Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   মণিপুর মোব ভাইওলেন্স কন্ট্রোল এন্দ প্রোহিবিসন বিল অসি অথুবা মতমদা পাস তৌদুনা এক্ট ওন্থোক্নবা হোৎনগনিঃ ৱাক্স মন্ত্রী থোঙাম বিশ্বজিৎ |||| মনিপুর ইউনিভার্সিতিগী ভাইস চেঞ্ছেলর প্রোফেসার এপি পান্দে থবক্তগী সস্পেন্দ তৌখ্রে। |||| শিলচর মিউনিসিপালগী মনুং চনবদা লৈবা লম্বী অমা সুবেদার খেলেন্দ্র রোড হায়না মীংথোনখ্রে। |||| মনিপুরী সেদ্যুল ট্রাইব দিমান্দ কমিতি অসামনা শিল্লাংদুনা মীতৈবু সেদ্যুল ট্রাইব লীস্টা চনগদবনি হায়বগী হীরমদা সেপ্তেম্বরগী তাং ২৩ শিলচর গান্ধি ভবনদা খন্ননৈনবগী থৌরম অমা পাঙথোক্লগনি। |||| মণিপুরগী চাকহাও উত্তরপ্রদেসতা থারগনি, গুৱাহাটিতনা চাকহাওনা য়ু শুংলগনি।

June 29, 2018

বরাক তম্পাক্কী খোমজিনবা পাউ খরা ৩০-০৬-২০১৮

বরাক তম্পাক্কী
খোমজিনবা পাউ খরা
৩০-০৬-২০১৮

সিতিজেনসিপ বিলগী মায়োক্তা আসুনা অচৌবা রেলি অমা পাঙথোকখ্রে।
⧭⧪  সিতিজেনসিপ এমেন্দমেন্ট বিল, ২০১৬ কী মায়োক্তা অচৌবা রেলি অমা ঙরাং গৌহাতিদা পাঙথোকখ্রে। তোঙান তোঙানবা য়েলহৌ-লূপ ২৯ গা খুৎশম্নদুনা পাঙথোকখিবা রেলি অদুদা রাজ্য অসিগী জিলা কয়ামরুমদগী লাকখিবা মীওইশিংনা লতাসিল লমপাকতগী আসাম ইনজিনিয়ারিং ইন্সটিটিউটকী লমপাকফাওবা খুরক হাংদনা চৎপা উখি। বিল অসি সংবিধানগী ৱাংমদনি অমসুং মসি ঐখোয়না কৈদৌনুংদসু য়াবা ঙমলোই হায়না ওল আসাম স্টুদেন্টস্ ইউনিয়ন (আসু)গী এদভাইজর সমুজ্জল ভট্টচার্জিনা ফোঙদোকখি। বিল অসিনা রাজ্য অসিগী সংস্কৃতি ইতিহাস লোইনমক উৎ ওইহনখ্রগনি অদুনা ১৯৭১গী মতুংদা লাকপা হিন্দু-মুসলমান মীতোপ অমফাওবা রাজ্য অসিনা পোৎলুম পুবা ঙমলোই হায়খি।(www.lakhipuronline.in)

মহৈমশিংগী মন্ত্রী সিদ্ধার্থ ভট্টচার্য শিলচরদা লাক্কদৌরি।
⧭⧪  মহৈমশিংগী মন্ত্রী সিদ্ধার্থ ভট্টাচার্য লাক্লিবা জুলাইগী তাং ৭তা নরসিংহপুর স্বর্ণলক্ষী হায়ার সেকেন্দরী স্কুলগী থৌরম অমদা শরুক য়াগদৌরি। হৌখিবা চহী ১২দা পাঙথোকখিবা মেত্রিক পরিক্ষাশিংদা সরকারগী মহৈশঙশিংগী মরক্তা রাজ্যপুম্বগী ওইনা স্কুল অসিনা খ্বাইদগী ফজবা রিজাল্ট পুরকপগী দমক মন্ত্রী মশামক্না লাকতুনা স্কুল অসিগী ওজাশিংদা হরাওবা ফোঙদোক্কদৌরি।(www.lakhipuronline.in)

এনআরসিগী ফাইনেল দ্রাফ্ট পুথোকপগী মতম জুলাই ২ দা খঙলগনি। 
⧭⧪  আসামদা নেসনেল রেজিস্টার ওফ সিতিজেন্স (এনআরসি) ফাইনেল দ্রাফ্ট ফোঙদোকপগী তাংদাংবা মতম লাক্লিবা জুলাইগী তাং ২ দা খঙলগনি। সুপ্রিম কোর্টকী বিচারপতি রঞ্জন গোগোইগী লুচিং মখাদা খন্ন-নৈরবা মতুংদা তাংদাংবা নুমিৎতু লেপলগনি। পনবা য়াই হন্দক্কী ইচাউনা অপনবা পীবদগী মফম খরদা এনআরসিগী দোকুমেন্টশিং ভেরিফিকেসন তৌবা লোইশিন্দবা মরমনা এনআরসিগী স্টেট কোর্দিনেতর প্রতীক হাজেলানা অতোপ্পা নুমিৎ অমা লেপ্পিনবা হায়খিবনি। তৌইগুম্বসুং সুপ্রিম কোর্টনদি ঙসি (জুন ৩০)গী মনুংদা ফাইনেল দ্রাফ্ট পুথোক্নবা হায়খি। নাগরিক কোতি অমগা লাখ ৯ গী মমিং মথা য়াওবা এন আর সিগী অহানবা ফাইনেল মমাং চহীগী দিসেম্বর ৩১ দা পুথোকখিবনি।
অসোমদা রাজ্যগী ইচাউগী ফিভম হৌজিকসু থোইদোক্না অহোংবা লৈত্রি। লক্ষীম্পুর, যোরহাত, চরাইদেও নচিংবা জিলা খরদা ইচাউগী ফিভম ফত্রি। হন্দক্কী ইচাউদা রাজ্য অসিগী খুঙ্গং ৯৭কী মীওই লিশিং ৬৭ হেন্না অৱাবা মায়োক্নরি অদুগা মীওই ৩২ গী ইচাউনা মরম ওইদুনা শিখি।   (www.lakhipuronline.in)

