Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ফোতো কোন্নবা এনআরসিগী ফাইনেল লিস্ট জুলাই ৩০দা পুথোক্লগনি। |||| ইন্দোনেসিয়ানা য়ুম্বু ওইদুনা জাকার্তা অমসুং পালেম্বাংদা আগষ্ট ১৮দগী পাঙথোক্কদবা এশিয়ান গেমসতা কাছারগী থৌদাম কবিতা ফেন্সিংদা শরুক য়াগদৌরি। |||| জুলাইগী ২৭তা চহী-চাসিগী খ্বাইদগী শাংবা চন্দ্রগ্রহন ওইগদৌরি। |||| অৱাং নোংপোক্কী রাজ্য খুদিংমক নেসনেল গ্যাস গ্রীদনা শম্নহল্লগনি।

June 21, 2018

বরাক তম্পাক্কী খোমজিনবা পাউ খরা ২১-০৬-২০১৮


বরাক তম্পাক্কী
খোমজিনবা পাউ খরা

২১-০৬-২০১৮



মালেমগী যোগ নুমিৎকা মরী লৈননা লখিপুরদসু থৌরম কয়া পাঙথোকলি।
⧭⧪  লখিপুর মহকুমা লৈঙাক্কী থৌশিল মখাদা ঙসি লখিপুর আর্ল হায়ার সেকেন্দ্ররী স্কুলদা তোঙান তোঙানবা থৌরম কয়াগা লোয়ননা মালেমগী যোগ নুমিৎ পাঙথোকলি। মহৈশঙ অসিদা ঙসি অয়ুক পুং ৬-৩০ দগী পতঞ্জলী যোগ সমিতিগী মীওইশিংনা যোগ শাজেল মীয়ামদা উৎনবা শেমশারি। । (www.lakhipuronline.in)

অম্বুবাচী মেলা ইরাই নুমিত্তগী হৌরগনি।
⧭⧪➤ গৌহাতি নীলাচল চীংদা কামাখ্যা মন্দিরদা লাক্লিবা ইরাই নুমিত্তগী হৌগদবা অম্বুবাচীগী মেলাগী থৌরমগা মরী লৈননা নুমিৎসিগী অয়ুক পুং ৯ মিনিত ২৭ সেকেন্দ ৫৪ দগী মন্দির অসিগী থোং থিংলগনি। লাক্লিবা জুনগী তাং ২৬ লৈবাকপোকপা নুমিৎকী অয়ুক পুং ৭ মিনিত ৫১দা অমুক হন্না ভক্তশিংগী দমক মন্দিরগী থোং হাংদোক্কনি হায়রি। হন্দক্কী মেলা অসিদা তোঙান তোঙানবা মফমদগী লাই খুরম্বা লাকপা মীগী মশিং লাখ ১০ ওইরগনি হায়না আসা তৌরি ।  (www.lakhipuronline.in)

ঈচাউনা মরম ওইরদুনা ক্লাস ৯ অমসুং ১০  শুবগী থা তরুক্কী পরিক্ষা য়ৈথোকলে। 
⧭⧪ কাছাড় জিলাদা লাক্লিবা জুনগী তাং ২৬তগী হৌগনি তৌরম্বা ক্লাস ৯শুবা অমসুং ১০শুবগী থা তরুক্কী পরিক্ষা ঈচাউনা মরম ওইরদুনা য়ৈথোকখ্রে। কাছাড় জিলাগী স্কুল ইন্সপেক্টরনা থোকপা চেরোল অমগী মতুং ইন্না পরিক্ষা অসি কালেন ছুতিগী মতুংদা আগষ্টকী তাং ৩দগী হৌরগা আগষ্টকী তাং ১১ ফাওবা চৎথগনি হায়রি ।  (www.lakhipuronline.in)

