Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসি আগষ্ট ২০, মণিপুরী লোননা ইন্দিয়াগী কন্সটিট্যুসনগী ৮শুবা সেদ্যুলদা চনখিবা নুমিৎ অসিদা ইমালোনগী দমক চাওখৎনবা থৱায় হকচাং য়াওনা কৎথোকপিখিবা অমসুং কৎথোকপিরিবা খুদিংমক্তা লখিপুরওন্লাইন‌্গী মাইগৈদগীসু কোক নোঞ্জরি। |||| আসামগী মতুংদা মণিপুরদসু এনআরসি আপদেত তৌহন্নবা লেপ্নখ্রে। |||| ইন্দোনেসিয়ানা য়ুম্বু ওইদুনা জাকার্তা অমসুং পালেম্বাংদা পাঙথোকলিবা ১৮শুবা এসিয়ান গেমস থাংজা নুমিৎ আগষ্টকী ১৮ ইন্দোনেসিয়াগী প্রেসিদেন্ট জোকো ৱিদোদো না চীঙলেমনা হৌদোকখ্রে। |||| বাংলাদেশকী মণিপুরী লক্তগী ইহান হানবা ওইনা বাংলাদেশ সিভিল সার্ভিস (বিসিএস) মায়পাকলখ্রবী ৩৬শুবা কেডরগী মৈতৈ নুপী রিপামনি দেবীগী মফমদা হরাও-তয়াম্বা ফোঙদোকখ্রে ||||মণিপুর ইউনিভার্সিতিগী ভাইস চেন্সেলার প্রোফেসার এপি পান্দেগী মথক্তা থিজিন্নবা ইনক্বারি কমিতি অমা শেমখ্রে। |||| ক্রিকেটর ওইরম্বদগী রাজনিতিদা খোঙথাংজিল্লকখিবা ইমরান খান পাকিস্তানগী প্রধান মন্ত্রী ওইনা ৱাশক লৌখ্রে। ||||

May 25, 2018

ঐইচ.এস.এল.সি. অমসুং হাইমাদ্রাসা পরিক্ষাগী রিজাল্ট লাউথোকখ্রে।


বোর্দ অফ সেকেন্দরী ইদুকেসন আসাম (সেবা)না লৌবা ঐইচ.এস.এল.সি. অমসুং হাইমাদ্রাসা পরিক্ষাগী রিজাল্ট ঙসি লাউথোকখ্রে। পাস তৌবগী চাং হাইস্কুলগীনা চাদা ৫৬.০৪ অদুগা হাইমাদ্রাসাগীনা চাদা ৫০.৬২ নি। সোনিতপুর জিলাগী মুনলাইট হাইস্কুলগী মহৈরোই রক্তিম ভুইয়ানা পুন্না মার্ক ৫৯৩ ফংদুনা অহানবা পোজিসনদা অদুগা বরপেতা জিলাগী আনন্দরাম বরুৱা একাদেমী হাইস্কুলগী অভিনাস কলিতা অমসুং নলবাড়ীগী টিহু হাইস্কুলগী প্রীতপোল বেজবরুৱা মখোয় অনিনা অনিশুবা পোজিসনদা পাস তৌখি। বরপেতাগী সেন্ট টেরেসা ইংলিস হাইস্কুলগী সুলতানা আয়েসা সিদ্দিকি, বাক্সাগী সেন্ট জোন্স হায়ার সেকেন্দরী স্কুলগী জিন্টি দেবী অমসুং কামরুপ মেট্রোগী সুদর্সন পাব্লিক স্কুলগী আরবী চালিহা মখোয় অহুমনা পুন্না অহুমশুবা পোজিসন তামিন্নখি।

সোনাই যুবতি সিংহ মনিপুরী হাইস্কুলগী মহৈরোই এল সিভাসিস সিংহ অমসুং বনতরাপুর হাইস্কুলগী এম সুসমিতা চনু মখোয় অনিমক পুন্না মার্ক  ৯৮ ফংদুনা মনিপুরী সাবজেক্তা খ্বাই মকোকতা পাস তৌরকখি।
মনিপুরী ইলেক্টিবতা পদুমপুখুরি হাইস্কুল হোজাইগী মহৈরোই সুনন্দিনি শর্মানা পুন্না মার্ক ৮২ ফংদুনা খ্বাই মকোকতা পাস তৌখি।

মমাং চহীগা চাংদম্নবদা হন্দক্কী চহীনা চাদা ৮.১ হেন্না মহৈরোইশিংনা পাস তৌরকখি। মমাং চহীগী পাস তৌখিবগী চাং চাদা ৪৭.৯৪ নি। হন্দক পরিক্ষা ফমখিবা মহৈরোই লাখ ৩ লিশিং ৩৭ চামঙাগা হুম্ফুতরাগী মনুংদা লাখ ১ গী লিশিং ৮৯গা চামগা মরিফুতরামাথোই পাস তৌরকখি। কাছার জিলাগী পাস তৌবগী চাং চাদা ৫০.৭৮, হাইলাকান্দি জিলাগী চাদা ৫১.৪১ অদুগা করিমগঞ্জ জিলাদা পাশ তৌবগী চাং চাদা ৪৫.২২ ওইখি।
ঙসি লাউথোকখিবা হাইমাদ্রাসা পরিক্ষাগী রিজাল্টতা ধুবরী জিলাগী কামানদাঙ্গা হাইমাদ্রাসাগী মিজানুর রহমাননা পুন্না মার্ক ৫৫৬ ফংদুনা অহানবা পোজিসনদা, ধুবরী জিলাগী চাপ্রা মাদ্রাসা হাইস্কুলগী নাজমুল হুদা পুন্না মার্ক ৫৫৫ ফংদুনা অনিশুবা অমসুং দরং জিলাগী পশ্চিম মঙ্গলদৈ হাইমাদ্রাসাগী শাবিহা শবনম না অহুমশুবা পোজিসন লৌখি।
পাস তৌবগী চাং অসি কুমজা ১৯৮৭তা খ্বাইদগী লিক্না চাদা ২৩.৯৬ ওইখি অদুগা খ্বাইদগী য়াম্না কুমজা ২০১৩ দা পাশ তৌবগী চাং চাদা ৭০.৭১ ওইখি।

লখিপুরওনলাইন গী ফেসবুক পেজ লাইক তৌবিউ।


***Download Lakhipuronline Android App from Google Play store  CLICK HERE

No comments:

Post a Comment

Comments ...