Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ।।।।।।

May 29, 2018

পতঞ্জলিগী মোবাইল সিম কার্দ হৌদোকখ্রে।

ভারতকী ফার্স্ট মুভিং কন্জিউমর্স গুদস্ (এফ.এম.জি.সি.) গী তাইবঙদা মীয়াম্না থোইদোক্না শকখঙনরিবা কম্পেনি অমা ওইরিবা পতঞ্জলি না তোঙান তোঙানবা পোৎ চৈ কয়া মীয়ামদা খুদোল তম্লবা মতুংদা হন্দকতি পুম্নমক্তগী তোঙানবা মওংদা টেলিকোমগী তাইবঙদা অমুক খোঙদারক্তুনা পতঞ্জলিগী মোবাইল সিম কার্দ হৌদোকখ্রে। যোগগুরু রামদেবকী কম্পনি অসিনা হৌখিবা নোংমাইজিং নুমিত্তা হৌনবী মতুং ইন্না মীয়াম মাঙদা মখোয়গী অনৌবা খোঙজং অসিগী মতাংদা লাউথোকখ্রে। ভারতকী অমত্তা ঙাইরবা টেলিকোমগী সংস্থা বিএসএনএল গা খুৎশম্নদুনা লৈবাক অসিদা শাজবা সিমকার্দ অসি অহানবা ওইনা হৌদোকখি। অহানবগী খোংথাং ওইনা পতঞ্জলিদা থবক তৌরিবা কর্মীশিংতনা হায়রিবা সিমকার্দ অসি শিজিন্নবগী খুদোংচাবা ফংহনগদৌরি।

সিমকার্দ অসি শিজিন্নবা মীওইশিংনা পতঞ্জলিগী পোৎচৈ লৈবদা চাদা ১০গী চাংদা মমল হন্থনা ফংহনগদৌরি। পতঞ্জলি সিমকার্দনা লুপা ১৪৪গী রিচার্জ তৌরবা মতুংদা লৈবাক শিনবা থুংনা অনলিমিতেদ কোল, জিবি ২ গী দেতা, লোয়ননা মেসেজ ১০০ থাবগী খুদোং চাবা ফংগনি। অসিতা নত্তনা পতঞ্জলি সিমকার্দ শিজিন্নরিবা কনজিউমরশিংদা অনা অয়েকনা মরম ওইদুনা শিবা অমসুং এক্সিদেন্টনা শিবা অসিনচিংবগী তোঙান তোঙানবা ইন্সুরেন্সশিংসু য়াওরি। বিএসএনএল টেলিকোম কম্পনি অসি লৈবাক অসিগী নেটৱার্কনি, পতঞ্জলি অমসুং বিএসএনএল অনিগী পান্দমদি লৈবাকসিগী মীয়ামগী য়াইফনবা তৌবদুনি হায়না সিমকার্দ হৌদোকপগী থৌরমদা রামদেবনা মীয়ামদা ফোংদোকখি। লৈবাক অসিদা বিএসএনএলগী কাউন্টার লাখ মঙা লৈরিবা অসিদগী হায়রিবা সিমকার্দ অসি ফংগনি হায়রি।

লখিপুরওনলাইন গী ফেসবুক পেজ লাইক তৌবিউ।


***Download Lakhipuronline Android App from Google Play store  CLICK HERE

No comments:

Post a Comment

Comments ...