Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

April 23, 2018

বোরাক তম্পাক্কী মফম মফমদসু ১২৭শুবা খোংজোম নুমিৎ পাক শন্না পাঙথোক্নখি।


বীর টিকেন্দ্রজিৎকী মীতমদা লৈ-শু কৎপা
১৮৯১গী খোংজোম লানদা বৃটিশ লান্মীশিংগা লান্থেংনরম্লগা থৱাই কৎখ্রবা ইপা ইপুশিংবু ইকায় খুম্নবা উৎলদুনা এপ্রিলগী তাং ২৩ বোরাক তম্পাক্কী মফম মফমদসু নুমিৎ অসিবু নীংশিংলদুনা ১২৭শুবা খোংজোম নুমিৎ পাক শন্না পাঙথোক্নখি।
নুমিৎসিগা মরী লৈননা অথৌবা নীংশিংলুপ, লখিপুরনা শিল্লাংদুনা কোঞ্জেংলৈকায়দা লুপকী প্রেসিডেন্ট আর কে সনাহলনা লূপকী ফিরাল চীংখৎতুনা নুমিৎসিগী থৌরম হৌদোকখি।

মতুংদা লখিপুর সাব-দিবিজনগী স্টেত বেঙ্ক অফ ইন্দিয়া লখিপুর ব্রাঞ্চকী মমাংদা খিল্লিবা বীর টিকেন্দ্রজিৎ অমসুং নেতাজিগী মীতমদা লৈ-শু কৎতুনা ইকায় খুম্নবা উৎখি।
 লোয়ননা লখিপুরদগী নীংথেমখুন তাবা লম্বী মপান্দা লৈরিবা নীংথেম পুখ্রিদা চৎতুনা খোংজোম লান্দা থৱাইনা পোন্থা ওইখ্রবা অথৌবাশিংগী মফমদা তর্পণ কৎখি।

মতুংদা কোঞ্জেংলৈকায়দা লৈরিবা মণিপুরী গেষ্ট হাউসতা লূপকী প্রেসিডেন্ট আর কে সনাহলনা ময়ায় তাংবল লৌদুনা পাঙথোকপা অফোঙবা মীফমদা অথৌবা নীংশিংলূপকী জেনরেল সেক্রেটরী য়ুম্নাম নদীয়াচাঁন্দনা মীয়াম্বু তরাম্না ওকপগী ৱারোল পীখি।
থোকচোম কৃষ্ণমোহন এক্স প্রেসিডেন্ট অথৌবা নীংশিংলূপনা চীফ গেষ্ট অমসুং অয়েকপম কুলচন্দ্র, এদভোকেত মুতুম ওংবী রীনা এদভাইজর অথৌবা নীংশিংলুপনা গেষ্ট অফ ওনর ওইনা থৌরমদা শরুক য়াখি।
চাংখ্রময়ুম বিদিত কুমারনা শৈহৌ অমসুং শৈরোই ঈশৈ শকখি।
থৌরমগা মরী লৈননা লোংজম গোপেন্দ্র, খাঙেম্বম বিশ্বনাথ, লৈশুংবম রবীন্দ্র, থোকচোম বিশ্বনাথ নচিংবা মরুওইবা মীওইশিংনসু ৱা ঙাংখি।
ইঙুদম নীরবীরনা মীয়ামদা থাগৎ ৱারোল পীবগা লোয়ননা শৈরোই ঈশৈ শকতুনা নুমিৎসিগী থৌরম লোইশিনখি।

ভুবন নগরগী কংলাশাদা অথৌবাশিংগী মফমদা
হৈকৎ-লৈকৎ তমখিবা।
পুক্নিং থৌগৎনীঙাই ওইরিবদি কাছার জীলাগী ভুবন চীংনা কোনবা লমদম ভুবন নগরদা লৈরিবা য়ুম্নাক তরামুকতং ওইগনি হায়বা মৈতৈ খুঙ্গং অসিগী কংলাশাদা ঙসি অয়ুক খোংজোম নুমিৎকা মরী লৈননা অথৌবাশিংগী মফমদা হৈকৎ-লৈকৎ তমখি।










*** লখিপুরওনলাইন গী ফেসবুক পেজ লাইক তৌবিউ।

***Download Lakhipuronline Android App from Google Play store  CLICK HERE

No comments:

Post a Comment

Comments ...