Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### প্রধান মন্ত্রী নরেন্দ্র মোদি লাকলিবা মার্চকী তাং ৩০ বিজেপীগী ভোত খোম্নবা আসাম খোঙচৎতা লাক্লগনি। #### লোকসভা মীখলগী অনিশুবা তাঙ্কক্কী ভোত থাদবা এপ্রিল ১৮ দা পাঙথোক্কনি অদুগা অহুমশুবা তাঙ্কক্কী ওইনা এপ্রিলগী তাং ২৩দা ভোত থাদনগনি। #### অনিশুবা তাঙ্কক্কী মীখলগী মীরেপ চে পীশিনবগী অরোইবা মতম মার্চকী তাং ২৬নি। #### তাঙ্কক অসিদা মীখল পাঙথোক্কদৌরিবা আসামগী মফমশিংদি শিলচর, করিমগঞ্জ, ডিফু, মঙ্গলদৈ অমসুং নগাঁও নি। অহুমশুবা তাঙ্কক্কী ওইনা এপ্রিলগী ২৩ দা ধুবরী, কোকরাঝার, বোরপেতা গুৱাহাতি দা মীখল পাঙথোক্কনি। #### মে থাগী তাং ২৩ দা ভোত মশিং থীগনি। #### আসাম একোর্দ থবক্তা ওন্থোকপা অমসুং য়েলহৌমীশিং ঙাকপী শেনবীবা হায়ব ৱাফম অসিদা দোল অসিনা মপুঙ ওইবা মীৎয়েং থমগনি হায়না বিজেপি গী মপাঙ দোল ওইনা চৎমিন্নগদৌরিবা এজিপিনা ফোঙদোকখ্রে। ####

July 11, 2018

বরাক তম্পাক্কী খোমজিনবা পাউ ১১-০৭-২০১৮


বরাক তম্পাক্কী
খোমজিনবা পাউ
১১-০৭-২০১৮

মপান রাজ্যদগী আসামদা ঙা পুশিল্লকপা থিংলে।
⧭⧪  আসাম সরকারনা য়ুমশাকৈশা নুমিত্তগী হৌরগা নুমিৎ ১০ নিগী ওইনা মপান রাজ্যদগী আসামদা ঙা পুশিল্লকপা থিংখ্রে। গুৱাহাতিগী তোঙান তোঙানবা ঙা য়োনবা মফমশিংদগী লৌখৎখিবা ঙাগী সেম্পলশিং চাংয়েং তৌবদা ফোর্মালিন য়াওবা থেংনবদগী অথিংবা অসি থমখিবনি। মখা তানা চাংয়েং তৌরগা ঙাদা ফোর্মালিন য়াওদ্রে হায়বা তশেংনা খংলবা মতুংদা অথিংবা অসি লৌথোক্কনি হায়না হেল্ঠ অমসুং ফেমিলি ৱেলফেয়ার মন্ত্রী পীযুস হাজারিকানা ফোংদোকখি। ঙাগী পোৎলমশিংবু মতম কুইনা থম্বা য়াননবা অসিগুম্বা অকিবা ফংলবা কেমিকেলশিং হাপতুনা কারবার তৌরিবা মীওই কাংবু অদু চহী তরেৎকী জেল অমসুং লুপা লাখ তরা ফাওবা ফাইন তৌবগী ৱাসু হায়রি। পনবা য়াই ফোর্মালিননা মীওইবগী মীৎ, উনশা শোকহনবতা নত্তনা মতম কুইশিল্লক্লগা কিদনি, লিভর অমসুং কেন্সরনা নাহনবা য়াবগী অকিবা লৈরি। অসোমদা গৌহাতিদগী থোকলিবা য়াথং অসি পুম্নমকনা খঙনরবসু শিলচরগী ওইনদি পাউ অসি চে ওইনা য়ৌরকতবনা ঙা য়োনবা লৈবগী থবকতি অদুম্মক লেপ্পা লৈতনা চৎথরি। (www.lakhipuronline.in)

শিলচরদা মৈতৈ ময়েক তম্বিবা হৌরগনি।
⧭⧪  আসাম মনিপুরী সাহিত্য পরিষদ, এএমএসপি না শিল্লাংদুনা মৈতৈ ময়েক তম্বিবগী প্রোগ্রাম অমা জুলাইগী তাং ১২ দগী তাং ২৬ ফাওবা পাঙথোক্লগনি। মিলালগা খুৎশম্নরগা পাঙথোক্কদবা থৌরমসিদা মনিপুরদগী ওজাশিংনা তাকপী তম্বীগনি হায়রি। শরুক য়াবিনিংবশিংনা পরিষদকী জেনেরেল সেক্রেটারী প্রোঃ ঙাঙোম বসন্তকুমার নত্রগা একাদেমিক সাব-কমিটিগী চেয়ারমেন এনজি. জয়কুমার সিংহ নত্রগা ফাইনেন্স সেক্রেটরী ড. হাওরোংবম রাজমনি গা পাও ফাওননবগা হায়রি। মনিপুরদদি আন্দারগ্রেজুয়েতকী থাক ফাওবা তমখ্রে অদুনা আসামদা লৈরিবা মনিপুরীশিংসু ময়েক অসি তমদবা য়াদ্রে হায়না এএমএসপি (হেদক্বাটর)গী সেক্রেটরী প্রোঃ খুমুজম ধীরেননা ফোঙদোকলি। মনিপুর ইউনিভার্সিতি, কাঞ্চিপুরগী মনিপুরী দিপার্তমেন্টকী প্রোঃ পি গুণিন্দ্র সিংহ থৌরমদা রিসোর্স পার্সন ওইনা শরুক য়াগনি হায়রি।(www.lakhipuronline.in)

নুপিমচা অমা ট্রেইনগী টোইলেত মনুংদা শিরগা লৈরমলে।
⧭⧪ আসাম এগ্রিকালচার ইউনিভার্সিতিগী মহৈরোই অমা ট্রেইনগী টোইলেত মনুংদা শিরগা লৈরমলে। জুলাইগী তাং ১০ দা শিবসাগর জিলাগী সিমুলগুরী রেলৱে স্টেসনদা থোকখিবা থৌদোক অসি নুপীমচা অসিবু ফম্লানবিরবা মতুংদা হাত্তোক্লম্বা ওইরম্বা য়াই হায়না সিবসাগরগী এসপি সুবোধ সোনোৱালনা হায়রি। নুপীমচা অসি অয়ুক্কী পুং ৮ মিঃ ৫০ দা ট্রেইন তোংখ্রগা অয়ুক পুং ৯ মিঃ ১০ দা টোইলেট মনুংদা শিরগা লৈরম্বনি হায়রি। মহাক মখুড়াগী য়ুমদা মমানা থাখিবনি মখুত্তা লুপা লিশিং ১০ মোবাইল লৈবগী য়াওখি হায়না লৈখিদ্রবী নুপীমচাসিগী মমানা ফোংদোকখি।(www.lakhipuronline.in)

 Pao sing asi ga loinana atei e-pao gi damak 




No comments:

Post a Comment

Comments ...