Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### প্রধান মন্ত্রী নরেন্দ্র মোদি লাকলিবা মার্চকী তাং ৩০ বিজেপীগী ভোত খোম্নবা আসাম খোঙচৎতা লাক্লগনি। #### লোকসভা মীখলগী অনিশুবা তাঙ্কক্কী ভোত থাদবা এপ্রিল ১৮ দা পাঙথোক্কনি অদুগা অহুমশুবা তাঙ্কক্কী ওইনা এপ্রিলগী তাং ২৩দা ভোত থাদনগনি। #### অনিশুবা তাঙ্কক্কী মীখলগী মীরেপ চে পীশিনবগী অরোইবা মতম মার্চকী তাং ২৬নি। #### তাঙ্কক অসিদা মীখল পাঙথোক্কদৌরিবা আসামগী মফমশিংদি শিলচর, করিমগঞ্জ, ডিফু, মঙ্গলদৈ অমসুং নগাঁও নি। অহুমশুবা তাঙ্কক্কী ওইনা এপ্রিলগী ২৩ দা ধুবরী, কোকরাঝার, বোরপেতা গুৱাহাতি দা মীখল পাঙথোক্কনি। #### মে থাগী তাং ২৩ দা ভোত মশিং থীগনি। #### আসাম একোর্দ থবক্তা ওন্থোকপা অমসুং য়েলহৌমীশিং ঙাকপী শেনবীবা হায়ব ৱাফম অসিদা দোল অসিনা মপুঙ ওইবা মীৎয়েং থমগনি হায়না বিজেপি গী মপাঙ দোল ওইনা চৎমিন্নগদৌরিবা এজিপিনা ফোঙদোকখ্রে। ####

June 17, 2018

বরাক তম্পাক্কী খোমজিনবা পাউ খরা ১৭-০৬-২০১৮

বরাক তম্পাক্কী
খোমজিনবা পাউ খরা

১৭-০৬-২০১৮











ঈশিং ঈচাউ
⧭⧪➤বরাক তুরেলগী ঈশিং ঈমাই খরা হন্থরবসু কাছার জিলাদা ইচাউগী ফিভম হোংবা লৈত্রি। করিমগঞ্জ অমসুং হাইলাকান্দি জিলাদসু অদুম্মক অৱাবা চৈথেং মায়োক্নরি। কাছার জিলাদা ইচাউনা শিবগা মশিং ৪ শুরে অদুগা ১ না থিবা ফংদনা লৈরি। পুল্‌লপনা বরাক তম্পাক অসিদা ইচাউনা শিবগী মশিং ৬ শুখ্রে অদুগা ২ থিবা ফংদনা লৈরি।(www.lakhipuronline.in)

রাজ্যগী ঈশিং ইচাউ হৌজিকসু অহোঙবা লৈত্রি। রাজ্য অসিগী জিলা তরেৎকী মীওই লাখ মঙাগী মথক্তা ইচাউগী চৈথেং ফংলে। বরাক অমসুং মছাতুরেলশিংগী খুদোংথীবা লৈইগী মথকতা চেল্লি। বরাক তম্পাকতা রিলিফ কেম্প চনিগী মথক্তা হাংদোক্খ্রে। নোং লেপ্তনা চুব অমসুং লৈবাক কিন্থবদগী মাহুর, হারাঙ্গাজাও, মাইবং, দিমা হাসাও জিলাগী মফম অয়াম্বা লম্বী চৎথোক চৎশিনদা অপনবা ওইরে। নিউ হাফলোং অমসুং সিলচরগী মরক্তা ট্রেইন হৌজিকসু চেনদ্রি। রাজ্যগী উমং অমসুং ঙায়োক লোয়শঙগী মন্ত্রী পরিমল শুক্লবৈদ্য ঙরাং শিলচরদা লাক্তুনা কাছারগী জিলা পুরিবা ডঃ এস লক্ষ্মনন্ গা জিলা অসিনা থেংনরিবা অৱা চৈথেংগী মতাংদা ৱারী শান্নখি। (www.lakhipuronline.in)

