Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   ####অৱাং নোংপোক লমদম চাউখৎনবগী দমক দোনর মন্ট্রানালোয়না লুপা কোতি ৩০০০ চংগদবা প্রোজেক্ট ২০০ পায়খৎপগী অয়াবা পীখ্রে। #### কাজিরঙ্গা নেসনেল পার্কতা লোন্না গণ্ডার হাৎপগী মরালদা মীওই ৫ ফাখ্রে। #### রাশিয়াদা চৎথরিবা ৱার্লদ মেন্স বোক্সিং চেম্পিয়নসিপকী ফাইনেলগী কেজি ৫২গী ফাইনেলদা ভারতকী অমীত পংঘালগা উজবেকিস্টানগী ওলিম্পিক চেম্পিয়ন সাখোবেদিন জোইরোভকা থিঙ্গাইনরগনি। #### ####

July 01, 2018

বরাক তম্পাক্কী খোমজিনবা পাউ খরা ০১-০৭-২০১৮

বরাক তম্পাক্কী
খোমজিনবা পাউ খরা
০১-০৭-২০১৮


ফিফা ৱার্ল্দ কাপতা মেসি অমসুং রোনালদোগী তীম মকোক্তা মখুৎ হাপখ্রে।
⧭⧪ ফ্রানসকী শান্নরোই কাইলিয়ান এমবাপ্পেগী হৈশিংলবা খুৎশান্ন অদুনা আর্জেন্তিনাবু পাঞ্জল ৪ - ৩ দা থোইখিবগা লোয়ননা ফ্রান্স ক্বাতর ফাইনেলদা খোঙথাংজিনখ্রে। ব্রাজিলগী শান্নরোই পেলেগী মতুংদা ৱার্লদ কাপকী মেচ অমত্তদা গোল অনি চনবা শান্নরোই এমবাপেনা ওইরে। মপানা কেমরুনিয়াননি অদুগা মমানা অলজেরিয়াননি। ফ্রান্সনা ১৯৯৮ তা ৱার্দ কাপ চেম্পিয়ন ওইখিবদু এমবাপ্পেনা পোকত্রিঙৈগী ৱানি। ফুতবোলগী তাইবঙদা মমিং লৈরবা ৱার্দ কাপ অনিরক চেম্পীয়ন ওইখ্রবা মেসি না লুচিংবা আর্জেন্তিনাগী তিম ৱার্দ কাপতগী বিদায় লৌবা তাখি। 
অসোমদা অতোপ্পা রাউন্দ অফ সিক্সটিনগী মেচ অমদা উরুগুৱেনা রোনালদোগী তিম পোর্তুগালবু পাঞ্জল ২ - ১ দা মাইথিবা পীরমলগা উরুগুৱে ক্বাতর ফাইনেলদা চঙখ্রে। ক্বাতর ফাইনেলদা উরুগুৱে লাক্লিবা ইরাই নুমিৎ জুন তাং ৬ নুমিদাং পুং ৭-৩০ দা ফ্রান্সকা থেঙ্গাইনরগনি। 
ঙসিগী রাউন্দ অফ সিক্সটিন (প্রি-ক্বাটর ফাইনেল)গী অহানবা মেচ নুমিদাংগী পুং ৭-৩০ তাবদা স্পেইনগা রুসিয়াগা অদুগা অনিশুবা মেচ নুমিদাং পুং ১১-৩০ তাবদা ক্রুয়েসিয়াগা দেনমার্ককা শান্নগনি।
হয়েংগী রাউন্দ অফ সিক্টিনগী মেচতা ব্রাজিলগা মেক্সিকোগা অদুগা অতোপ্পা মেচ অমদা বেলজিয়ামগা জাপানগা শান্নরগনি। (www.lakhipuronline.in)

শিলচর মেডিকেল কোলেজতগী মুন্নাভাই এমবিবিএস অনি ফারে !
⧭⧪  য়াম্না অঙকপা থৌদোক অমা ওইনা শিলচর মেডিকেল কোলেজতগী মুন্নাভাই এমবিবিএস সিনেমাগী মতৌগুম শাশিন্নবা দোক্তর ফারে হায়রি। পাউগী মতুং ইন্না ঙরাং অয়ুকতা শিলচর মেডিকেল কোলেজকী সার্জরি ৱার্দতা দোক্তর শারগা চঙলকখিবনি। ময়ুম লখিপুরদগীনি হায়রিবা তৈয়বুর রহমান চৌধুরী (চহী ২৬) চঙলকপদা মহাক্কী মওং মতৌদা  অতোপ্পা দোক্তরশিংনা চীংনবদগী মহাক্কা লোয়ননা চঙলকখিবা বড়খোলাগী রফিক আলি কৌবা অমগা মখোয় অনিবু ফারগা ঘুংগুর পুলিস স্টেসনদা শিন্নখ্রে হায়রি।  মখোয়দগী শাশিন্নবা দোক্তরগী চেচাংশিং অমসুং লায়েংবগী খুৎশু-খুৎলাই খরসু ফাগৎখি। (www.lakhipuronline.in)

চা বাগানগী মীরোনবী নুপীশিংদা চহীগী শেনগী তেংবাং পীরগনি ।
⧭⧪  চা বাগানগী মীরোনবী নুপী লিশিং ৪৭তা অফবা চীঞ্জাক চাননবগীদমক  চহী খুদিংগী লুপা লিশিং ১২ পীবা অদুগা মশাগী চহী ১২ দগী ২০ গী মনুংদা লৈবী নুপীমচা লাখ ৫ দা সেনিটারী নেপকিন লৈনবগী শেনফম ওইনা চহী খুদিংগী লুপা ৬০০ আসাম সরকারনা তেঙবাং পীগদৌরি। চা বাগান দা থবক তৌরিবা লাইন সর্দার শিংগী দমক স্মার্ট ফোন অমমমসু পীরগনি। অসিতা নত্তনা চা বাগাননা কোনবা লমদমশিংদা হাইস্কুল ১০০ নৌনা লিংখৎকদৌরি।।(www.lakhipuronline.in)


Pao sing asi ga loinana atei e-pao gi damak 

No comments:

Post a Comment

Comments ...