক্লকখ্রবা বরাক তম্পাক্কী মনিপুরী মহৈরোইশিংবু আমসুগী মাইগৈদগী পুক্নিং থৌগৎপগা লোয়ননা তরাম্না ওকপগী থৌরম অমা পাঙথোকখ্রে।
থৌরমদা লখিপুর, শিলচর, উধারবন্দ, সোনাই অমসুং হাইলাকান্দিদগী শরুক য়াখিবা হায়স্কুল অমসুং হায়ার সেকেন্দরী পরিক্ষাদা ফার্স্ট দিভিজনদা মায়পাক্লকখ্রবা মহৈরোই ২০০ হেনবদা আমসুগী মাইগৈদগী তরাম্না ওকখি।
শিলচরগী বি আর আম্বেদকর হোলদা আমসু সেন্ট্রেল কমিটিগী প্রেসিদেন্ট পি নিলকান্তনা ময়ায় তাঙবল লৌদুনা পাঙথোকখিবা থৌরমদা আর.কে. গোপালসনা দেপুটি দিরেক্তর অফ ইরিগেসন বরাক ভেলি জোন আসাম, প্রোঃ খুমুজম ধীরেন হেদ অফ লিঙ্গুইস্টিক্স দিপার্টমেন্ট আসাম ইউনিভার্সিটি সিলচর, কৈশাম কামদেব ফোর্মর প্রেসিদেন্ট আমসু, ক্ষেত্রিময়ুম সিংহজিৎ ফোর্মর ভাইস প্রেসিদেন্ট আমসু না মথংশিৎনা চীফ গেস্ট অমসুং গেস্ট অফ ওনরগী লৈতেং ওইখি।
থৌরমগা মরী লৈননা কে নন্দকুমার ফোর্মর আমসু এক্টিভিস্ট, ফান্জৌবম লোকনাথ হিউমেন রাইট্স এক্টিভিস্ট এন্দ ফোর্মার ভাইস প্রেসিদেন্ট আমসু, সেরাম হেরাজিৎ ফোর্মর প্রেসিদেন্ট আমসু, কোন্সম কোরৌহনবা প্রেসিদেন্ট আমসু শিলচর দিস্ট্রিক্ট কমিটি অমসুং বিক্রমজিৎ কব্রমম্ ফাইনেন্স সেক্রেটরী আমসু নচিংবা মীওইশিংনা ৱা ঙাংখি।
য়েংখোম ইমোইনু এসিস্টেন্ট সেক্রেটরী আমসু অমসুং নিঙোম্বম সঙ্গিতা জেনরেল সেক্রেটরী আমসু না মথং শিৎনা তরাম্না ওকপগী ৱারোল অমসুং কি-নোত এদ্রেস পিখি। (www.lakhipuronline.in)

সেদ্যুল কাস্ট মহৈরোইশিংগী স্কুল ফী পীবগী মতম শাংদোকহনগদৌরি।
⧭⧪  পোস্ট মেট্রিক স্কোলারসীপ স্কীমগী খুদোংচাবা ফংবা মহৈরোইশিংগী শেনফম মখোয় মখোয়গী বেঙ্ক একাউন্টা চংদ্রিবফাওবা সেদ্যুল কাস্ট মহৈরোইশিংগী স্কুল ফী পীবগী মতম শাংদোকহন্নবা মহৈ তম্ফমশঙশিংদা খঙহন্নবা কেন্দ্রনা রাজ্য সরকার অমদি ইউনিয়ন টেরিটোরিশিংদা খঙহনখ্রে।
সেদ্যুল কাস্ট মহৈরোইশিংনা থেংনা মীংজনশেন পীদুনা মীং চনবা য়ারোইদবগী ৱাকৎ লাকপদগী সোসিয়েল জস্টিস অমসুং এম্পাৱারমেন্ট মন্ত্রানালয়না য়াথং অসি পিরকখিবনি। অনৌবা স্কীম অসিনা ক্লাস টেন অমসুং টুৱেল্ব লোইরবা সেদ্যুল কাস্ট মহৈরোইশিংনা মখোয়না তম্লিবা মহৈগী থাক অদু লোইশিন্নবা শেলগী তেংবাং পীবনি।(www.lakhipuronline.in)  

 Pao sing asi ga loinana atei e-pao gi damak 




No comments:

Post a Comment

Comments ...