Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### প্রধান মন্ত্রী নরেন্দ্র মোদি লাকলিবা মার্চকী তাং ৩০ বিজেপীগী ভোত খোম্নবা আসাম খোঙচৎতা লাক্লগনি। #### লোকসভা মীখলগী অনিশুবা তাঙ্কক্কী ভোত থাদবা এপ্রিল ১৮ দা পাঙথোক্কনি অদুগা অহুমশুবা তাঙ্কক্কী ওইনা এপ্রিলগী তাং ২৩দা ভোত থাদনগনি। #### অনিশুবা তাঙ্কক্কী মীখলগী মীরেপ চে পীশিনবগী অরোইবা মতম মার্চকী তাং ২৬নি। #### তাঙ্কক অসিদা মীখল পাঙথোক্কদৌরিবা আসামগী মফমশিংদি শিলচর, করিমগঞ্জ, ডিফু, মঙ্গলদৈ অমসুং নগাঁও নি। অহুমশুবা তাঙ্কক্কী ওইনা এপ্রিলগী ২৩ দা ধুবরী, কোকরাঝার, বোরপেতা গুৱাহাতি দা মীখল পাঙথোক্কনি। #### মে থাগী তাং ২৩ দা ভোত মশিং থীগনি। #### আসাম একোর্দ থবক্তা ওন্থোকপা অমসুং য়েলহৌমীশিং ঙাকপী শেনবীবা হায়ব ৱাফম অসিদা দোল অসিনা মপুঙ ওইবা মীৎয়েং থমগনি হায়না বিজেপি গী মপাঙ দোল ওইনা চৎমিন্নগদৌরিবা এজিপিনা ফোঙদোকখ্রে। ####

June 19, 2018

বরাক তম্পাক্কী খোমজিনবা পাউ খরা ১৯-০৬-২০১৮


বরাক তম্পাক্কী
খোমজিনবা পাউ খরা

১৯-০৬-২০১৮


⧭⧪ মনিপুরী য়াওনা তোঙান তোঙানবা লোন ২০ দা (সেন্ট্রেল টিচার ইলিজিবিলিটি টেস্ট) সিটেট পরিক্ষা থাবা য়ারগনি। ইংলিস, হিন্দি, আসামিস, বাংলা, গারো, গুজরাটি, কানড়, খাসি, মলায়ালম, মনিপুরী, মরাঠি, মিজো, নেপালি, উরিয়া, পাঞ্জাবী, সংস্কৃত, তামিল, তেলেগু, তিবেতান অমসুং ঊর্দু লোনদা সিটেট পরিক্ষা থাবা য়ারগনি হায়না হিউমেন রিসোর্সেস মন্ত্রী প্রকাশ জাব্রেকরনা ঙরাং টুইটরদা ফোঙদোরকখি। পনবা য়াই, সেন্ট্রেল গবর্নমেন্টকী মখাদা স্কুলগী ওজা লৌবগী সিটেট পরিক্ষা লাক্লিবা সেপ্তেম্বরগী তাং ১৬ তা পাঙথোক্লগনি। ওনলাইনদা দরখাস্থ থাবগী মতম জুনগী তাং ২২ দগী হৌগনি। (www.lakhipuronline.in)

⧭⧪ আসাম সরকারনা রাজ্য অসিগী প্রাইমারি ওজাশিংগী গ্রেদ পে হন্থহনখিবা অতৈ অতৈ পেন্দবা কয়া ফোঙদোক্তুনা ধর্না ফমখ্রে। লোয়ননা তোঙান তোঙানবা জিলাগী ইজুকেসন ব্লোককী লোইশঙশিং তালা পানশিনবগী খোঙজং অমসু ঙরাং চংশিনখ্রে। লক্ষীপুর মহকুমাগী লক্ষীপুর অমসুং রাজাবাজার ইজিকেসন ব্লোকতসু ঙরাং তোঙান তোঙানবা দিমান্দ কয়া তৌরদুনা মহকুমা অসিগী অজাশিংনা তালা লোনশিনবগী খোঙজং চংশিনখি।   (www.lakhipuronline.in)