ইচাউগী ফিভম য়েংশিন্নবা মুখ্যমন্ত্রী বরাক তম্পাক্তা লাক্কদৌরি।
⧭⧪ বরাক তম্পাক্কী ঈচাউগী ফিভম য়েংশিন্নবগীদমক লাকলিবা জুনগী তাং ২৩দা মুখ্যমন্ত্রী সর্বানন্দ সোনোৱাল লাক্কদৌরি। ৱাফম অসি রাজ্যগী উমং লোইশঙগী মন্ত্রী পরিমোল সুক্লবৈদ্যনা য়ুমশাকৈশা নুমিত্তা ফোঙদোকখিবনি ।  (www.lakhipuronline.in)

প্রতাপ অমসুং জমালগী ইমুং মনুংদা তেংবাংশেল ওইনা লুপা লাখ ৪/৪ পিখ্রে। 
⧭⧪ ঈচাউনা মরম ওইরদুনা লৈখিদ্রবা লখিপুর মহকুমাগী মনুং চনবদা লৈবা জিরিঘাত দিঘলিগী পর্তাপ সিংহ অমসুং লালপানিগী জমাল উদ্দিনগী ইমুং মনুংদা তেঙবাঙশেল ওইনা লুপা লাখ ৪/৪ গী চেক খুৎশিন্নখ্রে। ঙরাং য়ুমশাকৈশা নুমিত্তা রাজ্যগী উমংলোইশঙগী মন্ত্রী পরিমোল শুক্লবৈদ্যনা লুপা লাখ ৪ গী চেক লৈখিদ্রবা প্রতাপ সিংহগী ইমুং মনুংদা খুৎশিন্নখি। অসোমদা জমাল উদ্দিনগী লোয়নবী বেদনা বেগমবু লখিপুর এসিদিও ওফিসতা কৌদুনা এমএলএ রাজদীপ গোৱালানা লুপা লাখ ৪ গী চেক খুৎশিন্নখি।   (www.lakhipuronline.in)
  
ঈচাউনা এনআরসিগী ফাইনেল দ্রাফ্ট জুন ৩০দা পুথোকপা ঙমলোইদৌরি।
⧭⧪ এনআরসিগী ফাইনেল দ্রাফ্ট পুথোকপগী মতাংদা খরনিগা মতম পিথননবা রাজ্য সরকারনা সুপ্রিম কোর্তা হায়জখ্রে। এনআরসি অপদেত তৌবগী থবকতা হন্দক ঈচাউনা চৈথেং পিবনা মরম ওইরদুনা লাক্লিবা জুনগী তাং ৩০গী মনুংদা পুথোকপা ঙমলোইদৌরি হায়না এনআরসিগী কোর্দিনেটর প্রতিক হাজেলানা ফোঙদোকলি।    (www.lakhipuronline.in)

ফিফা ৱার্ল্দ কাপ ২০১৮
⧭⧪ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং শান্নখিবা মেচতা পোর্তুগালনা মোরোক্কোবু পাঞ্জল ১ - ০ দা মাইথিহনখ্রে। অতোপ্পা মেচ অমদা ঊরুগুৱেনা সাউদি আরবপু পাঞ্জল ১ – ০ দা মাইথিবা পিখি। লোয়ননা য়ুম্বু রুশিয়ানা ইজিপ্তপু পাঞ্জল ৩ - ১ দা মাইথিবা পিখি।   (www.lakhipuronline.in)
⧭⧪ ঙসি শগোলশেন নুমিৎ সন্ধ্যা পুং ৫-৩০ তাবদা গ্রুপ সি গী মেচ অমদা দেনমার্অক মসুং অস্ট্রেলিয়া, অতোপ্পা গ্রুপ সিগী মেচ অমদা নুমিদাং পুং ৮-৩০দা ফ্রান্স অমসুং পেরু অদুগা নুমিদাং পুং ১১-৩০ দা গ্রপ দিগী মেচ অমদা আর্জেন্তিনা গা ক্রোয়েসিয়াগা থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE

No comments:

Post a Comment

Comments ...