১ শিরে ১ শোক্লে।
⧭⧪➤ ঈদকী নুঙাইরবা নুমিত্তা বাইক এক্সিদেন্ততা ১ শিরে ১ শোক্লে। ঙরাং নুংথিল পুং ৪ রোম তাবদা কাশিপুরদা ট্রেভেলার অমগা থেংজিননবদা বাইক পুদুনা মহাক্কী মামগী ময়ুমদা কোয়বা লাকখিবা অহম্মদ নেহৱাজ (চহি ১৬) থৌদোকফমদা শিখি অদুগা মহাক্কা তোংমিন্নরকখিবা আশ্রাফুল হুসেন (চহি ১৮) ফিভম থিনা শোকখি।(www.lakhipuronline.in)
লখিপুরগী এ.এস.ও. সেতেলমেন্ট অফিস
⧭⧪➤ লখিপুরগী এ.এস.ও. সেতেলমেন্ট অফিস শিলচরদগী পোইলাপুলদা হোংদোরকলে। হৌখিবা জুনগী তাং ১২ দা পোইলাপুলগী আম্বেদকার ভবনদা লখিপুর এ.এস.ও. অফিস হোংদোরকপগা লোয়ননা থবকসু হৌখি। লখিপুর এসদিওগী ফমসু পায়রিবা এদিসি জেআর লালসিম না লখিপুর গী সেতেলমেন্ট অফিসার ওইনা থবক
পুরি।(www.lakhipuronline.in)

ঈশিংদা ঈরাক্নব
⧭⧪➤ হন্দক্কী ইচাউদা ইলাকান্দি লালা রাজেশ্বরপুর খ্ঙুগংগী অমুথোই সিংহ (চহি ১২) তুরেলদা তাখিবদগী থিবা ফংদনা লৈরি। অসোমদা নোং চীংগী পাউ মতুং ইন্না লাক্লবা পুং ২৪ গী মনুংদা রাজ্য অসিদা অতিয়া নোংথি নোংমঙগনি। অমসুং রাজ্যগী মফম মফমদা ময়ায় ওইরপদগী অকনবা নোং চুরবা য়াই হায়রি। কাছার জিলাদা ঈচাউনা মরম ওইরদুনা মীওই ২ শিবগী পাউ ফংলি। আরকাতিপুরদা ঙরাং চহী ২১রোমগী রাজু নুনিয়া কৌবা নিপা অমা ঈশিংদা ঈরাক্নবদগী কন্নবা হোৎনবদা অতোপ্পা চহি ১৮ গী নিপামচা অমসু ইশিংদা ঈরাক্নদুনা শিখি হায়রি। অসোমদা জিরিঘাট লালপানিদা ইশিংদা থিবা ফংদনা লৈরকখিবা জামাল উদ্দিন (চহি ৪৯) অশিবা হকচাং ঙরাং সন্ধ্যাদা ফংখ্রে। অদুম ওইনমক জিরিঘাট দিঘলিদা ইচাউনা চেন্থখিবা প্রতাপ সিংহ (চহি ৩৮) অমসুং দুধপাতিল লালসিংপারগী পান্না মালাকার (চহী ২৬) গী হকচাং হৌজিকফাওবা ফংদ্রি। (www.lakhipuronline.in)
শান্নবগী পাউ
⧭⧪➤ ফিফা ৱার্ল্দ কাপ ২০১৮ ঙরাং গ্রুপ সি গী নুংথিল পুং ৩.৩০ দা শান্নখিবা মেচ অমদা ফ্রান্সনা অস্ট্রেলিয়াবু পাঞ্জল ২-১ দা মাইথিবা পীখি। গ্রুপ দি গী নুমিদাং পুং ৬.৩০দগী শান্নখিবা মেচ অদুদা আর্জেন্তিনাগা আইসলেন্দগা পাঞ্জল ১ – ১ দা দ্রো ওইখি। নুমিদাং পুং ৯.৩০ দা শান্নখিবা গ্রুপ সিগী মেচ অদুদা দেনমার্কনা পেরুবু পাঞ্জল ১ - ০ দা মাইথিহনখি। অদুগা নোংয়াই মতুং পুং ১২.৩০ তাবদা গ্রুপ দি গী মেচ অদুদা ক্রোৱেসিয়ানা নাইজেরিয়াবু পাঞ্জল ২ - ১ দা মাইথিবা পীখি। । (www.lakhipuronline.in)
⧭⧪➤ ঙসি নোংমাইজিং নুমিৎ সন্ধ্যা পুং ৫.৩০ তাবদা গ্রুপ ই গী কোস্টারিকা অমসুং  অস্ট্রেলিয়া, নুমিদাং ৮.৩০ তাবদা গ্রুপ এফকী জর্মানি  অমসুং মেক্সিকো, নুমিদাং পুং ১১.৩০ তাবদা গ্রুপ ই গী  সুইজার্লেন্দ অমসুং ব্রাজিল শান্নগনি।(www.lakhipuronline.in)
A small green rectangle to divide sections of the document
mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE

1 comment:

Comments ...