⧭⧪ আসাম রাজ্যগী হকশেলগী চাউখৎ থৌরাংগী শরুক অমা ওইনা সরকারনা লুপা কোটি ১২,৯১০ খরচ তৌদুনা রাজ্যগী তোঙান তোঙানবা মফমদা কেন্সার হোসপিতাল ১৯ লিংখৎলগনি। টাটা ট্রাস্টকা খুৎশম্নদুনা লিংখৎকদৌরিবা হোসপিতালশিং অদু ডিব্রুগড়, বড়পেতা, ধুবড়ি, ডিফু, যোরহাট, করিমগঞ্জ, কোক্রাঝাড়, লক্ষীম্পুর, নগাঁও, নলবাড়ী, শিলচর, তেজপুর, দরং, গোৱালপাড়া, গোলাঘাট, হাফলোং অমসুং শিবসাগর নচিংবা মফমদা শেমগৎলগনি হায়রি। থৌরাং অসিগা মরী লৈননা গুৱাহাতিগী খানাপাড়াদা পাঙথোকখিবা থৌরমদা মুখ্যমন্ত্রী সর্বানন্দ সোনোৱাল, অরুনাচল প্রদেশকী মুখ্যমন্ত্রী পেমা খান্ডু, টাটা ট্রাস্টকী রতন টাটা নচিংবা মরুওইবা মীওইশিংনা শরুক য়াখি।  (www.lakhipuronline.in)

⧭⧪বরাক তম্পাক্কী জিলা অহুমগী ঈচাউগী ফিভম হান্নদগী খরা ফগৎলে। বরাক তুরেল অমসুং মছা তুরেলশিং ঈশিং হন্থরে। অসোমদা হাইলাকান্দি অমসুং করিমগঞ্জ জিলাদা মীওই ২ ঈচাউনা মরম ওইরদুনা শিখিবগা লোয়ননা রাজ্য অসিদা ঈচাউনা শিবগী মশিং ১১ শুখ্রে। (www.lakhipuronline.in)
⧭⧪ কাছাড়গী মতুংদা হাইলাকান্দি জিলাদসু হাইলাকান্দিগী দিসি আদিল খানগী য়াথং মতুং ইন্না জিলা অসিগী হৌজিক ওইরিবা ঈচাউগী ফিভম অসি য়েংদুনা জিলাগী মহৈশঙ খুদিংমক্কী ক্লাস অমসুং পরিক্ষা পুম্নমক মখা তানা নোটিস থোকত্রিবফাওবা ছুটি লাউথোকখ্রে। পনবা য়াই জিলা অসিগী খুঙ্গং ৩৩১গী মনুংদা খুঙ্গং ২৩৫ ঈচাউ মায়োক্নরি। (www.lakhipuronline.in)

⧭⧪ অঙাংশিংদা মচি লৈবা চীঞ্জাক পীজনবগী পান্দমদা স্কুলগী মিদ দে মিল গী পীথরক্কদবা শেনফম হান্নদগী হেনগৎহল্লে হায়না জাব্রেকরনা ফোঙদোকখ্রে। (www.lakhipuronline.in)

⧭⧪ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং সন্ধ্যা পুং ৫-৩০ দা শান্নখিবা গ্রুপ এফকী মেচতা সুইদেননা কোরিয়া রিপাব্লিকপু পাঞ্জল ১ – ০ দা মাইথিহনখি অমসুং নুমিদাং শান্নখিবা গ্রুপ জিগী মেচ অমদা বেলজিয়ামনা পানামাবু পাঞ্জল ৩ – ০ দা মাইথিবা পিখি। অতোপ্পা গ্রুপ জিগী মেচ অমদা ইংলেন্দনা টুনিসিয়াবু পাঞ্জৱ ২ -১ গা মাইথিহনখি।  (www.lakhipuronline.in)
⧭⧪ ঙসি লৈবাকপোকপা নুমিৎ সন্ধ্যা পুং ৫-৩০ তাবদা কোলোম্বিয়াগা জাপানগা অমসুং নুমিদাং পুং ৮-৩০দা পোলেন্দগা সেলেগালগা থেংনরগনি। (www.lakhipuronline.in)


mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE


No comments:

Post a Comment

Comments ...