Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

July 13, 2018

বরাক তম্পাক্কী খোমজিনবা পাউ ১৩-০৭-২০১৮


বরাক তম্পাক্কী
খোমজিনবা পাউ
১৩-০৭-২০১৮
লখিপুর সহরদা ই-রিক্সা থৌবা থিংনবা ৱাকৎখ্রে
⧭⧪ ⧭⧪  হন্দক চহী খরা অসি লমদম অসিদা পেট্রোলনা চেনবা অটোরিক্সাদগী বেটরীনা চেনবা ই-রিকক্সা চেনবগী চাং অদুম অদুম হেনগৎলকলি। শিলচরদতা নত্তে লখিপুরদসু অটোরিক্সা থৌরিবশিংনা ই-রিক্সাশিংগী মথক্তা মীৎয়েং চঙবা হৌরি। গাড়ী মখল অসিনা লমদম অসিগী মীওই কয়া নোংমগী পুকচাক তানজরি। অদুবু গাড়ী থৌদুনা শেন্দাল্লিবা মখোয় মশেলগী মরক্তা মোত মান্নদবদগী লখিপুর টাউনদা ই-রিক্সা থৌবা থিংনবা দাবী তৌরদুনা লখিপুর অটোরিক্সা এসোসিয়েসননা এসদিওগী মফমদা ৱাকৎ চেরোল পিশিনখ্রে। জুলাইগী তাং ১১ এসোয়েসনগী মেম্বরশিংনা এসদিওগী মফমদা নুমিৎ হুম্নিগী মনুংদা লখিপুরদা ই-রিক্সা থৌবা থিংদ্রবদি আইনগী মতেং লৌদুনা খোঙজং চঙশিনগনি হায়রি। লখিপুরদা ই-রিক্সা থৌবা য়াবগী অয়াবা লখিপুর মিউনিসিপালিটিনা পিরবসু এসোসিয়েসনগী মতুং ইন্নদি সহর মনুংদা ই-রিক্সা থৌবা য়াদে হায়রি।(www.lakhipuronline.in)

রাজ্যদা অনৌবা থবক লিশিং অহুম মখায় লৌরগনিঃ পাৱার মন্ত্রী
⧭⧪  রাজ্য সরকারগী থবক্কী আসাদা লৈরিবা মীওইশিংগী দমক পাৱার মন্ত্রী তপন গোগোইনা নুঙাইবা পাউ অমা লাউথোকখ্রে। চহী অসিগী দিসেম্বরগী তাং ৩১গী মনুংদা রাজ্য অসি শিনবা থুংনা মৈ ফংহনবগা মরী লৈননা অনৌবা থবক ৩৫০০ লৌরগনি হায়না লাউথোকখি। মসিগী মতাংদা অথুবা মতমদা থবক লৌখৎলগনি হায়না হৌখিবা য়ুমশাকৈসা নুমিৎতা পাউমীশিংদা মন্ত্রীনা হায়খি। অদুম ওইনমক মসিগী দমক মৈগী বিভাগতা হান্নদগী রেগুলার তাদনা লৈরিবশিংদগীসু খনগৎকনি। লুপা কোটি ২৫গী পায়খৎলিবা প্রোজেক্ট অমগী মখা পোন্না হৌজিক ফাওবদা লুপা কোটি ১২ থাদদুনা খুঙ্গংগী কাচিন কোয়া মফম কয়াদা ঊ-ৱানা শাবা মৈগী খুটিগী মহুত্তা পাকাগী খুটিনা মহুৎ শিনবা হৌরে হায়খি। নোংজুথাগী মতমদা অমসুং নোং নুংশিৎ শিৎপগী থৌদোকনা চিংবদা মৈনা চীংবগী থৌদোক থোকপা থিংনবা হান্নগী মৈগী মরী অদু “এবি কেবল”না শিন্দোকপগী ৱাসু য়াওরি। রাজ্য অসিগী ইমুং লাখ ৫২দা এলইদি বাল্ব মরী/মরী তৌদুনা পীবগী থবকসু পায়খৎলগনি। মৈগা মরী লৈনবা ঠিকাগী থবকতা খুদোং চাবা লৌনবগী দমক থেংখাং মরী থোক্না লুপা লিশিং ৫ দগী লুপা লিশিং ২০ ফাওবগী রেজিস্ট্রেসন তৌবগী ৱাসু ফোঙদোকখি। (www.lakhipuronline.in)

লখিপুরগী হাতিখুরিদা লৈবাক কিন্থবদা ১ শিরে, ৩ শোকলে।
⧭⧪  চীংয়াদা লৈবাক তৌরিঙৈদা লৈবাক কিন্থরকপদগী অমা শিরে। থৌদোক অসি জুলাইগী তাং ১২ শগোলশেন নুমিৎ লখিপুর বিন্নাকান্দিঘাটতগী পংলাপ লাপতনা লৈবা হাতিখুরিদা থোকখিবনি। ফয়জুল ইসলাম বরভুইয়া (চহি ৪০) কৌবা নুপা অমা হাতিখুরিগী টিল্লা অদু তৌথবগী থবক তৌরিঙৈদা কিন্থরকতুনা লৈবাক্না ননশিনখিবদগী থৌদোকফমদা শিবনি হায়রি। থৌদোক অসিদা অতোপ্পা মীওই অহুমসু থিনা শোকপদগী শিলচর মেদিকেল কোলেজতা লায়কন্নরিwww.lakhipuronline.in)

 Pao sing asi ga loinana atei e-pao gi damak 




No comments:

Post a Comment

Comments ...