Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   দুর্গাপুজাগা মরীলৈননা শিলোংগী জোয়াইদা খুৎথোক্নবগী থৌদোকতা পুলিস য়াওনা মীওই ৪০ অশোক অপন থোকখ্রে। ।।।।। মণিপুর ইউনিভার্সিতিগী ৱাথোক্কা মরী লৈননা ফাজিন্দুনা জেলদা থমলকখিবা ওজাশিং অমসুং মহৈরোইশিং থাদোকখ্রে। ।।।।।। নোর্দন আইরিসকী অইবী অন্না বর্নস্ মহাক্কী উপন্যাস মিল্কমেন দা বৃটেনগী মমীং চৎলবা মেন বুকর প্রাইজ ফংলে। ।।।।।।। মেঘালয়গী নোংপোদা টেক্সটাইল টুরিজম কমপ্লেক্স শানবগী লুপা কোতি ৭ লাখ ৮০ কায়থোক্লগনি। ।।।। জিরিবাম দিস্ট্রিক্ট থাং-তা এসোসিয়েসননা ২৯শুবা স্টেট থাং-তা চেম্পিয়নসিপকী অভরওল টিম চেম্পিয়ন ওইখ্রে। ।।।। রসিয়ানা পৃথিবী অসিবু সটদাউন তৌবা ঙম্বা অনৌবা দিফেন্স সিস্টেম লৈ হায়না এমপি অমনা ঙকচাও থেক্না ফোঙদোকখ্রে।।।।।।

June 10, 2018

বরাক তম্পাক্তগী ফোঙবা পাউ-চে শিংদগী মরুওইবা পাউ খরা- ১০/০৬/২০১৮

মরুওইবা পাউ খরা-



### কার্বি আংলোংদা ঙরাং থোকখিবা নুঙাইতবা থৌদোক অমদা অঙাং ফাবা লাকপনি হায়না চীংনবদগী মীয়াম চঙদুনা ফুবদা মীওই ২ শিরে। পাউ অসি বরাক তম্পাক্কী অয়াম্বা ইংলিস অমসুং বাংলা পাউচে শিংদা ফোংলে। মখোয় অনি পুন্না বোলেরো গারী অমদা কার্বি আংলোংগী মহৌশাগী ফজবা য়েংলুনবা গুৱাহাতিদগী লাকমিন্নবনি। নিলৎপল দাস অমসুং অভিজিৎ মখোয় অনি হৌখিবা ইরাই নুমিৎ কাথিলাংসো ঈশিং চাইবি য়েংলবা মতুংদা মনাকতা লৈবা ক্বা দুকান অমদা পোৎ লৈবা চংলকপদা মখোয়না পুরকপা অমুবা মচুগী বোলেরো অমসুং মখোয় অনিগী মতৌ অদুদা লৈকায়গী মীয়ামনা ওন্নতৈননা খনখিদুনা মখোয় অনিসি অঙাং ফাবা লাকপা ওইরমগনি হায়না খন্দুনা সোসিয়েল মেদিয়া খুদক্তা অমগা অমগা তোকঙা শন্দোকখিবদগী থোকহন্নিংদবা থৌদোক অদু থোকখিবনি হায়রি।

### আরকাতিপুর সিনিয়র বেসিক স্কুলদগী থবকতগী পোথাখ্রবা ওজা এম নবকুমার সিংহ লৈখিদ্রে। লৈখিদবা মতমদা মশাগী চহি ৭৬ শুখ্রে। মহাক হৌখিবা জুন তাং ২ মশাগী ময়ুম বিন্নাকান্দি পার্ত তুদা লৈখিদবনি হায়রি।

### মনিপুরদা ইনার লাইন পার্মিত হৌদোরকপা অমসুং বাঙালিশিংবু ওৎনৈবিরে হায়দুনা কাছার প্রতিবাদী মঞ্চনা কন্না পেন্দবা ফোঙদোকপগী পাউ অমা ঙসিগী সাময়িক প্রসঙ্গ পাউচেগী অহুমশুবা লমাইদা ইরি। মনিপুর চঙবগী ইনার লাইন পার্মিত চৎনরকপা থোকলবদি মসিগী মায়োক্তা আসামদা আন্দোলন তৌগনিসু হায়রি।

 ### শুপ্নতগী ক্লাস ঐইত পাস তৌবা জিটি দেবেগৌরা কর্নাতককী অৱাংবা থাক্কী মহৈমশিংগী মন্ত্রী ওইনা খল্লে। হৌখিবা মে ১২ দা কর্নাতক বিধানসভাগী মীখলদা হান্নগী মুখ্যমন্ত্রী ওইরম্বা সিদ্দাইরামাবু জিটি দেবেগৌরানা মাইথিবা পিখিবনি।


 ### মকোকতা শোকপদগী লায়েংবা লাকখিবা ভারত লান্মীগী মীওই অমা মধ্যপ্রদেসকী ভিন্দ জিলাগী আয়ুর্বেদিক লায়েংশঙ অমদা চহী অহুম লায়েংবগী লায়েংমল ওইনা লুপা কোটি ১৬ লায়েঙশঙগী মাইগৈদগী পীনবা হায়রকখ্রে। নুঙাইরিবা ৱাফমদি আয়ুর্বেদিক লায়েংশঙ ওইরবুসু চহি অহুম চুপ্না এলোপেথিককী হিদাক লাংথক পীদুনা লায়েংদুনা লাকখিবা সৌরব রাজাভাত কৌবা ভারত লান্মীগী মীওই অসিগী মপাবুং হায়রিবা আয়ুর্বেদিক লায়েংশঙ অদুগী মপুনি হায়রি।


লখিপুরওনলাইন গী ফেসবুক পেজ লাইক তৌবিউ।

***Download Lakhipuronline Android App from Google Play store  CLICK HERE


No comments:

Post a Comment

Comments ...