হুন্দুনা ঙাংলুবগী বিজেপীনা কংগ্রেসপু চৈখ্রে।
⧭⧪ বিজেপিনা লুচিংবা সরকারনা সর্জিকেল স্ট্রাইককী মতাংদা রাজনিতি শান্নৈ হায়বগীদমক ইনফোরমেসন অমসুং ব্রোদকাস্টিং মন্ত্রি কর্নেল রাজ্যভর্ধন রাথোরনা কংগ্রেসপু অমুক চৈখ্রে। ২০১৬কী সর্জিকেল স্ট্রাইককী মতাংদা মোত কয়ামরুম ফোঙদোরকপগী তুংদা মন্ত্রিনা টুইটরদা থাঙ্গৎলকপা ভিদিও অমদা ওপোজিসনগী কাংবুনা ভারত লান্মী অমসুং এনদিএ সরকারগী মায়পাকপবু য়েংদুনা লৈবা ঙমদ্রে হায়খি।     (www.lakhipuronline.in)

ফোরেনরনি হায়না লাউথোক্লবা পেঙ চোইরবা অহল অমা ময়ুমদা অমুক হলহনখ্রে।
⧭⧪  দিটেন্সন কেম্পতা ফাজিন্দুনা থমলকখিবা মশাগী চহী ১০২ রোম শুবা পেঙ চোইরবা অহল অমবু হিউমেনেতেরিয়ান গ্রাউন্দা মশাগী ময়ুম ধোলাইদা হলহনখ্রে। চন্দ্রধর দাস, মশাগী চেচাং মতীক চানা পুথোকপা ঙমদবদগী ফোরেনরনি হায়না লাউথোক্লদুনা শিলচর সেন্ট্রেল জেলগী দিতেন্সন কেম্পতা হৌখিবা জনুৱারীদগী লৈরকখিবনি। দিতেন্সন কেম্পতা লৈরিবা মীওই ১০৯ গী মনুংদা মহাকসু অমনি। দি হিন্দুগী পাউচে মতুং ইন্না হৌখিবা মে থাগী তাং ১৫ ফাওবদা আসামগী জেল ৬ তা ফোরেনরনি হায়না লাউথোক্লবা মীওই ৯৮৬ ফাজিন্দুনা লৈখি হায়না পাউদমলি।         (www.lakhipuronline.in)

ফিফা ৱার্ল্দ কাপ ২০১৮ ঙসিদগী প্রি ক্বাতর ফাইনেল হৌরগনি।
⧭⧪ রাসিয়াদা চৎথরিবা ফিফা ৱার্লদ কাপকী গ্রুপ রাউন্দ ঙরাং লোইশিনখ্রে। ঙসিদগী রাউন্দ অফ সিক্সটিন হায়নসু খঙনবা প্রি-ক্বাতর ফাইনেল ঙসিদগী হৌরগনি। ঙসি নুমিদাং পুং ৭-৩০ দা  ফ্রান্সকা আর্জেন্তিনাগা, নুমিদাং পুং ১১-৩০ দা উরুগুৱেগা পোর্তুগালগা শান্নগনি। জুলাইগী তাং ১দা স্পেইনগা রাসিয়াগা অমসুং ক্রোয়েসিয়াগা দেনমার্ককা শান্নগনি। জুলাই তাং ২ দা ব্রাজিল অমসুং মেক্সিকো অদুগা বেলজিয়াম অমসুং জাপান শান্নগনি। জুলাই তাং ৩ দা সুইদেনগা সুইজারলেন্দগা  অদুগা কলম্বিয়াগা ইংলেন্দগা থেংগাইনগনি। 
ঙরাংগী মেচশিংদা  নুমিদাং পুং ৭-৩০ দা  গ্রুপ এইচ কী মেচশিংদা পোলেন্দনা জাপানবু পাঞ্জল ১ - ০ দা  অদুগা কোলম্বিয়ানা সেনেগলবু ১ - ০ দা থোইখি।  অসোমদা নুমিদাং পুং ১১-৩০ দা গ্রুপ জি গী মেচ অনিদা তুনিসিয়ানা পানামাবু ২ - ১ দা অদুগা বেলজিয়ামনা ইংলেন্দবু ১ - ০  দা থোইখি। (www.lakhipuronline.in)

Pao sing asi ga loinana atei e-pao gi damak 

No comments:

Post a Comment

Comments ...